سالفة جارتناااااا

[حنين]

مسالخيييييييييييير
وشلونكم يالشيبان والعجيزات
<<<هين ياصغيره
طبعن ذا اول موضوع لي بالتعاليل
منذو مبطي وانا ودي احط موضوع فيذا
بس كل يوم اقول بكره<<فيها عجز السودان كله
واليوم فيه نشاط وحيويه قلت خليني مااجل عمل اليوم للغد<<تراهم يتحرونك

عاد نايمه من مغرب<<<وش خليتي للشياب
.. بس أهم شي أكون خفيفة على قلوبكم وبدون كوليسترول
<<اخلصي بلا مصاله

~ ~ ~
~ ~
~


هذي الله يسلمكم سالفه جارتنا جازتللي مره وان نشاء الله تجوز لكم

عاد هي تعلم جدتي بسالفتها وانا موبعيده عنهم ماسكه مذكره ينقالي اذاكر
المهم سالفتها تقول:--


مره كنت مرافقه لي امي في المستشفى وبليل جانا دختوررر
وقال امك تحتاج عمليه يعني صوميها من الحين
وتقول ماكمل كلامه الا غطاي يقطر مويه من كثر البكاء
وقالي وقعي على ورقه التعهد قلت مااعرف اوقع اعرف ابصم بس,
قال مش مشكله بس خلصيني ووقعت وقلبي بيوقع من مكانه<<توها تقول ماتعرف توقع ههههه
وطلع الدكتور من هنا
وتكيت على الكنبه من هنا وانا شايله هم وشلون اعلمها انه عندها قسطره قلب بكره
وهي معها الضغط والسكر ولاتداني طاري العمليات
قلت خلاص خليها تشبع نوم والصباح رباح وشوي عقلي يشطح عند عيالي في البيت
تعشو ولا نامو ولابعد صاحيين ادري ابوهم زول
, وشوي يشطح عندها وشلون بعلمها كيف افاتحها بس ,وانا في هالحاله الا ويدخل عليه دكتور مصري
وكانت الساعه ثلاث بالليل وانا اللي امسك راسي يؤ يؤ بيعلمها الحين
وانا مامهدت موضوع العمليه لها
ويكشف على امي ويقيس الضغط لها وانا للي اغمز له بعيوني يعني لاتعلمها عن العمليه
بس الدكتور راح باله ابعيد وهو اللي يناظرني من فوق للي تحت وهو خايف
قلت مافهم خليني اغمز مره ثانيه ووهز طرف الباطلو<<ماعاقت معها ههههههههههه
وهو اللي يرتاع اكثر
يوم شاف الحاله زادت وهو يلم عمره ويطلع من الغرفه واطلع وراه ابي اعلمه اني اقصد سالفه العمليه موقصدي شي ثاني
وهو يوم شافني طلعت من الغرفه وهو يركض في الاسياب وانا وراه واحنا مطارده من سيب الى سيب
الا ابي اعلمه انه قصدي بالغمزه شريف<<مصره ههههههه
وسراميك الاسياب بتكسر مني عاد اناطولي وعرضي عرض الباب وبرقعي غرقان كله دموع وسعابيل يعني اخرع بلد<<ماينلام الدكتور
وهو يركض وانا وراه , طار حيل الرجال وهو يركب المصعد وقبل ماينصك @@
اقوله اصبر ياابن الحلال بعلمك ا لا وينصك الباب عليه وهو يتنافض
ولامداني اقوله الحقيقه
ولاادري وين راح من يومنا ذاك الى هالحزه ماشافته عيني
ولاعاد جا كشف على امي<<حجز على مصر بدون رجعه
على باله اني اغازله مادرى انه عندي درزن في البيت
هههههههههههههههههههههههههه
(ياحليها جارتنا وربي دمها خفيف يوم تقولها اسلوبها بعيد عن كتابتي لها ...)



تراها مجرد سالوفه لا اقل و لا اكثر