&& اسبانيا والصين && قصيدتي الجديده !!

[شمالي]

[align=center]بسم الله الرحمن الرحيم

السلام عليكم ورحمة الله وبركاته ..

أعود اليكم اليوم لأبشركم بمولودتي الجديده .. جعلها الله من مواليد السعاده وهي أنثى ولقد أسميتها قصيده ويدلعونها ( اسبانيا والصين ) علّ وعسى ان تحوز على رضاكم وإستحسانكم ..

(( طلب صغير )) : اتمنى من اللي يقرا القصيده ( كامله ) أنه يحط اذا رد على الموضوع أفضل بيت أعجبه ( إن كان يوجد بالقصيده ما يستحق الإعجاب ) . وأن يضع البيت اللي يحس انه ما اعجبه أو انه ركيك او انه داخل بالقصيده غلط ويضع وجهة نظره لأن هذه القصيده راح يحصل لها إعادة تنقيه فأنتم تمثلون الجمهور فأرجوكم ساعودني .




[poem=font="Arial,4,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
صدفـه شفتهـا مـره وهــزّ الخـافـق المطـعـون=شفتـهـا بـعـيـد الفـطـر وأصـبـح العـيـد عيـديـن
لابـسـه فسـتـان عـيـد والشـعـر فــوق المـتـون=والـكـحـل فـــي عيـنـهـا عـلّــم الـقـلـب الأنــيــن
كـاشـخــه مـتـعـطـره بـالـعـطـور وبـالـدخــون=كامـلـه والكـامـل الله أحرقتـنـي بـرمـش عـيــن
أصـرخ بعالـي الـكـلام هالبنـيّـه مــن تـكـون ؟=الـحـلا مــن حـلاهـا يـــا جـمـاعـه مسـتـديـن !
الأنــامـــل نـاعــمــه والـشـفـايــف والـعــيــون=والــخـــدود الـفـاتـنــه والأظــافـــر والـجـبـيــن
ريشـة الرسـام خافـت ترسـم الرمـش الحـنـون=قالـت تـرى مـانـي كـفـو, أرسـمـه يالسامعـيـن
والقصيـده رافضـه توصـف إعجـاب الجـفـون=تـأسـفـوا لـــي كـلـهـم ورددوا لــــي آسـفـيــن !
بـنـات العـالـم بـكـبـره مـايـسـوون مـايـسـوون=بنـات الهنـد واليابـان بنـات اسبانـيـا والصـيـن
أنا مابي سوى هالبنت,رافض كل إناث الكون=لا تلومـونـي برفـضـي , إمهلـونـي خطـوتـيـن
شعـرةٍ مــن راسـهـا تـسـوى ثــروات قــارون=مثلـهـا مـاقـد رأيــت ولا سمـعـت يـــا حـسـيـن
كلـمـة أحـبـك منّـهـا اغـلـى مــن ألــف مـلـيـون=وغـمـزةٍ مــن عينـهـا تجـبـر الـقـلـب الـحـزيـن
ياحلاهـا! مـن حلاهـا أصـبـح الـزيـن مـديـون=هيهـات يوصـل دربهـا هيهـات يوفـيَ الديـن !
أنـا قلبـي قفـص وردي وهــي كلّـهـا مسـجـون=والمحكمـه قالـت قـرار سجـن مـؤبـد ياسجـيـن
أحبهـا حـب صــادق مجنونـهـا حـيـل مجـنـون=متـعـذبٍ فـــي هـواهــا والله يـعـيـن العاشـقـيـن
الحـب كالذيـب الاقشـر كـشّـر نـابـه المسـنـون=والـذيـب مــا يرحم(قلـيـب) العـاشـق المسكـيـن
الـهــوى حـيــل بـلــوه عـسـاكـم مـــا تـذوقــون=ادعـــوا الله يـــا بـشــر قـولــوا آمــيــن آمــيــن
الهـوى ياهـل الهـوى مـع الزمـن يمكـن يخـون=غــربــل طــوايــف جــــد كــــل المـحـبـيـن !!
اسـألـوا قلـبـي مـعـذّب زادت بـجـوفـه طـعــون=طعن قلبي هوى خلّي بلا خنجر ولا سكين !!! [/poem]


وسلامتكم
[/align]