قشطة وزيتون وعسل ..... ثوم وكمون وبصل ..... نقنقة رياضية

[كاتم الاحزان]

اولا وقبل كل شي اقولكم كلبوكم السلام عليكم وكيف الحال

انا عضو جديد وامسكوني عندكم لااروح بعيد

انا مااعرف بالمنتدى هذا الا زوم اللي قدم لي الدعوة واعفيني اللي رحب فيني

وبصراحة زعلان منكم ....... وش ذا ماترحبون بضيوفكم ؟؟؟؟




بالله يارياضيين وش رايكم بالمنتخب ..... وش رايكم بكالديرون ...... وش رايكم ووش رايكم

كل هذي اسئلة نطرحها على طاولة النقاش وابي منكم مداخلات زي وجيهكم .... يعني اعرفوا ان وجيهكم مبسوطة ... امحق تعبير .... قصدي اعرفوا ان وجيهكم مزيونة .... اقول ورى ماتنكتم وتدخل بالموضوع ...... ان شاء الله


خلوكم معي ومع نقنقتي الرياضية

اللي هذا اوله ينعاف اخره ... نقنقة مين ياعمي ههههههه


أولا أبي أقولك ياسمو الأمير سلطان بن فهد .... تتابع مباريات الدوري الإيطالي والانقليزي ... والاسباني

لاتقولي لا عشان ماأوريك شغلك .... ترى شغلك بطريق الجامعة ... تخبره انت عاد ... والله اني قمطت ههههههههه

طيب نرجع ياسمو الامير ..... وش رايك اذا جت شوتة من شفشنكو ... ماتشوف الاعادة شكلها مميز وجذاب وتخليك تعيدها مليون طعش لتر وانت للحين ماشبعت ..... مع انها شوتة مثل شوتات حسين هادي أيام دعاية الصافي

سمو الامير خلك صريح معي ...... ياخي ليه ماتجيبون كميرات جديدة وتخلينا ننبسط وحنا نتفرج

طيب بالله عاجبك شكل برنامج صافرة وهم يتهاوشون على كورة من الكور .... لمسه لا مالمسه إلا لمسه لا مالمسه

ولو فيه كميره زي الأوادم كان افتكينا وكل واحد صلح سيارته

طيب قضية بلنتي الشلهوب مع الوحدة من اللي حل القضية ...... ماهي كاميرة الاوربت ... ياخي الى متى وحنا كذا .... ترى كلمة ياخي خارج النص بس بحسسك اني منقهر هههههههههه

والا اذا جت الجنادرية نقلتوا المباريات لاستاد الملك فهد ..... والعذر صيانة بالملز ... وش هالصيانة اللي كلما جت الجنادرية جت ..... وبالاخير طلع العذر يشيلون الكميرات ويودونها للجنادرية .... علومنا نقط لكم واشتروا كيرات جدد ......... انت رح اشتر فسحة وتعال تكلم هههههههه


خلصنا من النقنوقة الاولى ونجي للثانية

يااخوان شفتوا سامي في مباراة مصر والسعودية بين الشوطين ؟

والله اني ضحكت عليه لين قلت بس ...... ياناس هالادمي يحب الاضواء لدرجة ماتتصوورونها

دخلوا اللاعبين وهو وقف وانتظر ...... يوم اخذ شوي دخل لحاله علشان يشجعونه والا ينادون عليه ...... سامي والله اني احبك واحب لعبك واحب اخلاقك بس ترى الحركة مالها داعي ... بعدين ياخي ماسويتها الا في مباراة مصر والجمهور منقهر ..... افرض وانت نازل صكوك بغرشة صحة ولا نثر شعرك متر ههههههههه

المهم انضبط وانتبه لنفسك

خلصنا من النقنوقة الثانية ونجي للثالثة

ياناس والله ان المباريات الودية الفائدة منها تطبيق التكتيكات على اللاعبين ماهو تجربتهم وانا سمعت الامير نواف يقول نجرب لاعبين .... ياحبيب قلبي وياولد صانع امجاد الرياضة بالسعودية .... يعني ماتبخص الفائدة من المباريات الودية ... ليه ماشافهم المدرب مع انديتهم ؟؟؟؟؟؟ ........ اللهم طولك ياروح


