حلمً حلمته
بالخير يالربع والربعااات
تصدقون اني مرتن من المرات نمت ( ياسبحان الله )
عاد مهو انا نمت وانا احلم ( قل والله )
مهو بس كذا
حلمت اني انا وسامي بالمنتخب السعودي ولعبنا معهم بكاس العالم
عاد شوفوا وش صار
طبعا قريت الجريده في يوم من الايام واقراء تشكيلة المنتخب ليمار هذا اسمي واسم سامي
صدق تسذب ياوالله اسمي
وانا اتصل على سامي واعلموه قال اقول ابلع العافيه
قلت يا سامي والله ما استهبل هذا اسمي واسمك قدامي
قال ياولد ماعندنا لياقه اخاف يستبعدوننا
قلت ولا يهمك نبي نتمرن ليما يجي كاس العالم ليمار شبعانين لياقه
قال سامي خلن اخذ اجازه واجيك بالرياض علشان نتمرن سوا
قلت يالله
ويومين ليمار هذا هو محضر بالرياض
قال هاه وين تبينا نتمرن
قلت باقرب شارع
قال لا اخاف يعرفوننا ولا يخلوننا نتمرن من كثر الجماهير المتجمهره
قلت انا عندي لك فكره
قال وشهي
قلت نبي نشري لنا عبي ( جمع عباه ) ونروح لشارع الحوامل اللي يمشن بوه الحوامل
ونتمرن ولحد عارفنا
والله وحنا نتفق ونشري عبينا ونروح باول يوم نتمرن
طبعا اول شي نمشي مشي
وعقبه قمنا نهرول شوي شوي
وعقبه نسوي تمارين سويديه واطاله
وهم يبلشوننا هالشباب اللي يغازلون ( خبول يغازلون هالحمًل )
قال واحدن منهم تكفين ياحلوه اخاف بتصيرين مع المنتخب ( يعني سامي )
قال سامي خبيل مايدري اننا مع المنتخب
قال الاخر لا شف هالغزال الثاني اخاف بتهبل بحارس اسبانيا
قال الثالث ( هذا ذرب ) لا ياجماعه خلو الغزلان ياخذن راحتهن ( ياخي تقل عشقتوه )
عاد الله يعين هالحمل مايسلمن
الله ينفه لهن
والله وحنا نحضر مع بعثت المنتخب اللي تبي تروح لالمانيا
واول مادخلنا على الاعبين ليمار مجتمعين والله وحنا نسلم عليهم سلام عرف
وهو يقوم يحتسي علينا مدرب المنتخب وينصحنا ويوجهنا
وهو يسرد علينا التشكيله الاساسيه
ليمار انا وسامي اساسيين وحنا الهجوم ( ثنائي خطير )
والله وحنا نطير لالمانيا .
والله واول مباراة وحنا ننخرط خمسطعش صفر
والثانيه ست وثلاثين صفر
واخر مباراه سويت عهد انا وسامي واتفقنا اننا نسجل بهالمباراة واننا نتعاون
المهم بدة المباراة والفريق الثاني ضاغط علينا
وجاء الشوط الثاني النتيجه صفر صفر
وانا استلم الكوره عند النص وانا امسك الجناح واولع الفلشر ويالله يشوفون غبرتي
وسامي يصيح عند الثمانطعش ارفع ارفع ارفع
انا يوم سمعت حس الجماهير وانا استزيل وانا اهدي وابي افرفر ( ينذخ )
وهم يقطعونه مني
وهو يجي سامي يركض
قال ليه مارفعت الكوره
قلت ياخي ضايقوني وفترو حيلي
قال انت يوم انك بسعه ليه مالعبته لي
قلت انقلع وراك ماني فاضين لك
وهو يصفقن هكا الكف اللي قمت اركض بالملعب من وجعوه
وانا انكس عليه قلت ليه تصفقن قدام الناس
قال بكيفي
قلت اذا فيك خير اطلع لي عند الركني
قال امش اذا انت رجل
والله وحنا نروح ( طبعاً في هالاثناء اللعب ماشي ولا دريو عنا )
ويوم وصلنا الركني وحنا نتقاضب الشوش
وكل واحد ماسكن شوشت خويوه
وحنا نقع على القاع وشبطي
الجماهير خلت اللعب وقاموا يضحكون علينا
والحكم مايدري وش السالفه ودخل العلاج الطبيعي
المهم اننا خسرنا بهالمباراة مثل غيره
ويوم جو يبون يرجعون للسعوديه قال مدير المنتخب انتم يالثنين مالكم حجز بالطايره
قلنا اجل وشلون
قال حجزنا لكم بالنقل الجماعي
ويوم قاله وانا اقعد من النوم من الخرعه
وهاااااااااااااااااااااااااااااااااااااااااااااااا ااااذي هي السالفه
وجيتك منهم مدري عنهم
المواضيع المتشابهه
العرض المتطور
