الكلام الجزل ينقال بالوقت الصحيح
ماحتفظبه دام له صار وجه لْحزته
والشعر عندي مليحه ولاعندي قبيح
اتعمق في بحوره واطلّع مزته
والمواقف تظهِر اللي صمل والمستريح
والحميا كل راسٍ مْردد غزته
يافهد تستاهل الفوز والفعل المليح
الثقه منا سمت دربها لك قزته
ياجوادٍ في حياته عزومه ماتطيح
فارقٍ لامن جياد التنافس لزته
وانت رايك طب وعلاج للراي الجريح
وانت مانت اللي بلا فعل يفرض رزته
انت ابوك اللي مع الناس بالسيره مديح
دايمٍ نفسه تعلا سما ماكزته
بالكرم والجود ينفق ولاشفته شحيح
وان لفاه الضيف رحب وعجله فزته
واعنزه كسابة الطيب ملجا للنزيح
من زبنها من صدوف الليالي عزته
المواضيع المتشابهه
العرض العادي
