تصوير من داخل كلية الخفجي

[مراسل الخفجي]

ا

السلام عليكم ورحمة الله وبركاته

اليوم جايب لكم مقاطع في فلم صورته داخل كلية التربية بالخفجي طبعا مصورة يوم خميس يعني لا تفرحوون ماكو طالبات خخخخ

لا بجد السالفه جد الفلم اكثر من نصف ساعه بس حاولت انزل الفلم اللي ما يظهر فيه صوتي
المقاطع توضح البيوت التي امام الكلية وكيف تكشف داخل الكلية ومقطع يوضح ارقام شباب داخل دورات مياه الطالبات كيف دخل الشباب سؤال محيرني
ومقطع يوضح خزانات الامانات الخشبيه وكيف هي مفتوحه ومعرضه للسرقه للمعلومية تم تغير الخزانات قبل شهر وحتى الجديدة برضو هناك سرقات
ومقطع يوضح سؤ النظافه والاهمال من الطالبات من رمي الاكل بالارض والله حراام نعمه تنقط على الارض وبراميل الزبالة مليانه بالكليه
طبعا هناك مقاطع مستحيل انزلها بصراحه ما تنرقع من كتابات اباحية وادوات ؟؟؟؟؟؟؟

حمل من هنا
http://www.alraidiah.org/up/up/27136311120100415.rar

[×|| حلمـ الطفوله ||×]

سؤال

ليه توكـ تنزل هالمقاطع ؟

ليه مانزلتها بوقتها ؟؟

بالملف تاريخ تعديل المقاطع هو في عامـ 2007 مدري هو بس عندي ولا عند الجميع اتمنى تتاكدون من هالموضوع

هذا واحد

ثانياً : أصلاً لون جدران جميع القاعات الحين هو اللون السماوي من إجازة الصيف والظاهر بالمقاطع هو اللون الأبيض ( إنت أي خميس تقصد بالضبط ؟ )

ثالثاً / جميع صناديق الطالبات تمـ تغييرها لصناديق معدنيه وبأقفال ..

رابعاً / بالنسبة لنظافة الكلية إذا الطالبات نفسهم ماهتموا بنظافة مكانهم عمرها ماراح تصير الكلية نظيفه لو كان ينظفها 100 عامل ,, وفي كل الأحوال تنظيف الكلية يتم بشكل يومي وتقدر ترسل أحد الصبح وتتاكد من هالشي

أخيراً / الكل يشهد بالتغييرات الجذرية اللي صارت بالكلية في الفتره الأخيره ومن ضمن هالتغييرات موضوع النظافه

تحيه عطرهـ

.
.

[مراسل الخفجي]

خخخخخ يعني تصويري قديم طيب اختي قولي اي حاجه وراح اصورها لكم خلال اسبوع من داخل الكليه طبعا لا تطلبين غرفه الادارة لانها صعبة ادا كلن قصدك ان التصوير قديم نعم هو قديم له شهر
بالنسبه للخزانات هي تم تغيريرها من شهر بدال البنيه وللمعلومية لم تكن جديده جابوها لكم وهي مقفله الابواب باقفال وبعد 3 ايام تم تكسير الاقفال
لكم تحياتي
عموما انا لا احب ان اتبجح واقول انه فديو حصري لكن نادر جدا ان يعرض مقاطع من داخل الكلية فعدد طالبات الكلية وكما يقال 4000 ولم نشاهد فديو

[مراسل الخفجي]

انا لا انكر ان الكليه تغيرت للاحسن من ناحية المعدات والاجهزه وشبكة الشاشات للدكاتره والمكيفات كل شي تطور للاحسن والنظافه كما قلتي يا اختي تحتاج طالبات واعيات تخلص من الاكل وترمية في سلة المهملات وللمعلومية يوم السبت اللي هو بكره نحن اليوم الجمعه سوف تكون بالكلية 8 نساء من الامن غير الموجودات عند الباب بس ومهمتن النظافه
عموما مبروك يا اختي لوحة اسعار البوفية الجديدة الظاهر عندكم فلوس كثير تبي من يسحبها عيل بسكوت ابو نص ينباع بالكلية 2 ريال

[×|| حلمـ الطفوله ||×]

عندي خبر بالأمن من زمان الرجال منهم والنساء

وبالنسبه للتصوير كيف من شهر وسبق أني قلت إن لون جدران القاعات هو لون سماوي من اجازة الصيف والظاهر بالفيديو هو اللون الأبيض ؟

أحس فيه تناقض بين الواقع وبين تصويركـ

بالنسبه لأسعار الكافتيريا الجميع متفق بأن الأسعار نااار سواء من طالبات أو موظفات أو حتى أولياء أمور وإلى الآن يحاولون يحلون هالمشكله لكن حلها مو بهالسهوله اللي نتوقعها

بالنسبه للصناديق الموظفه المسئولة تحاول كل جهدها إنها تسعى أن الصناديق هذي تكون فعاله ولا تتوقع ان موضوع الاقفال اللي تكسرت مر كذا ولو على الكلام جداً سهل اننا نجلس نتكلم من هنا لبعد سنه .. مو دفاعاً عن المسئولين بالكليه لكن كل اللي بيدهم هنا هو الطلب بواسطة الخطابات لكن المشكله بالناس اللي أكبر هل ينفذون ولا لا

يعني جميع من بالكليه يبذل قصارى جهده علشان يظهر الكليه بمظهر أفضل من اللي كانت فيه لكن برضو مو كل شي بيدهم

عموماً أنا ماكذبتك ولا لي مصلحه بهالشي بس الحق ينقال تصويركـ والواقع متناقض وربي يشهد على كلامي اني ماقلت الا الشي اللي اشوفه فعلا قدامي .

تحيه عطرهـ

[من عالم اخر]

الله يوفق العاملين بالكليه لخدمة الطالبات على اكمل وجه

ويا مراسل ويا حلم << كل واحد يصلح سيارته

[منتهى الذوق]

مراسل الخفجي = صوت الخفجي
^^^^^
اسمك في ملتقى طلاب وطالبات الفيصل
اذا انا ماني غلطانه
هذا التصوير اللي ازعجتنا فيه يالاخو
والبنت على قولتك في هذا السن تكون مسئوله عن نفسها يعني ما يحتاج احد يقولها نظفي وراك
طول بعرض وبالاخر ما تنظف وراها
وهذا ان دل يدل على البيئه اللي طلعت منها او متعوده عليها
(( رضا الناس غايه لا تدرك ))

[السهم الجارح]

الحمد لله ما دخلت الكليه

[خالدالقباني]

كل على همه سرى وانا على همي
سريت الحمدلله ماعندي خوات يدرسن بالكليه

مشكورين

[حي91]

شـكــ وبارك الله فيك ـــرا لك ... لك مني أجمل تحية .