خاطره بعنوان ((رغــد)) .. تقول :
من ثلاث حروف..
( دال ، راء ، غيــن )
أسهرني كلمتين
وحدة أمن وحدة خوف!
وهن ثلاث حروف.. !
بين قوسيـــــــــن
( دال ، راء ، غيــن ) !!
وعدت ترتيب الحروف:
( راء ، غين ، دال )
ويبدر بذهني ســؤال:
شنهو معنى هالحروف..؟؟
لازم أقراها .. وأشوف ..؟؟
واطلعت عندي ( رغد )
قلت أفككها بعـــــد
( راء ، غين ، دال )
وعدت ترتيب الحروف
( غين ، دال ، راء )
شنهو تعني يا ترى ..؟؟
لازم أقراها وأشوف
بعد ترتيب الحروف
اطلعت عندي (غدر)
آآه يا مر .. الغدر!!
تدري وش معنى غدر؟؟
انك تطعن بالظهـــر
وإنك ما تامن أحد!!
كلمة قالتها ( رغد )
وتدري من هذي ( رغد )؟؟
وحدة تعيش بكبد
كانت تعيش برغد
شفتها البارح حزينة
تلعن الغدر وسنينه
وتقول من عرض الكلام
وش أسقط حصون المدينة؟؟
وش قتل زوجي وأخوه؟؟
إلا هالكلمة اللعينه!!
ما دريتي يا ( رغد ) ..؟؟
شنهو صار بهالبلد ؟؟
من يوم ما أبوك انولد..؟؟
حرب واسلاح ودمار!!
وانهيــــــــــــــــــار ..
وشبوا النهرين نار!!
ما قريتي يا رغد..؟؟
في كتـــــــاب
مذبحة قصر الرحاب..؟؟
ودم الأشراف.. ألشريف..
يلطخ أطراف الرصيــف..؟؟
قبل خمسة واربعين
من السنيــــــن
في شهر تمــوز
تروي القصة .. عجوز
كانت أبدع من بديعة!!
لكن القصة فضيعة...
مذبحة فعلاً ..شنيعة
يا كبر وقع الفجيعة..!!
قبل خمسه واربعين
من السنيـــــن
ما سمعتي عن بديعة؟؟
حفيدة أمجاد وعروش؟؟
أميره بوجه بشوش
قلبها أبيض نظيف
وعرضها طاهر عفيف
ذوقوها أهل العراق
سالفة أقسى الفراق
هاجرت بأولادها
وهجرت بغدادها
تبكي على فراق الأهل
وتبكي عليها بلادها
وراحت تدور عن مكان
لعلها تعيش بسلام
وتنعي فراق الأهل
من قبل ياخذها الزمان
واستوطنت أرض الضباب
وعاشت العمر بعذاب!!
واقنعها ( فائق الشيخ )
وتألمت .. وتكلمت
عن مذبحة قصر الرحاب
يا ( رغد ) هذا الغدر
شفتي وشلون القدر ..؟؟
بعد خمسة وأربعين
من السنيـــــن
تطلعين .. تتكلمين..!!
عن قصة (الغدر) .....
كنها قصة بديـعه!!
تدرين وش (الغدر) يا بنت صدام ..؟؟
( الغدر) فعل أبوك .. وأفعال حزبه!!
و(( الغدر)) غزو الناس.. والناس نيام..!!
و((الغدر)) قتل (الريس) أطفال شعبه!!
من قتل (عدنان خيرالله)..؟؟
من قتل شعبه .. وأذله ..؟؟
من اباد الأكراد ..؟؟ وذبحهم ؟؟
من مســـــــحــــهم ..؟؟
غيـر أبوك .. وغير حزبــه..؟؟
من غزى أهل الكويت ..؟؟
ومن نهب من كل بيت ..؟؟
ومن ذبــح أسرى الكويت ..؟؟
غيــر أبوك .. وغيــر حزبــه..!!
وبعد ما قلتي ((غدر))
كلمة تفج الصدر!!
في لقــــائـــك ..
أو بكــــائــــك ..
في فضائية عربية!
أو قناة العربية !!!
عرفتي وش تعني ( الغدر )..!
منقول من الايميل
تحياتي لكم
المواضيع المتشابهه
تدرين وش معنى ( الغدر )
العرض العادي
