لشهر الفاضل جانا
شعر : محمد عبد القوى حسن
عضو اتحاد مصر
قصيده بالعاميه المصريه
الشهر الفاضل جانا تعالوا نرحب فيه ونقول
هليت ومليت البيت والغيط بالخير والدفا والنور
اهو جه رمضان بامان وحنان فتعالوا نصلى نصوم
نسهر للفجر معانا البدر فى ليلة القدر نقوم
نقرا القران ندعى الرحمن ونخش جنان على طول
الشهر الفاضل جانا تعالوا نرحب فيه ونقول
صحوا الاولاد احمد ووداد علشان يتناولوا سحور
يسمعوا تواشيح وغنا وتفاريح ويشوفوا الكون مبهور
كل الاشجار حتى الازهار والسما مليانه انوار
وديان وتلال وسهول وجبال بساتين وانهار وبحار
الكل يهنى الكل بورد وفل وفرحه ومبتسمين
من يوم مايهل يطل الخل يلاقى امل وحنين
فيه السلطات والمحشيات وكنافه وقمر الدين
والماء والتمر بطول العمر حاجات تانين حلوين
والذكر داشاغل الفكر الفرحه البكر بطول اليوم
م الفجر الضهر العصر ادب قران تفاسير وعلوم
والمغرب فيه الاكل الشرب وحشوا البطن قوام
لكل يقوم يديها ولا يخليها تقول محتاجه طعام
ف العشا والجو مريح تحلى التراويح ودروس اذكار واوعاظ
وف ليل رمضان الحان وجنان وحكاوى كمان والغاز
ولابن كثير نقرا التفاسير مع سابق وابن الباز
الكل ف شهر الخير بيطير كالطير ويحقق كل ميول
الشهر الفاضل جانا تعالوا نرحب فيه
الكل بيغسل ذنبه وكل معاصى العام
وبيوصل اخته وخاله وعمه ويعطف ع الاوهام
اهو جانا الشهر بكل افضاله تعالوا نتمسك بيه
ونحاول نطلع منه بفايده كبيره ونطلع نجرى عليه
ناخده باحضان مليانه ايمان ونقوله اخيرا جيت
دانت يارمضان انسان فنان مليان احسان بتنور كل البيت
المواضيع المتشابهه
العرض الشجري