(( زماني مارحم ضعفي هزم حسي وتحداني ))

[أبو فيصل]

السلام عليكم


قصيدة من وارد إيميلي


اتمنى ان تنال على إعجابكم

--------------------


تمنيتكـ علي تقبل .. أشوفكـ مبتسم فرحان
وأشوف اهلكـ يغنوا لكـ ولدروبي يزفونكـ


وتزيد بقلبي نبضاته ويحمر وجهي الخجلان
ويرعش جسمي بقدومكـ وأقول امشي على هونـكـ


واملاكـ السما تحفكـ بنور الرازق المنان
عليك اسم الله يالغالي.. وعمت عين لــ يحسدونكـ


تسابق لجلي خطواتكـ تجيني محترق لهفان
وأحط يدي على قلبي واقوله جاك مفتونكـ


وتفتح طرحتي بيدك وأتوه بسحرك الفتان
ياعمري والله خجلانة وميته بنظرة عيونكـ



يريحني كلامك لي يآ محلا ليلة العرسان
وتعاهدني بتوفي لي وأعاهدكـ أني ما أخونكـ


مضى عمري وأنا احلم واضم طيوفه بالأحضان
واسأل ليلى يا ليلى شسويتي بمجنونكـ


تحقق نصف حلمي بك وشفتك مقبل وفرحان
وشفت اهلك يغنوا لك.....ولفلانه يزفونكـ


خنقت بنفسي عبراتي وخنقني قلبي الغيران
وحبست دموعي في عيني وقلت امشي على هونكـ


فضحني صوت شهقاتي ورجيت الواحد الديان
يخليها لك ويقدرني أضمّد جرحي من دونكـ


أشوف شلون تضحك لك وقلبي يشتعل نيران
دعيت الله يهنيها معاك وتجلي شجونكـ


وأنا منهو يهنيني ويداوي قلبي الوجعان
أنا ونيت يوم أني سمعت أخواني يطرونكـ


غديت بغبنتي وحنيت وصفت إحساسي للجدران
رحلت وربي ما ضنيت مصيري غيري يصونكـ


وناديتك ولا لبيت وتخالط شوقي بالهجران
بتنهيدة أنا ترجيت لي ربعي يجيبونكـ


يقولون ادفني ذكراه وانسي اللي خان
قسم بالله ماانساك ولو هالكون ينسونكـ


تروف بحالتي أمي وتحلف والله هو خسران
يواسوني عيال عمي يقولون ڪلنا عونكـ


كبيرة بعين كل ربعي أموت وعزي ماينهان
كذا تخليني أصغرهم مع فلانه يلقونكـ


انا مابي مهر منك ولاشبكة ولا فستان
طموحي احتضن حزنك وازين بالهنا كونكـ


أبيك تكون لي وحدي بديره مابها سڪان
تنومني بوسط عينك وتلحف جسمي بجفونكـ


غناتي ليه تاخذها وتشمت فيني العدوان
وش اللي ساومك فيها وصغر شخصي بعيونكـ


وش اللي مو حلو فيني كسرت بخاطري يافلان
خبر عرسك قضى فيني هلكت قليبي بطعونكـ


جدتي ضميتها وبليت شعرها بمدمعي الهتان
يا عمري خلو الخالة وعساهم ما يخلونكـ


يهون عليك ترخص بي وتجازي طيبتي بنكران
عشقت اهلك على شانك ولمت اللي يلومونكـ


آسفه والله آسفه مكتوب أهيم بسكة الأحزان
ومكتوب تلقى بنت ناس تعيش بدالي في كونكـ


ياشين اللحظة ذي والله تمنيت البس الأڪفان
وأشوف الظلمة في قبري ولا بغيري يهنونكـ


يابين ارجوووكـ خذ روحي ونادو يا هلي الدفّان
ابيك تحس بجروحي.. وبتابوتي يمرونك


أبيك تشيل تابوتي على كتفك يآغصن الـ بان
وتعرف قدري بموتي وتدمع لجلي عيونكـ


بذاك الوقت أبي امسح دموع الغالي بأكفاني
دموعك أغلى ما عندي يامالك كل وجداني


فراق أهلي وزواجك موت ، ودمعك موتي الثاني
خلاص ارحمني لاتبكي دخيل الله على شاني


زماني مارحم ضعفي هزم حسي وتحداني
عهد في قبري مانساك تعال وزورني عاني

تعال خلني بحس إنك علي ولهان
وبفرح وانا في وســــــــط تربـاني



وسلااااااامتكم

[لبى جنوني]

كلمات غاية في روعة

لا أملك سوى وردة للرد هنا.

وليتها تكفي ..!

سلمت على هذا الانتقاء

صح ذوقك وصح لسان مبدعها

دمت بنورر

[ناصر الزعبي]

واملاكـ السما تحفكـ بنور الرازق المنان
عليك اسم الله يالغالي.. وعمت عين لــ يحسدونكـ

اقتباس تسابق لجلي خطواتكـ تجيني محترق لهفان وأحط يدي على قلبي واقوله جاك مفتونكـ

رائع اختيارك للقصيدة تسلم عاشق الغموض

[صانع الإبداع]

،’
سلمت على القصيدة المميزة ..
ألف شكر لك ..

،’

[دانة الكون]

روووووووعه
روووووووووووووعه
روووووووووووووووووعه
سلمت يداك
انتقاء ميز كعادتك
الله يعطيك العافيه.

[الدووووخي]

قصيده راااااااائعه وجميله ..

واختيااار رااااااائع وذووق ..


صح لسااانك عاشق الغموض ..

[شمس الرائدية]

.
احسآس جميل
وانتــقآء عذب للقصيده

فكل الشكر لك

[أبو فيصل]

لبى جنوني + ناصر الزعبي + صانع الإبداع + دانه الكون + الدووووخي + شمس


اسعدني مرور حروفكم العطره


دمتم بكل الود

[ححرف!]

صح لسآنك
.
سلمت ع النقل))~

[أبو فيصل]

اقتباس المشاركة الأصلية كتبت بواسطة ـع ـزووز! صح لسآنك . سلمت ع النقل))~

صح بدنك

الله يسلمك ويعافيك

اسعدني مرورك العطر