[align=center]بسم الله الرحمن الرحيم ..
..
..
في هذا الصباح وددت ان اضع لكم ..
..
..
نص يعنيني كثيرا .. يذكرني باشياء جميله ..
..
..
واشياء .. تجلب الحزن ..
..
..
ذكريات وجرووووح مضت ..
..
..
لأنني احبكم .. سوف اضعه ..
..
..
بين ايديكم ..
[poem=font="simplified arabic,4,black,normal,normal" bkcolor="orange" bkimage="" border="outset,4,gray" type=2 line=0 align=center use=ex num="0,black"]
ياطير ارحم .. حالـة العـود لا تطيـر=عقب المبيت .. تهـوم تبغـى ارتحالـي
يا طير هذي .. حالة العـود يـا طيـر=لامن رحلـت .. تضيـق فيـه الليالـي
بالامس ضاق .. وجيت له انت بعصيـر=وسليت خاطر .. عود مبطي مـا سالـي
وهـو جمـاد ولا يعـرف .. التعابيـر=شفه انحنـى .. يبـي ينكسـر بانفعالـي
هذاك عود وراجي .. الطيـر لا يطيـر=وانا بعد .. ما ابغاك ترحـل يـا غالـي
يا اللي ملكت القلب .. واعطيـت تهجيـر=ناس(ن) لهـم بالقلـب .. مكـان عالـي
من بعد ماأنت حـاذف الدلـو .. بالبيـر=شلت الدلو .. ثم اصبـح البيـر خالـي
يوم الظمـا جيتـن .. بكـل التصاويـر=تبي الـروا .. منـي وانـا لـك زلالـي
وانا انخدعت .. وجيت مـن دون تفكيـر=واقول في نفسي .. زمانـي صفـا لـي
اوطا اشواك الحب .. فـي كـل تقديـر=واقطع دروب .. الخـوف سـود(ن) لحالـي
كله لعينـا واحـد(ن) .. قلـت هـو غيـر=راح وتركنـي .. فـوق ذيـك التلالـي
صبح وضحا والليل .. والظهر وعصيـر=والمغرب اللـي .. فيـه نشـوة خيالـي
ما غير اهيجن يقطع .. الصوت ويغيـر=اول نهـاري لال .. واخــره لالــي
اطالع نجـوم السمـا .. واسمـع العيـر=تحن ترجـي .. حويـر(ن) تـو جالـي
يومه سمع .. ما خيـب الظـن بالخيـر=عود لها وحينه .. طـرا اللـي طرالـي
ماعـاد ابيـن .. ضيقتـي للمسايـيـر=اللي تجي وتقصـر .. اطـول احبالـي
ولا عاد اهوجس .. وش ترى باكر يصير=دام البـراد .. يخـون عـز الظـلالـي
يامطوح(ن) صوتك .. للاصوات تفسيـر=ما احد(ن) سمع لـك كـود .. ذيـك الدلالـي
انص الدلال وبهـره .. خـوش تبهيـر=وانس الهوى .. واهل الهـوى للزوالـي
واقدع مـن التمـره .. ودوك القواريـر=وامله قهـر .. حزنـك وشـد الرحالـي
واذا نويـت تحيـر .. الـدرب تحييـر=امش بزعـل .. ليلـه جفاهـا الهلالـي
واذا تعبـت .. مـن السفـر والمشاويـر=واعينـك الاهـات .. مـن دون والـي
ازبـن علـى الغربـه .. بليـا تشاويـر=وابدا حياتـك .. ناسـي اللـي مضالـي
يا عمري .. اللـي راح كلـه معاسيـر=من وين ما وجهت .. مـا لـي مجالـي
يا حيلي .. اجبر كسرة الوقـت تجبيـر=لا تنحني للوقـت .. والوقـت مـالـي
دامي انـا .. ويـا السحـاب المزابيـر=بياتيكـم الماطـر .. يـعـز المفـالـي
ودام الهوى .. يعشـق ملاعـب نواويـر=لا بـد مـا .. ياتيـك ريـح الغـوالـي
جرح الزمن مهما .. كبر عندي صغيـر=لا ما غدالي شي .. لـو هـو غـدا لـي
ومادام تكرهنـي .. فبعـدك لـي اخيـر=لاني ما احب .. اللي كره قـرب جالـي
ويا شين .. خدك يـا اليالـي المغابيـر=لـك قبلـة(ن) سـودا .. عساهـا الزوالـي
ويازيـن .. ماطـر هالغيـوم المباكيـر=ما كنها .. الا دمـوع حـز(ن) رثالـي
وحظ القلم .. حظـه بحظـن المحابيـر=ما كنـه الا يقـول : كـف العنـا لـي
ويا شين .. حظ العـود حظـه معيثيـر=عاش الحيـاه بمـر .. مـا ذاق حالـي
حيث انحطب .. واهموم بقعا بـه اتديـر=قالوا: يبـس .. والوقـت بالعـود طالـي
يبـون شبـة نـارهـم .. للخطاطـيـر=ويبون لا اشتد الشتـا.. جمـر صالـي
حطوه وسط النار .. وهو يرجي الطيـر=والطيـر عنـده .. مبرقـع(ن) مـا يبالـي
اصعب عذابي خونـة(ن) .. ثـم تبريـر=واصعب عذاب الشوق .. قطع الوصالـي[/poem]
..
..
..
في الختام ..
..
نداء ..
..
[poem=font="simplified arabic,4,black,normal,normal" bkcolor="transparent" bkimage="" border="outset,4,gray" type=2 line=0 align=center use=ex num="0,black"]
يا من يعرف .. علاج كثرة عطاياي = وأعطيه قلب وعين رجل(ن) شمالي [/poem]
..
..
..
..
..
تقبلوا تحياتي ..
..
..
..
عبدالعزيز الوادي ,, [/align]
المواضيع المتشابهه
وفقك الباري 
العرض العادي