النقنوقة الرباعة

خوذوها مني وعلى بلاطة ....... كالديرون مفلسسسسسسسسس ......... وبتشوفون الجمعة

النقنوقة الخامسة

ياااااااااااااليتك مابررتوا سبب ابعاد نور والدوخي ...... اسكتوا اسكتوا

النقنوقة السادسة

الى اللاعب كريري

خذ لك قوطي ميرندا ورح هناااااااااااااااااااااك وانفهق عن المجموعة والعب بكيفك ولاترفع ضغط جمهور المنتخب
انت تدري انك محور ؟؟؟؟؟؟ ....... اول مرة اشوف محور يسحب ...... تدري ان خانتك تكشف السناترة ؟؟؟؟
اما العب زين والا زي ماقلتلك ........ وترى القوطي انا بجيبه لك .... لا وفيه البارد .... اشرب واذا خلصت العب

منقوول

[" مشعــــوول "]

كاتم الاحزان مشكور على نقلك الحلو

بس عندي كذا ملاحظه قبل ما ابد أعقب على كلام اللي كتب الموضوع

يعني أتمنى فيه أخطاء أملائيه ولغويه لو نقحتها وجبتها كان أحسن وأظرف

والحين يله نرد على السيد كاتب الموضوع

1 - بخصوص مدرب المنتخب السعودي " كالديرون " صراحه مدرب جيد الى حد ما

بس صراحه عنده مشكله بسيطه ما يعرف يقرأ المباراه وتغيراته فقط لتعب لاعب

ولا خوف من طرد واحد وهو لو يعرف من يدخل وينزل وعرف أمكانيات الفريق

ممكن يسوي شئ أحسن من المقدم حاليا وراضين عنه بحذر شديد

2- بالنسبه للكاميرات في ملاعبنا بشكل عام صراحه أنا ما ألوم الأمير سلطان أبدا

فالأمير سلطان بن فهد يعمل بصمت ولوحده دون مساعده أحد

وهذه أعتبرها مسؤليه وزاراه الأعلام في كل بلد والقنوات الناقله للمباريات

يعني لو وزير الأعلام أو على قوله عبدالرحمن بن سعود رحمه الله " أع لام "

