الشاعر بندر بن سرور
هو بندر بن سرور بن خضير البسامي العتيبي
ولد وترعرع في القراره في مدينه الدوادمي سنه 1360ه
توفي والده وهو صغير السن وعاش مع عمه بعد زواج والدته من رجل اخر عاش الحرمان منذ صغره وربما السبب في ماوصل اليه بندر بموهبه شعريه فذه درس حتى المرحله التوسطه والتوظف في الجيش السعودي وارسل للكويت اثناء حرب الصامته وتهديدات عبدالكريم قاسم حتى وصل الى رتبة عريف في الجيش الكويتي....
قال بيت لهو عندما اتاه احد الدائنين يطالبه بماله فقال....
الدين واجد والوظايف تعيسه000والعسكريه خلة الراس شايب
من اشهر قصائد بندر بن سرور على الاطلاق التي يرددها الجميع \ياسخيف الذرعان\ وحكايتها عندما قام بندر بن سرور بطرق باب الامير تركي بن ربيعان في وقت متاخر وكانت احدى الفتيات تخاطبه من خلف الباب وسالته من هو وما يريد قال انا بندر اريد والك وعندما سال الامير تركي الفتات عن الطارق قالت هذا المرجوج بندر وقد سمعه بندر حين قالت المرجوج واخذت كلمتها تلك موقع من الاسى في
نفسه وكان بندر معروف لدى الجميع وقد انشد قصيدته تلك
ياسخيف الذرعان ماني بمرجوج00000رجتني الايام غدر وحيله
يابنت لولا اللي على تاسع الفوج00000تركت نجد وعزوتى بالقبيله
لاشك حاديني على نجد هادوج00000نسقي الفيافي لين يدرج مسيله
تركي ليامن الليالي غدن عوج00000حملة عتيبه كلها ماتشيله
يرسي كما ترسي البواخر على الموج00000ومنين ماصك البحر يرتكيله
مادام تركي حي ماودي ادوج00000وان غاب غبيت من الرجوم الطويله
كانت هناك قصيد لبندر يهجو بها السديري وعندما سال السديري عن عدم رده على بندر قال هذا شاعر بيوته ابكار اي بكر لم يسبقه احد على قولها وله بيت بؤكد ماقيل عنه
انا اليامني نويت افتل البيت00000فتلت والشعار ماينقضونه
وله قصيده مشهوره ايضا قالها عندما كان في الامارات وهي طويله ولكم منها تلك الابيات
متى يجي في نجد بعض التدابير 00000حتى يجي لصابرين انفراجي
يالله ثبتني على الارض لاطير00000لين اشرب الشاهي اكل علاجي
علاج راسي حبتينن بقصدير00000اللي عليهن رسمهن بزدواجي
ويامني اخذ الفرت واخذ الفواتير00000واحرص عليه ودخله بالكراجي
ان كان يبغى زيت عب المواير00000وان كان يبغى نار غير بواجي
واليا استعد وصخر البعد تصخير00000تصخير شيهانن لفرخ الزراجي
عده على اللي مايعد المخاسير00000ركاز عمدان الخشب للنعاجي
ثم قل لبو ماجد ترى وقتنا غير00000وتبدلت سحب المطر بالعجاجي
من قصائد بندر بن سرور في الصبر
انا اللذي مبدي على الناس سري00000من خوف سودان الوجيه تحكيبه
اصبر على ظيم الدهر والتعري00000من شان من يرضى على الغليبه
وابعد مجالي عن عيال التزري00000من لاهوى قلبي دواه المغيبه
واخاف لي من مجلس مايذري00000في جانبه بوم حساسه صليبه
وسوالف مابين بحث وتحري00000يجرح فؤادي عليه وابتليبه
يرضيني المقسوم خيري وشري00000سبحان من لاتعلم الناس غيبه
احدن على ربعه يحب التحري00000لشر بلاس وخيره بجيبه
هذاك يالربع انا منه متبري00000لو عضني ناب الدهر مانتخيبه
من خوف يضحك لي وهو يستغري00000يفتل حبال السو ومايندريبه
يفرح علي بكل شي يمري00000وان شاف يمي خير عني نهيبه
ومن قصائده
من بلاد الشام جينا بالمكينه00000فوق فرت ما تخثع بالطماني
يحتدي مثل الجمل تسمع رطينه00000مع طمان القاع مثل الثعلباني
والشفير من المدارس مطلعينه00000عن ظلام الليل شب الكهرباني
كل ماجاه تل يلعن والدينه00000باليمين اللي على كل الليماني
ماتجيه يسار رجله شوف عينه0000غير يسرى الطار شي بالاماني
يوم قاله الخوي عاشت يدينه00000شد رجله للكمك واحد وثاني
يالله انك تنصر من نصر دينه00000ان عطى له معى غبا ولابياني
قلت يالمطنوخ انا عيني حزينه00000من شراب اللف ابيه وعنك كاني
قدرمى بالكيس قدمي قال وينه00000دوك ما بالجيب عن شي لهاني
قلت ثالث قال يالله لاتهينه00000قلت خامس قال يطلب نقل ثاني
قال واحد والكمك وسمع حنينه00000كيف ماترضى عليه بالهواني
قلت واحد والكمك ضام المكينه00000قال لي من يرحم القاسي لياني
قلت والله يرحمونه صانعينه000000قد زعلت من اللهيب اللي حداني
قال ما ناثق بمن هم متقنينه00000عن مشاور غير عرفي قد كفاني
قاطع العرقين مدري وين وينه00000قد وصلت الارض واسمع صوت ثاني
قالت دوك اللف خابو شاربينه00000غطني عن شوف شي ماخفاني
من قصايد بندر بن سرور القصيده هذي جبل من المعاني والمفردات والحكموالعبر
يالله ياجال الامور المهمه00000تجلى وهق قلب برى حال راعيه
البر دجته والبحر رحت يمه00000ادرج سبب حظ على الله مساعيه
يوم ان ولد اللاش رزقه على امه00000رزقي على اللي ميت القشع يحيه
ماني ونا بندر ببياع دمه00000يقطعك يابياع دمه ومهفيه
اللي يبيع لابسات الازمه00000ثور يبي بيض العماهيج تغنيه
يزعل ليا جت ليلة الول يمه00000يرضى بسوق المال باخيه ةلبيه
خطو البخيل اللي يكبر معمه00000يقرا الكتاب واجب الله مخليه
اما هرج له في رفيقه بنمه00000 والاعطا وامه تضيع هقاويه
يامل قلب كل مامت همه00000دارت دواليب الدهر لين تحييه
فراق شمل الناس عيا يلمه00000وقتن يشيب الراس من شاهد فيه
احدن ينام وحط راسه بكمه00000واحد تخم النوم عينه وتخطيه
واحدن يحاول بالردى بنت عمه00000واحدن يحاول ستر عذرا عوانيه
تخالف الانظار شرقن ويمه00000كل هدف رايه من الناس مرضيه
انشدك ياللي كل شي تتمه00000تقرا الكتاب وكل فرض تصليع
ويش القليب اللي عميقمجمه 00000ماسر غرسه ماه عطشى سوانيه
سم السبب ياعرفن عنه سمه00000سم السبب ياعارفه قبل اسميه
ارجو ان اكون قد وفقت في الطرح واعطاء هذا الشاعر جزء ممايستحقه رحمه الله
تقبلوا تحياتي
المواضيع المتشابهه
العرض الشجري