مرة اخرى الثانوية الأولى ..هل طالباتها ..........؟

[راعي المدينه]

كم يؤلم المرء مايجري فى ثانوية البنات الأولى من تجاوزات يجب ان تضع الجهات المسؤوله لها حدا ..فمدرسة احد المواد و الحديثة التخرج تنعت البنات بالحيوانات ..نست او تناست ان الله سبحانه وتعالى كرم الإنسان ..فهل هذا ماتعلمته من الجامعه ..اما ان الإدارة ضعيفة وعاجزة ان توقفها عند حدها..!!
اليس الأجدر بها ان تكون القدوة الحسنة لطالباتها من خلال التعامل معهن باسلوب تربوي لتكون قريبة منهن ..وتحببهن بمادتها ..لا ان تجعل الفاظها المنفرة تبعد الطالبات منها ..
امل ان يجد ما يكتب بالرائديه اذنا صاغيه ..تتحرك وتدرس الأوضاع ..وتضع الحلول..لمشاكل المدارس ..والتتجاوزات الحاصله.

ساااااااااااااااامحونا

[sweety]

مرحبا اخي

مشاكل المدارس والثانويات بالاخص كل يوم عن يوم تزداد المشاكل..

ونحن في الخفجي نواجه ازمة تعليم ..او بالاصح ازمه تربويه...

ولا يوجد من يستطيع ان يؤدي امانة التعليم بامانه ومصداقيه

وان كانت هذه المعلمه ..تتلفظ بكلام قبيح...

انا معك ان المعلمه قدووه..في تصرفاتها وكلامها ايضا

ولكن لاننسى ان الطالبات كل يوم تزداد قلة الادب والحياء...

والمعلمه اتوقع معها عذرها

شكــــــــــرا

[الود طبعي]

اخي الامر بالاول والاخير يرجع االاداره
والتوجيه الا شراف
عادي كل شي يصير وهم بعد يقووون شوكت المعلمات على الطالبات
هل يعقل ان اغلب المدارس واشك انها جميعها
لايوجد بها مشرفه اجتماعيه
هل تصدق انهم يعاملون الطالبات وكانهن خريجات سجون
احدى المعلمات تخبرني بان احدى وكيلات المدارس الثانويه تنعت وتتهم احدى الطالبات(((بالساحره)))؟؟!!
فليس غريب وهذا توجيه الخفجي؟؟!!

[سمح المحيا]

اخوي راعي المدينه..


شكلك مهتم للثانويه الاولى كثيررررررر...


لكن اخوي سالفه ان المدرسه تنعت الطالبه (( بالحيوانه )) (( اكرمكم الله ))


لا تلومها ما قالت هالكلمه الا من تصرف مو زين فعلته الطالبه

وانا ما ادافع عن المدرسه بالعكس المفروض من المدرسه

ان تكون قدوه للطالبات بحسن التصرف والاخلاق سؤاء كانت جديده او قديمه

وانت تحاول قدر الامكان معامات الطالبات بالكلام الطيب

لكن ما ينلموون من طالبات الثانويه ..

[منتهى الذوق]

يمكن البنت غلطت على المدرسه ؟!؟!؟!...............في بنات وقحات وقيليلات ادب .............يحاولون يرفعون ضغط المدرسه بدون سبب ............والله انا اشوف البنات بعيني ...............

[شاطىء الخفجي]

