تحذير ........... سياحي

[ac2006]

بسم الله الرحمن الرحيم

تحذير.... عطلات السعودية = عطلات الحرامية

مندوبين منتشرين في المجعات التجارية والمنتزهات في المنطقة الشرقية على كورنيش الدمام في (الحكير) و (المخازن الكبرى) في الخبر. وعلى علمي بان لهم مندوبين كذلك في مدينة جده ومدينة الرياض يجوبون الاسواق ويختالون ويحتالون على الناس ........

واليكم قصتي معهم في احد الأيام نزلت أنا وعائلتي في مدينة الحكير الترفيهية على كورنيش الدمام وأثناء تجولي دعاني موظف لابس لبس محترم ولديه طاولة وقام يشرحلي عن السياحية ويعطيني كوبون ويقول مسابقة سجل بياناتك سيكون هناك سحب على جوائز قيمة فعلا سجلت البيانات . وانتهى( المشهد الأول).

بعد عدت أيام جاني اتصال من عطلات السعودية ويقول مبروك لقد فزت في السحب وهي ليالي مجانية في شاليهات وليلتين اقامة بمكة المكرمة نريد نرتب معك موعد للحضور أنت والعائلة لاستلام الجائزة لأن هناك طاولة محجوزة لكم والمكان عمارة المنتزه طريق الظهران واذا وصلت اسأل عن الموظف (جبران) وفرحت لأن عمري مافزت بجائزة وكان الموعد الساعة الخامسة مساء . وانتهى (المشهد الثاني).

وذهبت للموعد وأنا مكشخ ومعي العائلة وصلت وسألت عن (جبران) وفعلا وجدته في استقبالي وجلسنا في الجلسة المحجوزة وباشرو علينا بالعصير وقام يشرح لنا عن برامجهم السياحية (منتزهات في نصف القمر .. وفي الدمام وفي جده والرياض وعسير ونقوم بالترتيب والحجز لك في جيع المدن المذكورة بمجرد اتصال على الرقم الجاني ولدينا منتزه لافنتين في نصف القمر فية مسابح للرجال والاطفال ونادي للسيدات ونوادي صحية و مشاهدة المباريات المشفرة في شاشات عملاقة.......الخ ) ونعطيك بطاقة عضوية تدخل هذه المنتزهات متى تشاء وبطاقة تخفيض في محلات تجارية كثيرة . وهذا العرض بـ(10000)ريال ولكن لك خصم خاص وأخيرا صار المبلغ (3750) ريال وانت مخير بين القبول والرفض
وصدقت وقلت فرصة العمر وجت لين عندي ودفعت المبلغ وأخذت البطاقات ورجعت البيت فرحان . وانتهى (المشهد الثالث) .

وفي اليوم التالي اتجهنا عصرية الى العالم الجديد وقلت لأم العيال نبدأ بمنتزه (لافنتين) بشاطي نصف القمر وصلنا المنتزه ودخلنا بعد استقبال سئ ورجا وتوسل (البطاقة ماتخولني بالدخول). مشتاق للسباحة وكانت صدمة حوش حوالي (20مx15م) مزحوم حوش بيتي بالديرة والله أكبر بكثير وبركه (3مx3م) فيها اكثر من 4رجال و5 اطفال .
جلست أواسي نفسي وأقول استفيد من الحجوزات لاني كثير التنقل والصيفية على الأبواب وفعلا اشد عفشي وأسافر وهات اتصال على رقمهم المجاني مايرد عليك احد غير جهاز ومسج حفظته غيب (عطلات السعودية ترحب بكم جميع الموظفين مشغولين ..عروض لافنتين الصيفية أحجز ليلتين وليلة مجانا أحجز خمس ليالي وليلتين مجانا.......) وانتهت الصيفية ماأستفدت شي حتى بطاقة التخفيض ولا محل قبلها . وأنتهى (المشهد الرابع) .

وضاعت فلوسي بوعود كاذبة وعملية نصب ودجل ... نادي عطلات الحرامية . وماعرفت لمين أشتكي . ولكن حسبي الله ونعم الوكيل .

[سامي الشمري]

ac2006

يااخي عرضك أرخص من العرض اللي جاني !!


قبل سنتين و نصف .

كنت بدبي ..

و نايم بالفندق و في الساعه 9 صباحاً

دق التلفون عند راسي

رفعت التلفون ..

ألو ؟؟


ألو السلام عليكم <------<< صوت ناعم طبعاً

الأخ سامي ؟؟

أيه نعم .. من معي ؟؟

معاك مكتب السياحة و السفر بدبي .

