كني مضيع ليا قفيت عن شوفي*** مغير ادله في افكاري واسليها

[حمدالسلطان]

السلام عليكم
صباح الفل والكادي *** صباح المسك والعنبر
يسعدني ان اقدم لكم مشاركتي الثانيه وكلي شوق ان تحوز رضاكم واستحسانكم
تقبلوا فائق التقدير لكم مشرفين واعضاء وزوار بمنتدى الابداع منتدى الرائديه
حمدالسلطان
________



والله لو افرش طريقك ورد مع كادي
والبسك من حرير الهند غاليها

واسهر ليالي اسطر لك من احروفي
ما يوفي النظره اللي انت مخفيها

العب بقلبي تراني مقدر اجافي
أنت الغلا وأنت روحي و كل شئ فيها

أعيش أسيرك مدى عمري ولا يكفي
لك في خفوقي مكانه وأنت تدريها

لو توزن الناس والعالم ترى أدري
حبي لك أكبر من الدنيا وما فيها

حب الغلا بيننا مزروع في صدري
ياعشق ماخذ من أيامي ومعطيها

كني مضيع ليا قفيت عن شوفي
مغير ادله في افكاري واسليها

ياسيدالناس اسم البعد لاتطري
انته دواء للجروح اللي أنا اشكيها

ماتمل عيني عيونك... وأنت ذا تدري
ان النظرفي عيونك عشق لي فيها.....


حمدالسلطان

[اتعب يابحر]

صح لسانك وقوا الله اركانه

سلمت يمينك ياخي العزيز

اتعب يابحر

[أبو رائد]

حمد السلطان

صح لسانك ..

والله يعطيك العافية ..

على القصيدة الرائعة ..

[سامي الشمري]

[align=center]حمد ..!


صح لسانك و أعتلا شانك على هالأبيات الرائعة و الجميلة ..!


تحياتي لك


[/align]

[جوهر الراوي]

الشاعر الكبير الأخ حمد السلطان ................ لله درك ما أروع ما نظمت وما سطرت ..

صح لسانك وسلم بنانك ..

رائعة هذه القصيدة ... وكأنها نُظمت بالؤلؤ والياقوت والألماس ...


سجل إعجابي بها ...


تقبل مني صافي الود وزاكي الورد

[فتاة الجروح]

صح لسانك وسلمت يمناك
اخوي حمد السلطان
يعطيك العافية على القصيدة

[حنين]

صح لسانك حمد


والله يعطيك العافيه

[الجوووري]

حمد ..

صح السانك مليوون


ولاهنت على الراائعه يالغالي

بإنتظار جديدك ..

[حمدالسلطان]

اتعب يابحر

صح قلبك اخوي لك تقديري
على هالمرور الكريم ...

[حمدالسلطان]

ابو رايد

مديرنا الكريم

صح قلبك يالغلا

شرفني مرورك الكريم بركني المتواضع ..

تقبل شكري وتقديري
حمدالسلطان