* بسم الله الرحمن الرحيم *
( ويلي من الفرقا ومن ضيعتك وعيون العباد )
لـــ راية الشعر : علي بن حمري
ودّع مصيـر الحـي يتلاقاولوطـال البـعـاد
...............تطـول ولا تقّصـر الدنيـا عليـنـا دايــره
ودّع مثل ما ودعـت عينـي مساييـر الرقـاد
..............اللي بقا ساعـه علـى إقفـال بـاب الطايـره
ويلي من الفرقا ,, ومن ضيعتك,, وعيون العباد
..............لاعـادك الله صيـف لاربحـه ولا خسـايـره
ياقل حالـي مـن بعـد فرقـاك قـل ً مايـزاد
..............ولبا عيون أللي علـى شانـي رهـت عبايـره
ما الله هداك تهاود الفرقـا ؟ولومابـه هـواد
...............أرب قلبك فيه صبـره ؟ لاعـدم صبايـره ..
لولاك ماكان الهوى فتـوى ومعرفتـك جهـاد
..............والعشق ديـن ً لـك صلواتـه ولـي شعايـره
جاهرتك بك وأنـا بعدهـا قابـلٍ حـر وبـراد
..............والحين ويش ألهـاك ؟ ياصـدري وياسرايـره
فاذا كتب ربـي علـي افـراق خـلان وبـلاد
..............فيا جعل يكتب بعدهـا ملقـى وخطـوة زايـره
عودي خضر واوصالك الساقي وفرقاك الجـراد
...............الله يعيـض التاجـر اللـي روّحـت تجايـره
قهرت في حرب القهر واحمِدت في حرب الحماد
.................ونتـه معاقبنـي غـلاك أسيّـره واسـايـره
منت بمثل غيـرك ولاغيـرك بمثلـك والوكـاد
.............المِلـح كنـك أمشيكنّـه والجمـال أمعـايـره
لوبوك ومّـك يرّثـون إمحبتـك فـي كـل واد
................فنـا غـلاك أمورثنّـه للنجـوم السـايـره !!
بالضبط حبي لك مثل حب (أبن راسي)للشـداد
.............وإن كنت كاذب جعل ساقـي تنعسـر جبايـره
اللي حصل لي في وداعك شي يُدعـى ألافتقـاد
.............دريت بأن أعضاء جسمي بايـره بـي بايـره
نسيت فـي يـدّك يدينـي والنواظـر والفـؤاد
...............والله لو إنـك رُحـت ماثـوّرت فيهـا ثايـره
أفضل لي أصبح بعد ما خذيتهـا قطعـة جمـاد
.............ولآآدميِ ً شِل قلبـه ،، ونّعمـت بصايـره !!
المواضيع المتشابهه
ويلي من الفرقا .. ومن ضيعتك .. وعيون العباد
العرض الشجري