ويش جرى لكم يا شباب الخفجي ؟؟

[الصخرة]

[align=center]قاعد في البيت الموية مقطوع مثل حال كل الخفجي هذة اليومين والورعان يصيحون الا شوية الكهرب انقطع اخوكم من سكان التملك طبعآ تعرفون مغامراتنا الي ما تخلص مع الكهرب والشركه وهذة الدوامة الي ما تخلص اتفقنا نطلع من البيت لا كهرب ولا موية طلعنا من البيت الا وذيك والسيارة وذالك الصوت الي يخر الجبال ويفقع الأذن ويا كثرهم هذة الأيام ودي اسئل عن موقف الدوريات والمرور منهم والله يمرون الساعة 2 الفجر واحيان 3 بسياراتهم وصوت الشكمان ولا صوت المدفعية طيب يا ناس في شيبان وامراض وفي ورعان نيام في البيوت طيب وين اهاليهم هذول يدوجون في الشوارع على هذا الحال اذكر مرة قلت لواحد عند الأشارة وانا مبتسم يا خوي ويش الصوت هذا ازعجتنا الله يرحم والديك تدرون ويش رد علي قال اقول خلك رجال وامش في طريقك لا يجيك علمآ ما تتوقعة ولا تعرفة حسيت ان الرجال طالع من بيته وناوي مشاكل وحسيت لو رديت علية ان الأمور بتنفلت من ايدينا وندخل في هوشة كبيرة خاصه ومعه في السيارة اخوياه ثلاثة من حقين القبابيع والبيبسي بيد والزجارة بيد ويطالعون لي بنص عين قلت الله يهديكم وولعت الأشارة خضراء وما صدقت ابي الفكة منهم ومشيت من عندهم وذيل وراي ويضحكون ويتمسخرون علي لا حول ولا قوة الا بالله
وقبل يعدون داس بنزين الا وذاك الصوت والله الورع عندي يبكي في السيارة من الخوف وقفت على جنب على شان يمرون والورعان يطالعون فيني ويقولو نبي البيت يوبه قلت وانا مثلكم الله يكفينا شرهم وشر من مثلهم ولا حول ولا قوة الا بالله
ودي اسئلكم يا اخوان ايش موقف الدوريات منهم ؟؟
ووين اهاليهم هذول ويعني ما يشوفوهم بهذا الحال ؟؟
ايش احسن طريقة لتعامل معهم النصيحة او القوة ؟؟
احيان اقول هذولا مو من الخفجي ما خبرناهم كذا شباب الخفجي ؟؟[/align]

[أدم]

الصخره .. فعلا هذا اللى قاعدين نشوفه ولا يشوفه احد من المسؤلين .. انا اقول المرور 2 دوريتين بالورديه الواحد .. معقوله مدينة حدودها الجغرافيه ممتدة 150 كيلو حتى راس الزور تحت اشراف المرور وين الجبيل والنعيريه منه ..
الخفجي تحتاج اقل شى 10 دوريات بالوردية .. من المرور فقط ..

تصدق صار لى 10 ايام ماشفت ولا دورية شرطة ؟ الا مره الصباح حصلتهم مجتمعين عند بوفية حنان .. ( يتفاهمون مع الشباتى ) ودوريتين فى موكب المحافظ

ويش بقى للمواطنين وهمومهم

الامن للاسف بالخفجي بنسبة % 3 ...

ولحياة لمن تنادي من المحافظة ..

اذا المحافظة ماقدرت تحافظ وتطالب افضل حل لنا رفع برقية الى سمو وزير الداخليه ونائبه للنظر فى اوضاع الامن فى هذا المدينة اللتى فقدت السيطره من رجال الامن ..

وتقبل اصدق تحياتى

ابوتركي

[بدون ميول]

اغلب هالشباب اللي تشوفونهم يسوقون سيارات مشخلعه(ماأدري وش أصلها) ويقطعون الاشارات بكل وقاحه ويشغلون الاغاني بصوت عالي حتى وقت الصلاة من ابناء واخوان واصدقاء العسكر من المرور والشرطه وهم متأكدين أن لاأحد سوف يمنعهم او يطبق عليهم النظام فلا تلوموهم
إذا كن رب البيت للدف ضاربا ******* فشيمة اهل الدار الرقص
ومن أمن العقوبة أساء الادب
وسامحونا

[أبو رائد]

الله يصلحهم .. ويهدي الجميع ..

[دخــــٌيل]

:
:

هـلآ بـ آلصــخره..

الله يجزآك خير على النصيحه.. الله يهدي شبآبنــآ لـ الطريق السليم ويصلحهم ويصلح حآلنــآ أجمع يآرب,,

موضوعــك يدل على حرصك بوركـت والإهتمآم من آوليآء الأمور أتوقع هو الحــل آلأول وآلأمثــل وآلتصرفأت الصبيآنيـه ليست إلا عآكســآ لـ صآحبهــآ وعلى التربيـه الغير سليمـه..


