بحاول أوصف احساسي تجاهك وانثر الامطار
بحاول.. بس يا الغالي شعوري صعب تفسيره
انا من يومني بنت(ن) صغيره والقلوب كبار
بلاني ربي بحبك S, وعشت بعالم الحيرهS
أنا من يومني طفله وانا لي بالهوى تذكار
عشقتك من صغر سنيS , يا زين الوصف والسيره
صحيح اني صغيره حيل , ومن حولي بنات صغار
صحيح همومنا لعبه , وكل أحلامنا صغيره
طموح البنت في عمري , عروسه ولعبة استشوار
وانا كل اهتماماتي , عيونك ياضيا الديره
في مدرستي عجزت أفهم دروسي والبلا أفكار
أفكر فيك يا خلي .. وزاد الشوق تفكير
أنا ما همني درسي .. ولا هموني الشطار
تجاهلت الفصل كله .. عباراته .. طباشيره
كتبت اسمك على هاك الدفاتر يالغلا تكرارS
رسمت قلوب ورديه , سكنها انت , من غيره ؟
الا ياليتني بنت(ن) , تعرف تنظم الاشعار
يمين الله لأكتب لك قصايد تفضح الغيره
كبرت اليوم يا الغالي وزاد بقلبي الاصرار
على حبكS , وحب اللي يحبك فاق تعبيره S!
جذبت عيوني الثنتين , الا يا ملفت الانظار
سكنت حدود نبضاتي , بدون اجراء تأشيره
فداك اللي تبي آمر , تمنّى يالغلا واختار
لو انك تطلب عيوني , لأقول ان العمى خيره !
جميع اللي تبي حاصل , حشى ما أنطق الاعذار
ولو يتعذر قليبي , حشى مااقبل معاذيره
تأشرّ باصبعك للشيء , تلقى مطلبك قد صار
فخوره لو أجيبه لك يا سيد القلب يا أميره
تبعثرني هموم البعد , وتبحر بي كما البحار
غزاني موج بُعد الخل , ولا وضح لي تبريره
متى ألقى مراسي اليم , وتلطف فيني الاقدار
الا يا بختي بشوفه , الا يالي تناجيره !
انا من لامني بحبك 
, عساه لقصرة الاعمار
تلوموني على شخص(ن) , حلاه احلى من الشيره ؟
قالوا لي تحبينهS ؟ وقلت ان الحروف كثار
أحبه واعشقه واهواه, ولا أرضى بتغييره
شجاعه , بس لا شفتك , كياني يا بعدي ينهار
قويه , لكن قبالك , شعوري صعب تظهيره
عيونك يا بعد كلي , تهز الفارس المغوار
شموخك مفخره للعز 
, يذكرني بأساطيره !
الى مني تباطيتك , تولّع في حشاي النار
تزوّد جرعة الاحزان , تزيد القلب تخديره !
واذا يا عيني لاقيتك , يثور بداخلي اعصار
أطير بعالم الفرحه , تقيّدني اساويره
لو انك تدري بحبك , كم له داخلي مقدار
يطير العقل يا خلي , كأنك شارب(ن) بيره !!..
آآآآآآآآهدآآآآآآآآآآآ خآآآآآآآآصـــــــ ...... ..... ..... S >>>> ِ
المواضيع المتشابهه
أنا ماهمني درسي .. ولاهموني الشطار
..!!
العرض العادي
