ظاهرة بدأت في الإنتشار في الخفجي خاصة

[friday_99]

اثار شجوني موضوع في هذا المنتدى الرائد والذي نشكر عليه ابو رائد الذي جمعنا على خير ان شاء الله في هذا المنتدى الرائع

والظاهرة هي العودة بقوة للإستماع للأغاني رغم معرفة الجميع بشدة تحريمها ( طبعا قمر عرب سات او البدر ماقصر بكثرة هالنوع من القنوات )
ولكن المزعج في هذا الظاهرة هي علو صوت مسجلات السيارات دون اي نوع من انواع الحياء او الشعور بالذنب في الشوارع والأسواق بحيث يجبرونك على الإستماع معهم وإذا نظرت للشخص وترغب في نصيحته يعدها نوع من التعدي على حريته الشخصية
بالإضافه إلى ماتفضل به احد الأخوان من ظاهرة الميوعة وتمليس الشعر وتنعيم الوجه حتى اصبح الشخص لا يفرق بين الشاب والشابه سوى بما تبقى من العباءة على اكتاف الفتيات

وآمل الا يكون الموضوع قديم بس الحقيقة شفت لي شوفات بسووق التملك دبلت كبدي


و الله المستعان

[ابتسـ ألم ـامة]

هلا وغلا friday_ 99


الظاهرة هذه للأسف منتشرة بكل مكان



المشكلة هو يبي يسمع وبنفس الوقت صوت المسجل والراديوا


يوصل سابع شارع



مانقول إلا الله يهديهم ويهدينا إلى طريق الصح


وأن نكون ممن يرى الخطأ


يصلحه بلسانه وإن لم يستطع بقلبه


دعوة لهم بالهداية


نسأل الله أن يتقبل منا الدعاء



سلمت ياخوي على موضوعك


يعطيك العافية



أستودع الله دينك وأمانتك وخواتيم أعمالك

وعلى الخير بإذن الله نلتقي


كلمــات مـن ذهـب
قال رجل لأبنه
يا بني لا تلاحين حكيماً ولا تحاورن لجوجاً
ولا تعاشرن ظلوماً ولا تواخين متهماً

[شيفا الشرقيه]

ما فيه حل للظاهرة هذي الا بالعودة لله
وترك مثل هذه الذنوب والله يهدي الجميع
مشكور اخوي

[الــســامــر]

[align=center]الهدايه من الله ..
ولكن لازم نعمل بعد ..
أنا مثلك أخوي .. اشوف هذي الظاهره .. وأشوف ان الناس هذي مو شايفه أحد بعينها ..!
مافيه لا تقدير ولا أحترام

ولكن ما نقول إلا .. الله يهديهم أن شاء الله ..[/align]

[شوق الغلا]

[align=center]

عزيزي

هذى الظاهره اشوفها بكل مكان..

ليست محصوره بمكان واحد..

يعود هذا الى النقص فيهم فيبرزون نقصهم بطريقتهم !

ربي يهدينا وياهم ..

[/align]

[الضيغم]

السلام عليكم ورحمة الله وبركاته ..!!

الله يهديهم ان شاء الله ...

ومشكور على حرصك ..

[العـــابر]

التربية لها دور كبير في الموضوع
وإذا قصروا أهلهم بتربيتهم راح تشوف مثل هالتصرفات
وأصلا أهلهم لم يتربوا (فاقد الشيء لا يعطيه)

[][][ SiCK_LOvE ][][]

والله كلامك في محله وكله صح

بس انا الحمدلله ماشفت هالاشكال للحين و مو زينله لو اشوفه خصوصا هذا اللي تقول يتميع

وانا ماقولك ما اسمع اغاني لا والله اعترف انا اسمع اغاني بس بأحترامي وبسيارتي و الصوت واطي وتشوفني ساكت داخل السياره يعني ما احرك راسي ولا اتكلم علشان محد يعرف اني مشغل اغاني

اما تمليس الشعر هذا شي انا اشوفه عادي وماله دخل بالميوعه لان في فرق من ان الواحد يتميع وانه يهتم بنفسه وبمظهره بس انا معاك ان الشباب هنا ممصخينها يحس انه راح يصير حلو ,,, وانت عارف شكله شيشبه ماودي اقول

خلاصة كلامي : ان تعلية الصوت غلط ومظهر ماهو حضاري والناس اللي تشوف الشخص هذا راح تحتقره ويمكن تدعي عليه ,,, تبي تسمع اغاني مع انها حرام اسمع بسيارتك ومحد بيكلمك

واهتم بنفسك وشكلك بس مثل العالم والناس مو عيب انك تهتم بشكلك العيب انك تعطي احد فرصه انه يقولك بالعربي ,,, شكلك غلط

والف شكر على طرح مثل هالموضوع للنقاش

اخوكم : مـــــحـــــمـــــد

[الصخرة]

[align=center]انا كتبت موضوع من سابق بنفس الشيى وعن نفس الظاهره واتفق معك واشعر ما تشعر به واقول انها في كل مكان وهذا صحيح ولكن اعتقد ان النسبه في الخفجي مرتفعه اذكر مره من المرات اني كلمت واحد من الشباب الي يرفعون صوت المسجل وكان ذالك اثناء خروجي من المسجد في صلاة العشاء وكانو مجموعه ومعاهم قبابيع وحطين سطل زيت على شعورهم وقلت لهم ياشباب اذا لابد تتسمعون المسجل عاد لا ترفعوه زي كذا وما كان ودي اقول حرام وادخل معاهم في فتاوي واحنا على الرصيف تتصورو ايش رد علي واحد منهم قال ( اقول اذلف من نيه وخلك في حالك ليصير شي ما تتوقعه ) عرفت ساعتها اني لو رديت راح تصير مشكله وفي نفس الوقت عرفت مع من اتحدث وحسيت انهم ممكن يعملو اي شيى وانهم مستعدين للهوشات والمشاكل قلت الله يهديكم ومشيت ورفعو المسجل زياده وقعدو يصرخون وانا امشي مسرع وصرت انا خايف من الفضيحه قدام العالم يوم يشوفوني معاهم [/align]

[][][ SiCK_LOvE ][][]

غلطان

والله محلاه قايلها لي لاكسر ضروسه بفمه

عادي لو هم 10 انضرب وانا على شي انا عارف انه صح


اخوكم : مـــــحـــــمـــــد