المشيخه ماهي بشـوت وملاييـن

[الونيس]

هلا وغلا بالأحبه

هالقصيدة تعبر عن نفسها كل على ذوقه يختار

المهم تفضلوا و حياكم الله

يقول الشاعر::::::::::::::::::::::::::::


المشيخه ماهي بشـوت وملاييـن
وختمٍ طلـع بالواسطـه والميانـه

ولاهي بنشرالكذب وسط الدواويـن
والفخفخـه والفشخـره والخيانـه

ولاهي بنفخ الصدر عند السفاهيـن
وتظاهر انـه صارعنتـر زمانـه

واللي تصيقر وهو ضمن الكراوين
ختمـه ومايملـك يزيـده مهانـه

بكـره لياجـا للمواقـف براهيـن
وكلٍ علـى فعلـه يقـدم ضمانـه

تبي تكشف كل الأوضـاع وتبيـن
ويعض منهو محتـزم بـه بنانـه

لا جا التناقش وانبرى الجيم للسيـن
يرسب من اول يوم عنـد امتحانـه

ينشب لسانه فاللقـاء بيـن لحييـن
ويـروح بأفـواه العـواذل لبانـه

المشيخه صبرٍ على العسر والليـن
وبذل وعطا واخلاص ذمه وامانـه

والمشيخـه للـي يفـل الجناحيـن
ويضف ربعه في وفـاه وحنانـه

والمشيخه صد الخصـوم العنيديـن
والحـزم والشـده لقـوم اللعانـه

وان ثار عج المشكله بين خصميـن
يبـرك وعشـره ماتعـود ثمانـه

والمشيخه بـذل الكـرم للكريميـن
وبيتٍ تعرفه قبـل لايقـال عانـه

وعطفٍ على المحتاج ومغربل الدين
وصيتٍ طغى مسكه على زعفرانـه

شيخة شرف ماهي بشيخة وراعين
شيخة كريم المجـد جـود عنانـه

حكيـم ينصونـه قـرومٍ حكيميـن
يستأنسـون لحكمـتـه ولبيـانـه

سوالفه تشرح صـدور الحزينيـن
والصدق والحكمـه عوايـد لسانـه

مجده مورث من شيوخٍ عزيزيـن
سـاسٍ وثيـقٍ ماتزلـزل كيانـه

هـذاك لـو مايملـك إلا رياليـن
له في قلوب الناس قـدر ومكانـه

صيته يشرف عند الأدنى والأقصين
ودايم بفعل الطيب كاسـب رهانـه

لامر ذكره قالـو النـاس نعميـن
وجـهٍ يزينـه الرضـا والديانـه

يغنيك عن شوفة وجيـه الشياطيـن
عبـادة الدينـار روس الخيـانـه

وش عاد لو حطو ختوم وملاييـن
مال الردي نقـصٍ عليـه ومهانـه

كونو بخير

[عواد العنزي]

الونيس

هلا وغلا

قصيدة رائعه فيها من الحكم

وتعانق الحقيقة بكل بيت

اقتباس المشيخه ماهي بشـوت وملاييـن وختمٍ طلـع بالواسطـه والميانـه ولاهي بنشرالكذب وسط الدواويـن والفخفخـه والفشخـره والخيانـه ولاهي بنفخ الصدر عند السفاهيـن وتظاهر انـه صارعنتـر زمانـه

هنا ابدع الشاعر بوصف من يحصل على الشيخه اما بالواسطه

او بكثرة المال

اقتباس المشيخه صبرٍ على العسر والليـن وبذل وعطا واخلاص ذمه وامانـه والمشيخـه للـي يفـل الجناحيـن ويضف ربعه في وفـاه وحنانـه والمشيخه صد الخصـوم العنيديـن والحـزم والشـده لقـوم اللعانـه وان ثار عج المشكله بين خصميـن يبـرك وعشـره ماتعـود ثمانـه والمشيخه بـذل الكـرم للكريميـن وبيتٍ تعرفه قبـل لايقـال عانـه

وهنا يوضح كيف تكون المشيخه

صح لسان الشاعر

وسلمت على النقل الرائع

والف شكر على جهودك الطيبه

وتقبل مني كل الحب والاحتراااااااااااام

[أبو رائد]

سلمت يا الونيس


والله يعطيك العافية



على هذه القصيدة

[أحمـــد]

صح لسان يالونيس ...



ذوووووووووووووووووق ياذوووووووووووووووق



لاهنت يالغالي على القصيده الروعه ...


وننتظر ماهو أروع منك ...


تقبل فائق الاحترام والتقدير




Thank You All

[فهدالقحطاني]

فصيدة رائعة من شخص

اروع

[عربيد الشمري]

[align=center]فعلا المشيخه ماهي بشوت وملايين
وياكثرهم بهالوقت والله المستعان
ويعطيك الف عافيه [/align]

[العشق الأسمى]

الونيس قصيدة راائعة

سلمت على نقلها اخي


يعطيك العافية

[ابوليلى]

اخوي الغالي الونيس





قصيده رائعه ... تحكي واقع الانتخابات البلديه ....







بكل صراحه ....






انت رائع ... ايها الونيس ... صح لسانك ...








مشكور اخوي الغالي الونيس على هذه القصيده الرائعه ....

[نواف الفهاد]

المشيخة ..
كلها .. عرفناها .. بــ حرفك !!

/
\

الونيس ..

وتلومني فيك .. يوم اتابع حرفك ؟؟

والله كلك تميز !!

/
\

لك كل الغــلا

سلالالالام

[الهايم]

الونيس



ماهو غريب عليك الأبداع



ولقد أمتعتني هذه الكلمات


اختيار موفق ولاعدمناك.