أنت ربحت معنا 6 تذاكر سفر

أختار تبي لبنان ولا شرم الشيخ ؟؟


قلت على طول شرم الشيخ وينكم أجيكم ؟

قالت لي من معك ؟؟

قلت لها معي الوالد ..

قالت نفس الكلام اللي قالته لك ..


لكم طاولة محجوزة ووصفت لي المكان

كان مبناهم جنب مبنى مجمع حمر عين <-----< أنتبهوا

المهم جيتهم على الموعد ..

و شفت الترحيب الطيب ..

أنا جاي أبي آخذ التذاكر بس ..

إلا حطونا بقاعة فيه طاولات كثيرة

و ناس أغلبهم سعوديين جايين مثلي يبون تذاكرهم

و جانا هذا المصري اللي أعتقد أنه مااخذ الدكتوراة بالنصب و الإحتيال

المهم .. قال عندنا عرض إن شاء الله يعجبكم

و عطانا العرض وهو عبارة عن منتجعات سياحية لهم في جميع دول العالم ..

و منها أوروبا و الشرق الأوسط و أمريكا ..

و قال لي هي عباراة عن بطاقة عضويـة ..


تشترك فيها مدى الحيـاة

لـ 6 أشخـاص فقط

لكم رحلة سنوياً لأي منتجع مع إقامة و أكل وووو ألخ ..


لمدة أسبوع واحد فقط ..

قلت طيب كم الإشتراك

قال بـ 35 ألف درهم إماراتي

قلت كمممممممم ؟؟

ماني مصدق ..


بس كان العرض رهيبب جداً ..


قالي تقدر تبيع البطاقة أو بإمكانه ارجاعها لنـا و تأخذ باقي فلوسك ..

بعدها دريت إن السالفة فيها نصب ..

بس الصراحه ..

لو وقتها كان معي المبلغ .. يمكن أشترك معهم

أيّست من أسعارهم ..

رفضت العرض ..

و قلت لهم ماعندي المبلغ هذا ولا أقدر أدبرة

قالي عادي بإمكانك تروح للسعودية و ترسل لنا المبلغ عن طريق حسابنا ..

قلت له ما أبي ,, ولا أقدر أشترك ولا أقدر أدبر المبلغ <0000 على شان أفتك منه

ويوم جيت أبي أمشي ..

تذكرت التذكرة

و أنا أرجع لهم

قلت وين الحلوة اللي أتصلت بي ؟

وهي تجيني ..

قلت وين التذكرة اللي قلتي لي ؟؟؟

و هي تخسبق

قالت أكلم المدير و أرجع لك

راحت و رجعت لي

و معاها إقامة لشخصين بفندق المريديان بلبنان <0000؛؛ تناقض

و أنا قايل أبي شرم الشيخ

أخذت الإقامة .. و غادرتهم

و إلى يومك هذا .. ماجيت لبنان

و الإقامة ضيعتها

بس سألت الناس عن المشروع هذا

قالوا لي يووووووه واجد اللي مثلك

هذولا نصابين ..

ماعنده صك من وزارة التجارة ولا شيء


أحمد ربك أنك ما أشتركت

وأنا أصلاً لو عندي ملايين ماني مشترك معهم


على العموم حالات النصب السياحية واجد و كثرة و صارت مصادر ربح لبعض الناس


شاكر لك موضوعك الراااااااائــع


و الله يعينك .. ضحكوا عليك

>>>>>>>>> أضحكوا عليه هي هي هي هي


لكن الحلال مايروح وانا أخوك ..

و الله يعوضك و يعطيك على حسن نيتك

لأن نيتك كانت صالحة لدين الله و إسعاد نفسك و عائلتك

و الله يعوضك بالخير إن شاء الله


لك تحياتي

[ac2006]

جزاك الله ألف خير
والله يجبر بخاطرك




احذر من النصابين والدجالين

[أبو رائد]

الله يعطيك العافية يا ac2006


ونشكرك على هذه التحذيرات

[شوق الغلا]

[grade="00BFFF 4169E1 0000FF"]

منتشره هذى الظاهره بقوه

حتى الان نجدهم بالمهرجانات .. الاسواق الكبيره..

فى كل مكان

شوى ويتصلون عليك

هذى خطط لسرقه بطريقة نظامية

الله يكفينا شرهم

دمتم لنا[/grade]

[ac2006]

شاكر لكم مروكم الكريم


ودمتم

[نجم]

لاحول ولا قوة الا بالله

الله يسعدك ان شالله ويرجع كل ريال راح منك

أما انت سامي ياليتهم ظحكوو عليك ..

شكر لكم جميعا والى اللقاء

[مجرمـ الخفجي]

جزاك الله الف خير

تقبلوا خالص تحياتي
أخوكم يوسف