لأني طولت الغياب حبيت أني أراضيكم بطريقتي الخاصه ... ووالله إن القصيده أعجبتني وإستمتعت
كثيرا" بأبياتها الجريئه والقويه وحبيت إني أنقلها لكم .... يقول وعمر القارىء يطول :
ثمّن كلامـك فاتح (ن) فمـك .. مسـرور ...
وإحشم مكانك . . منت قاعد بـ سكـره ..!!
ماينجبر كسرك . . ولـو كنـت مجبـور ...
كسر الجبر أهون من إصلاح . . كسره ..!!
وجبر الكسير أحيان . . بيديـن دكتـور ...
وكسر الجبير أحيان . . بـ أسباب جبره ..!!
ياصاحبي والشعر . . جايـز ومحظـور ...
حتى المجاز أحيان . . يجبرك حظـره ..!!
ولاجت قصيدتها . . تتالوا على الـدور ...
شخصن يهني . . وشخص بالغ بشكـره ..!!
مثل القماش اللي (( تطارح به )) الثـور ...
والثور هايج . . وانت ثورن من أسره ..!!
بعض البشر . . يرفع مقامه عن البـور ...
والبعض الآخر . . هو من إيحط قدره ..!!
وشخصن يجرك من غلا حرف مجرور ...
وشخصن على الويلات . . يكسرك جرّه ..!!
وشخصن تعادل غيبته .. حشمة إحضور ...
وشخصن حضوره ماوزن ربع .. ذرّه ..!!
أكبر قهر لامن تبسّمت . . مقهـوووور ...
إكظم قَهَرْك . . وخل ضحكك .. لـ قهره ..!!
واللي يبي الطولات . . لاشـك ماجـور ...
وألا الحقير أدري بنفسه .. إتحقـره ..!!
وأدري العيون الحور . . تفرق عن العور ...
مثل الغنـي يومـه يقـارن .. بـ فقـره ..!!
ماقول يا شعري وانـا صـرت مشهـور ...
هذي الفرايـد جتـك يالشيـن زفـره ..!!
شاورتهـا قالـت : خفايـف ولا اتثـور ...
وهذي غلاها .. مثـل خيطـن بـ مكـره ..!!
مسرح رجولة .. شخصـك اليـوم بالـدور ...
إخراجها فاشل .. وأنا أبصم بـ عشـره ..!!
مشكور .. إيو الله .. من القلب مشكور ...
ماطاح رجالـن مـن العيـن حسـره ..!!
وألا الخبل . . مايستره لبـس مستـور ...
الشـق واضـح ... ولـو تغطـى بستـره ..!!
والتربيـه ماهـي قلـم خـط واسطـور ...
واللي ربا بـ أقـذار . . طينتـه قـذره ..!!
شخصن توده .. قبل ينطق على الفـور ...
وشخصن من اول كلمتينٍ . . اتخسـره ..!!
بعض البشر .. قدره كما وزن عصفور ...
والبعض بحرن والكرم . . مـوج بحـره ..!!
يلزم أكون بـبعض الأحيان . . مغـرور ...
لأن الغرور بحضرة اللآش . . حقـره ..!!
ماهمنـي طـرد الغوانـي مـع الحـور ...
أنا إهتمامي صعب توصـل لحصـره ..!!
وألا أنت ياجاهل . . مسَامَـحْ ومعـذور ...
من كلمتـن والدافـع أشـره .. وأشـره ..!!
هاذي القوافي جتك يالشيـن .. بالـدور ...
وإعرف بداية كل بركـان .. جمـره ..!!
صحيح أنا مانـي علـى الـرد مجبـور ...
بس حبيت أوضّح كل شخصن . . وقـدره ..!!
وأتمنى أن اللي يعرف إسم الشاعر يفيدنا ....
في أمــــان الله .....
المواضيع المتشابهه
العرض العادي