عبدالسلام الفارسي يحط جزء من ميزانيه الوزاره لشراء كاميرات جديده

ماراح يقول له الامير سلطان لا تدخلها الملعب

وأكبر دليل أوربت الرياضيه ومن القنوات الناقله للدوري عندك غيرها والسعوديه

و art....... وبعدين كني سمعت أن بلنتي الشلهوب على الوحده صحيح

والله العظيم لو كولينا يقول صحيح ماصدقته

أنا مو غبي وأشوف بعيني وكل شئ واضح اللاعب لم يمسك الشلهوب الممثل البارع

في تلك الليله ... واللي ربي يعطيه الف عافيه مع الكويت أمس ماقصر

كوره مقشره قدم الباب ... الله يهديه مو مرحله انتقاد يله

سامي وما ادراك ماسامي

ظاهره كرويه تستحق الدراسه بالدوري السعودي

لاعب يلعب من سنه 90 مع المنتخب او 92 ما اذكر بس يعني 22 سنه بالمنتخب

مره استدعاء مره تطنيش بس يظل عيون الجوهر ناصر بالملعب

لاعب حقق كأس الخليج مع المنتخب مرتين ولكنه سنتر تسع مرات في مباريات المانيا

يعني مدري وش اقول بس اسمع دائما ان اعلام الهلال والاتحاد اقوى اعلام

بس اعتقد اعلام سامي اكثر منهم جميع

3 - بالنسبه لكلا م الامير نواف صحيح ميه بالميه واوافقه الراي عليه

صراحه لاعبين مراكزهم بالمنتخب غير اللي بانديتهم مو كلهم بعضهم

وبعدين هذه تصفيات كأس عالم مو لعب عيال لازم تكون جاهز 99.9 بالميه

على اقدر تقدير للمباراه وكل مباراه منفصله عن المباراه الثانيه

4 - كالديرون مفلس ممممم كلام ما ادري من قاله

بس ما ادري من انت عشان تحكم على الواحد بالافلاس والذكاء التكتيكي

مدرب بين انه مفلس وشفنا يوم الجمعه كيف فاز مو مشكله

وبالنسبه للدوخي ونور انا من زمان اقول ان الدوخي ونور لعبهم غير طبيعي

وبالذات الدوخي بالعربي الفصيح منشطات

والحبيب نور يقول بعد مباراه الرياض اقدر العب 150 دقيقه " ملجلج " وربي

بس اذا يقدر ماشاء الله عليه

5 - بالنسبه للاعب سعود كريري مره ضحكت لما استبعد مدرب المنتخب اللاعب

صاحب العبدلله وقال المصيبيح انه غير لائق فنيا اشوفه لائق مباراه الكويت

مدري هو كريري اللائق فنيا كريري اللاعب اللي فتح الدفاع على مصراعيه للكورين

وكانوا على بعد يارده من مرمانا

[توتي]

[align=center]الى الاخ صاحب العبدالله

اسف قصدي صاحب المووضوع

اود ان اتلكم في كم نقطه وبختصار

كالديروووووووووون لايفقه في التدريب

وسامي الجابر لايفيد المنتخب والاسباب كثره

وليس سامي فقط ياليت ياخذ له كم لاعب وهو طالع

اما بخصوص سعود كريري عندما كشف المنطقه للكوريين

كان رايح يسجل الهدف الاول وكان هو اللاعب الواثق الذي يمسك

الكوره ويسلم صح بينما البقيه شتت كريري لاعب كبير ومؤثر ولو كان

موجود مباراة الكويت تغير الحال يمكن الاخ غلطان مو قصده كريري يقصد

الاسمر الثاني في مباراة كوري العله خالد عزيز الذي سبب اخطاء كثيره في تلك المباراه [/align]

[ابوشهــــاب]

الاخ كاتم الاحزان

بصراحه احسدك على اسلوب الفكاههههههههه بالحديث ولكن

في بعض الاشياء باقي النقط على الحروق ......

الا وهي

1// اوفق الاخ مشععععععععععول على ان مشكلة الكميرات على وزارة الاعلام

وليس الامير سلطان ال سعود..............

2// بشان الاعب سامي وانا اعطيت رآئيي بصراحه عن الاعب سامي من قبل في

موضوع المنتخب السعودي في خطر ارجع واقراه الي مثل عمر سامي اللحين اعتزلو

الكوره مع منتخباتهم ..................

3// هذي مشكلة الاداره تبي تحط اللي تبي وتشيل التبي ولو لاحظنا بعد مباراة كوريا

اللقاء مع الامير سلطان ويمكن ما انتبه لكلامه عن انه هو الي طلب من المدرب اللعب

بمهاجمين اثنين وقالها عبر القناه السعوديه الثالثه طيب ليه المدرب بس حق اركض يا

لاعب او سخن يا لاعب............

4// تدري ان المنتخب السعودي في احصائيه انه اكثر منتخب بالعالم يتعاقد مع

المتدربين ............ طيب شنهي الاسباب هل هي من الاداره او الاعبين او المتدربين

جابوا افضل مدربين في العالم ومافي فايده ............

5// استبعاد نور والدوخي والله اني ما اعرف السبب للحين بس يمكنها خيره ...........

6// اما تقولي سعود ما ينفع لا والله ضلمة حضك يا اخوي افضل عناصر المنتخب

سعود كريري ويليت مثله كثير ,,, 14 مليون ريال مليون ينطح مليون

يعني يمديه يفتح شركة لتوزيع الميرندا ..................



<>
><
<>
><
<>
><
<>
><
<>
>
<
>
<
>
<
,
,
,
,
...
..
.
مع تحيات بدايخ .............,,,,,,,,,؟؟؟؟؟؟؟؟ابو شهاب

[مشاري]

مشكووووووووووووووووووووووووور

الف الف الف شكرررررررررررر

كاتم الاحزان



تحياتي لك / مشمش

[أبو رائد]

.. (( شكرا لك يا كاتم الأحزان


على هذا النقل ..




ولكن ... )) ...