وحشة غيابك

[لذة ح ـــــــب]

/
\
~[ وحشة غيابك ]~
قصيدة راقت لي كثيراً
و هي لشاعر / عبد العزيز الدهمشي
/
\
هلابك .. كثر ماكنت أرتجيك وكنت بك مغرور
هلابك .. كثر ماصاب البَخَتْ حزني ولا صابك

هلابك .. كثر تقليب المواجع والسهر والجور
كثر مازارني وجه الفراق ..!! بوحشة غيابك

هلابك .. كثر ماكنت المدائن والشُرف والدور
كثر ماملّت يدين إنتظاري ..... تـطرق أبـوابك

هلابك .. من ثلاث سنين أرددها بدون شعور
ليا حلّ المساء قلت المساء جابك.. ولا جابك

علامك.! علّ ماقلبك حزين و خاطرك مكسور
عسى ماضاق بك صدر الزمان وسهّر أهدابك

علامك جيت في بالك صحيح تحس بي مشكور
وربي ماهقيت إن الزمن يصحى .. ويصحى بك

ثلاث سنين .. ملّيت الوجيه وضحكة المقهور
أقول إني سليت .. ولا سليت ... إلا عن عتابك

ثلاث سنين والأشواق في صدري ..عليك تفور
تهيضها الـهدايا .. والقصـيد .. وباقي أطـيابـك

ثلاث سنين .. وطيوفك كريمه بالوهم والزور
تصــوّرك بـعيــوني ... كل مـاشـــوقي تـغـنّابك

ثلاث سنين أجي نفس المكان الموحش المهجور
أثر حتى الأماكن .. ماتـزين إلا مع أحــبابـك !

وأثر من حبّ ماينسى ..! وأثر قاع الأماني بور
وأثر لو هابتك كل الرجال .. الحب ماهابك ..!!

حبيبي .. وفـر أعذارك .. قـبل ماتعتذر معـذور!
ترى قلبٍ عنالك ... مايضــره لـو ... تعنّـا بك

هلابك خل كل اللي مضى وإقرب وشب النور
بقلبٍ يشعل شموعك .. سنين .. ولا تهنّابك ..!!

/
\

أتمنى أن تكون راقت لكم

**

لذة ح ـــــب