كُــلي أمل أن تُضآعف جهود الأمــن الله يعطيهم آلعآفيه عمومــاً .. في آمآن الله..

:
:

[تركش كوفي]

( الصخره )
.
.
.
( الزين )
.
.
.
تحيه طيبه

بالتأكيد البيت والمدرسه لهما دور مهم

بس (( القانون هيبه ))

والشارع العام ليس للبيت ولا للمدرسه الشارع العام ((( للقانون )))

وما ينطبق على الراعي والفلاح ينطبق على أي من كان ( عنوانه ) فالبيت والمدرسه لا يكفيان

هل يعقل بأن هناك موسسات أقل من الصغيره في الخفجي لديها سيارت أكثر من سيارات المرور

بالخفجي.


مع الشكر والتقديـــــــــــــــــــــــــر،،،

[الصخرة]

اقتباس المشاركة الأصلية كتبت بواسطة أدم الصخره .. فعلا هذا اللى قاعدين نشوفه ولا يشوفه احد من المسؤلين .. انا اقول المرور 2 دوريتين بالورديه الواحد .. معقوله مدينة حدودها الجغرافيه ممتدة 150 كيلو حتى راس الزور تحت اشراف المرور وين الجبيل والنعيريه منه .. الخفجي تحتاج اقل شى 10 دوريات بالوردية .. من المرور فقط .. تصدق صار لى 10 ايام ماشفت ولا دورية شرطة ؟ الا مره الصباح حصلتهم مجتمعين عند بوفية حنان .. ( يتفاهمون مع الشباتى ) ودوريتين فى موكب المحافظ ويش بقى للمواطنين وهمومهم الامن للاسف بالخفجي بنسبة % 3 ... ولحياة لمن تنادي من المحافظة .. اذا المحافظة ماقدرت تحافظ وتطالب افضل حل لنا رفع برقية الى سمو وزير الداخليه ونائبه للنظر فى اوضاع الامن فى هذا المدينة اللتى فقدت السيطره من رجال الامن .. وتقبل اصدق تحياتى ابوتركي

[align=center]
والله يا ادم اذا كانو يتفاهمون على الشباتي عز الله عندهم حق يدوجون في الشوار وعلى رؤوسنا وبعدين ياخي 150 كيلو والله كثيرة هذة المساحة يعني ما قدرين يطلبو دوريات لا حول ولا قزة الا بالله ووكلنا الله عليهم [/align]

[الصخرة]

اقتباس المشاركة الأصلية كتبت بواسطة بدون ميول اغلب هالشباب اللي تشوفونهم يسوقون سيارات مشخلعه(ماأدري وش أصلها) ويقطعون الاشارات بكل وقاحه ويشغلون الاغاني بصوت عالي حتى وقت الصلاة من ابناء واخوان واصدقاء العسكر من المرور والشرطه وهم متأكدين أن لاأحد سوف يمنعهم او يطبق عليهم النظام فلا تلوموهم إذا كن رب البيت للدف ضاربا ******* فشيمة اهل الدار الرقص ومن أمن العقوبة أساء الادب وسامحونا

[align=center][align=center]
اخي بدون ميول
والله هذة الي ما لها حل الواسطة نحبها احيان ونكرها احيان [/align][/align]

[الصخرة]

اقتباس المشاركة الأصلية كتبت بواسطة أبو رائد الله يصلحهم .. ويهدي الجميع ..

[align=center]
والله يا بو رائد الله يسمع منا ومنك صالح الدعاء لهم بالهداية نحن كا كتبنا عنهم الا وحنا نبي لهم الهداية قبل الشماته وما هي موجودة اصلآ[/align]

[الصخرة]

اقتباس المشاركة الأصلية كتبت بواسطة الــــزين : : هـلآ بـ آلصــخره.. الله يجزآك خير على النصيحه.. الله يهدي شبآبنــآ لـ الطريق السليم ويصلحهم ويصلح حآلنــآ أجمع يآرب,, موضوعــك يدل على حرصك بوركـت والإهتمآم من آوليآء الأمور أتوقع هو الحــل آلأول وآلأمثــل وآلتصرفأت الصبيآنيـه ليست إلا عآكســآ لـ صآحبهــآ وعلى التربيـه الغير سليمـه.. كُــلي أمل أن تُضآعف جهود الأمــن الله يعطيهم آلعآفيه عمومــاً .. في آمآن الله.. : :

[align=center]
اخي الزين
كلنا نكمل بعض في الصلاح والنصيحة والله يكون في عون الجهات الأمنية للحد من هذة الضواهر الغير مرغوبة[/align]