حَصرياً للرآئدية : موآقف مضحكة ومحرجة (موآقف أكشن)

[ملح وقبلة :$]

.


جاني بكاس ٍ وبه موية و.. (وردة) ..
قال : هاذي هي هديتي يا.. (مرح) ...!

ماكفاني اشكرة و.. (بست خدة) ..
بس (لية الكاس) ياقلبي أسترح ....!!

قال: ( خايف).. . لآ أجيبة في حِدة ..
ثم (تموت) ..! وخاطرك به ما.. (فرح) .....!!

.
كلماتي <




هذا سلمكم الله عبود ولد اختي..
كان جالس معنا شوي الاويختفي .. همن جأ ماسكن كاس مملية ماء وحاط بوة وردة ..
الله العالم هنوه قالعه من الحديقة ولامن هالبوكيهات

وعطان اياه قال ذي هدية عشانتس طبتي (يقلد غيروه)..

عاد سعلتوه وشولوة كل هالمشورة ذا كان جبت الوردة الحاله ..

قال: اخاف اجيبة الحاله بعدين تموت وانتي ماشفتيها:(

ياقلبي قلبوووه
رومنسي من صغروه بسم الله عليه

_

عاد على طاري الورد وعبود .. << سكتون عاد

مرتن من المراريت كانت اختي وولده نايمينن عندنا .. (ترا بهاك الوقت ماكانت زعلتن على رجلة ابد ) !

المهم من بكرة العصر لقيت اختي وامي بالصاله قلت وينوه هالقعو
مالوه حس هبد ..

قالوا مدري ..

واطس فوق ادورة غرفه غرفة وانزل تحت ادوروه حتى ورا باب المطبخ دورتوه مالقيتوه

واطلع بالحوش اشوف باب الشارع مفتوح ولالا .. نغزن قلبي قلت لايكون طالعن برا.. اولآه

واول ماطلعت بالحوش

والقاه جالسن ع التراب ابو الشباب ويقلع ب هالورد

قضى ع ثلاث ارباعهن يمكن ..

يامال الماحي .. وانا اللي تعبت وانا اشتري وازرع ..واحط واشيل بهالشتلات

وانزروه .. لييييييه تسوي كذا ..ي اللي فيك ومافيك

قال : .. .

عشان ارتب مكانهن ..
واحط الملونات جنب بعض

هذا اللي بيكحلها عماها



_


لا هذا غير سماجه بعض الناس ..

اختي 4 ابتدائي ..

ابلشتن اول غمضي غمضي وميرر اتنازل عاد واغمض < ياهووه ياثقل

وتعطين هدية شكبرة مغلفة ..

عادد انا فرححححت قلت اكيد به شي سنع .. غدية طقم عطور ولاعدة جديده للكورشية المهم شين زين ..

و اخذته وطست جلست ع الكنبة قالت يلا افتحيها !

واجيكم عاد متحممممسه بَ الحيييل

واشيل التغلييفه الاولى وافتح الكرتون ..
ويطلع لي شي ثاني داخل مغلف

واجي مرة ثانيه وافك التغليفه وع هالحال يمكن 8 مرات

وانا خلاااااص ماسكتن اعصابي .. اتحرى وش يطلع قلت اكيد به شين خطير

ومير اخر كرتون احصل بوة ورقه متعفطه رايحتن بأمه ..

تدرون وش طلع مكتوب به ...


؟

؟




مكتوب .. . ( حظن اوفر ي العبدة )



قسم بالله ياتحطمت تحطيم اوب صاحي ...

يرحم لي ميمتتس مشاركه بمسابقه انا !

تعبت اصويبيعاتي وانا افكفك ع الفاضي .. صدز سماجه :(..


_


لا ويجيكم اللي قطع وجهي

سليمانوه ولد خالتي حسبي الله على بليسوه ..
كان فيه حريم زايريني زمان ومسوين عشاء للرجال بالمقلط
ومن ضمنهم خالتي ورجلة وعيالهم ..

المهم جا هالسربوت سليمان جنبي ..

هبد لو تشوفونه هذا هو >

قال مرح انا احبك مرررررة
قلت وانا بعد احبك مرررة مرررة
قال بس انا ماعطيتس هديه زيهم
قلت موب لازم انا احبك بدون شي


قاطعني قال طيب وش تبين اعطيتس

قلت خلاص موب لازم .. قال الا لازم

قلت اي شي لو بوسه بس ..

نزر علي تقل اني قيلتن لوه اكفر ..


قال : عييييييب ياوصصصصصصصصخه

اصلن .. امي تقول لاتحب احد بس حب الام والأبو ..!!


والله اللي تقطع وجهي بهاك الوقت .. بس الحمد لله محدن متنبهن لنا .. كل وحدة تقرقر مع اللي جنبه



قال لي بجيب لتس فلوس
قلت طيب
قال تبين مليونين
قلت اي
قال لا ابجيب لتس الف
قلت طيب
قال لأ.. مية ريااال تبين ؟؟

قلت اي خلاص اي ششششششششي بس فكن الله يرحم امك

قال اصبري ويطس فترة واناا بس جالستن ارقب


همن جان معه ميه ريال عطان اياه قلت منين لك < خفت انه سارقهن من احد ..

قال قروشي حقاتي .. همن طس

شوي الا ابوي دق علي يهاوش يقول تشحذيييين انتي !!
ومير انهببببببل ! وش السالفه
قال سليمان مزعج ابوة قدام الرجال
يقول مرح تبي مية ريال فشلتينا الله يقلعتس



ومااقول الا ياحبيل عبود ابو وردة