الشاعر الرابع .. مسفر بن حسين اليامي
بدأ بالترحيب بالحضور وتقديم الشكر لمنتديات الرائدية
ومن ثم قال هذه القصيدة الأكثر من رائعة :
[poem=font="Simplified Arabic,5,white,normal,normal" bkcolor="black" bkimage="" border="outset,4,gray" type=2 line=0 align=center use=ex num="0,black"]
وش ذي العلوم اللي ضيق صدر من صدره وسيع = وش ذي الأمور اللي توردنا على مالا نبيـه
الشاشه تذيع الخبر والنت يصدر والمذيع = انه مهو اللي بينومس حال بيضان الوجيه
محاولة زعزاع أمن وارهاب وعلوم ٍ تشيع = ياشينها لا دخن البارود من المحزم وفيه
يامن تعمدت الخطا واحرقتوا زهور الربيع = يا من تجريتوا على ذبح البري من غير ليه
كم من عيون ٍ زاغرت بالدمع وخلق الله هجيع = كم من غلام ٍ فالدجى يطر جيبه عقب اخيه
كم من صغار ٍ يتموا من فعل من كثر الصنيع = وكم من عجوز ٍ قيلت تبكي عقب من ترتجيـه
تسمّعت عقب الخبر ليه ومعه خمسه صريع = وحيدها وأربع بنات اللي بقاله عقب أبيه
هم يحسبون جنة الفردوس في قتل الرضيع = وإلا نذر دم الجنود اللي على الدرب تحميه
قاداتهم خزي لهم روح صديع وجاء صديع = إن قال لا يقولوا لا وإن قال ايه يقولوا ايه
لو كان من يفتيلهم بارهابهم فعلا شجيع = ماراح صوب انجلترا واستوطن وصاروا ذويه
ضايع ومن يتبع ضياع الضايعه لازم يضيع = يوم انتهى عصر الجهل عود علينا يبتديه
تباعت النهج الظلال والمصيبه في التبيع = كل ما وقع منهم ظلال ينقذونه مرسليه
في الآخره ماله كود طعام من ضريع = وفي الاوله قد حنا نشوف المواقف تشتويه
يا طامع بديارنا وقف ترى موتك شنيع = ذي ديرة ابن سعود واللي طامع فيها سفيه
لا ما يزعزعنا دني ولا يحركنا هزيع = يا هيه قولي للخبر يا هيه قوليه له يا هيه
من دونها تعوي الذياب ولا يزعزعها القطيع = من دونها جنود تصيح الموت وينه نشتريه
بآباءنا وأبناءنا وفوق مالا نستطيع = وبدمنـا وآمالنا وبحلمنا اللي نحتريه
أغلى ما عندي يا وطن فيصل شفه طفل وديع = خذه بثوبه فدوتك لا صار رملك مشتهيه
نفدى ترابك يا وطن كلمه من لسان الجميع = واللي عليه أجدادنا يا فهدنا حنا عليه
حنا عيالك يا وطن وابشر بنا سد منيع = سقم المعادي لاعتدى حمالة العرض النزيه
نقسم بربي ما نخون ولا نبور ولانبيع = واللي يخونك يا وطن ملعون ويكرم والديه
ويا الله يالله يا كريم ويا عليم ويا سميع = تحفظ أمان بلادنا من كل آفه تعتريه
وبشايت الله نـتنا يصدر وشاشتنا تذيع = إن البلد هذا صفا من قوم سودان الوجيه[/poem]
[rams]http://www.alraidiah.com/omsua/msfer-er.rm[/rams]
المواضيع المتشابهه
العرض العادي