[align=center]المـُدرســه مهما كـان السبب حتى لــو البنت غلطانه عليها مليون غلط مفروض ماتقول الكلمــه الي قالتها تآخذ الطالبه للإدارهـ ، ولكــن بنفس الوقــت ياراعي المدينه أنت ماعشت مع مجتمع الطالبات وخصوصا" ((بعض)) طالبات الثانوي يمكن ماتتوقعون هالشي أو تستغربون لكن البنات ((الكــثييير منهم)) والله حــــــــــيل مافي أي إحـــترام وبشكــل ماتتصور يوصل لــحد المبالغه من جد مافي أي إحترام لأي شخص ومهما كان الشخص الي قدامها ، والبنات الحــين بعــد يتسلطون على بنات التطبيق الي من الكليه والمدرسات الجديدات حديثات التخرج والأمــر هذا تكــرر وحصــل قدامي كـــثير يعني حتى للأسف الشديد إني أقولــه ماصار غريب عندي! اصلا" نستغرب إذا ماحـــصل << بدووون أي مبالــغه!!
إذا (((الوكيلـه))) نفســها تلفضت بنفس الكلمه على طالبه واصلا" لازم كل صبح اسمع صوتها تهزأ الطالبات بمثل هالألفاظ علشان بس البنت تكون مخالفه وهالشي حصل بالمدرســه الأولى وأنا شايفه هالشي قدآآآمي وسمعته كثير وحفظته بعد ومليت منه ،، فمابالك بطالبه حديثة التخرج إذا هذي وكــيلة المدرسه!!!!!!!!

وإدارة الثانويــــه الأولى أعيـــــد وأكـــرر ((فـــآآآآآآشــله)) للأسف الشديد مافيه أي سيــطرهـ على الطالبات ابـدا" ::شي يقــهر:: ، ماودي أقول هالكلام عن ثانويتي لـــكن هذي الحقيقه للأسف!!

والمشكـــله الأكـــبر يقولون الثانويــه الأولى أفضل ثانويه!!!!<لاتعليق![/align]

[طرثوث]

الله يصلح أحوالنا

[إنسان بسيط]

سلموا لي على الدكتور سمير العمران صاحب التصريحات القوية في شأن التربية ....

كل تصريحاته وهو المسؤول تزيد من فوضى الطالبات وتجاوزاتهن في حق معلماتهن .....

وما قضية تصوير الطالبات لمعلمتهن ونشر صورتها في مواقع الإنترنت وتهاونه في حل القضية بل التملص من المطالبة بحق المعلمة دليل على تحمله كل المسؤولية عما يحدث .....


كما سلموا لي على عواد ....

[BoxeR]

[align=center]اعزائي الكرام ................. لا احد يرضى بان تقوم المعلمه بتصرف سيئ ابدا لكن .!!
لننظر للموضوع من جوانب كثيره .. ولنلتمس للمعلمه بعض العذر ... ولست هنا مؤيد لتصرف هذه
المعلمه ...لكن معادله بسيطه ...[/align]
[align=center] الطالبه اثناء اليوم الدراسي الواحد ..كم معلمه تلتقي او تتعامل معها ..4 او 5 .!!
المعلمه اثناء اليوم الدراسي الواحد .. كم طالبه تلتقي معها وتتعامل معها 90 او 120 .او اكثر [/align].
وكل طالبه لها اخلاق تختلف وتصرفات تختلف وحركات تختلف وامور قد تخفى حتى على اولياء الامور
... لذا المعلمه عملها هذا كبير جدا وبه جهد نفسي وجسماني ..وخصوصا اذا تعاملت مع فتيات اليوم وهذا العصر .. ان كن مدلعات .او متغطرسات . او منحرفات .او متشيطنات ..(( الله يكون في عونها )) .
ولا تنسوا ان جميع الدول المجاوره وغيرها لديهم نفس المعاناة والمشاكل من هذا الجيل الخطير الخارج عن السيطره . وخصوصا ان الاهل اليوم قليلوا الاهتمام والرقابه .وقد يساعدون البنت او الولد على قلة ادبه على المدرس او المدرسه ...
لا ابرر هنا النقص الاداري والتوجهي في مدارسنا ابدا .... لكننا نعاني مع هذا النقص من جيل لا يخجل ولا يستحي ولا يحترم الغير .صراحة ..... واسألوا الينات نفسهم في الثانويه او الكليه وستجدون الجواب .. واسرار خطيره تعلمها المعلمه والادارة ولا يعلمها الاهل .. وقد تخجل وتخاف المعلمه من التبليغ عنها .

[align=center] والله يستر الحال وبــــــــــــــــــــــــس [/align].

[الود طبعي]

يعني نحتاج لمشرفه اجتماعيه في كل مدرسه
لااحتواء الطالبات
وياليت تكون تجاريهم علشان الطالبات يمشون معها
لان هذا جيل المستقبل