الاهـداء لصديقي واخوي الكبير عبدالسلام عرفج عبدالله العقاب النماصي الشمري

[ممدوح سماح العفري]

بسم الله الرحمن الرحيم

من لايشكر الناس لايشكره الله و معروف الرجال لايقدر بثمن مهما كان وهذه القصيده اهديها الى رمز من رموز قبيلة النمصان اخوي الكبير عبدالسلام بن عرفج بن عبدالله العقاب النماصي الذي لو كتبت فيه اجزل الابيات لن اوفيه حقه مهما كان وقف بجانبي ولا يزال ولم يزل ولا ادري كيف ارد افضاله التي لا تعد ولا تحصى علي ، كتبت هذه الابيات و اتمنى انتصل اليه وهي تعبر عن قليل من كثير من مشاعر الحب و التقدير لهذا الانسان العظيم



وصلّ الوافي من الخافق سـلام .. عد ّ مزن ٍ ساقته رخـم الغيـوم

او عدد من طاف بالبيت الحـرام .. للرفيق اللي لـه العـذرا تشـوم

للنماصي عزوتي عبـد السـلام .. عزوتي يا عزوتي ذرب العلـوم

اشهد إن اللي لجا بك ما يضـام .. يا ملاذي عن لواهيـب السمـوم

الوفا كاسيك من خـال و عمـام .. يا وريث اهل المكارم و السلـوم

تربية حر ٍ عديـم و لـه مقـام .. راس حربه ليث بالعليـا يحـوم

عرفج الزحزيح مدهـال الكـرام .. مستقر الطيب مـا ياتيـه لـوم

عااش شيخن جاب من صلبه قطام .. جاب أبو نوره عسى عزه يـدوم

متعب الشّعار فـي بـدع الكـلام .. و بالشجاعه متعب ٍ كل الخصوم

تلطم المخطي ليا اشتد الخصـام .. العدو من كثر خوفك مـا ينـوم

و يش ابمدح فيك يا حام الجهـام .. وقفتك نفخر بها فـي كـل يـوم

يوم صار الجو في وجهي عسام .. مرتكي لي يا بعد كـل الرخـوم

من يبي منكم نسابـه مـا يـلام .. فعلكم يا عزوتي يجلـى الهمـوم

يالنماصي لك محبـه و احتـرام .. لان مثلـك للعـلا دايـم يـروم

نغلي الطيب ونمشي لـه شمـام .. و الردي مالك ولا لي به لـزوم

دام انا معكم فأنا وضعـي تمـام .. احمد المعبود ما شفـت الغمـوم

والسلام اختام يا عبـد السـلام .. يا الرفيق اللي مقدر و محشـوم
كلمات

ممدوح سماح العفري السلماني الشمري

[دانة الكون]

و النعم بعبد السلام
عسى الله لا يفرقكم و يديم عليكم المحبه و الاخوه
صح لسانك
ابيات رااائعه

[عزيزه نفس]

رائعه القصيده والله يديم الاخوه والمحبه بينكم

[الدووووخي]

ونعم والله فيك وفي عبدالسلام ..

وصح لسااااااااانكــ ..

[الشميلاني موسى]

اخوي ممدوح الله يبيض وجهك قصيده قمه بالجزاله والروعه مايكتبها الا شاعر فحل الله لايهينك
واخوي عبدالسلام العرفج والله ونعم ويستاهل وعيال عرفج كلهم ونعم رجال كفو ومعروفين ومن اهالي الخفجي القداما ولايستغرب عليهم الفزعه. ..ولاعليكم زود

[هادي المسردي]

[align=center]
صح لسانك ماقصرت وعبدالسلام يستاهل المدح
رجل مواقف وافعاله طيبة ونعم بالمادح والممدوح ياممدوح
[/align]