الى بوابة التحرير .. الخفجي مع وافر التحايا ..

[عايد الرشيدي]

الى الخفجي وشواطئه

الجميله مع التحيه


[poem=font=",5,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
هنا .. كانت بدايات الحياه وضحكة الأطفال=هنا كانت ملامح شاعرٍ يرسم بكراسه
نواوير الأمل ..واحلامه البيضاء .. بطيبة فال=يحاول يرسم المستقبل ودربه بقرطاسه
طفل يدرس بــ ( بغرناطه ) مجد ويكره الأهمال=طفل عفويته فطرة إلاله وقلبه الماسه
لو ان الشيطنه تطغى عليه وتدخله بشــكال=لأنه يسرق الأضواء من ربعه وجلاسه
هنا .. بعد اربع وعشرين عام آقف على الأطلال=نهاية غربة اللي قد كسر حب الأمل ياسه
على أحلا الذكريات اللي لها في خافقي مدهال=وعلى احلا أيامي اللي بين لعب اطفال ودراسه
تصحيني بعد غفوة عمر لمصافحه لو طال=رحيلي عن شواطيه الجميله وأجمل احساسه
هنا .. ( بوابة التحرير ).. والحب الذي لا زال=بقلبٍ ماتنقّص غربة الأيام مقياسه
هنا .. الخفجي ..هنا صيحة رجالٍ خلدو وابطال=هنا ..دمٍ نزف لجل الوطن وأرياق يباسه
هنا .. حمي الوطيس وثار دخان الوغى وختال=عدوٍ من ردى حظه طمع ونشلت اقواسه
هنا .. كنا قبيله واحده .. قلب بجسد رجال=هنا ..ترابٍ غسلناه بدماء يوم العدو داسه
هنا .. يحفظ لنا التاريخ ماضي ينذكر لجيال=ويبقى تاج دام التضحيه والعز نبراسه
فدالك ياوطنا ارواحنا في كل حال وحال=وش أجمل من لجل دينه وداره تقطع انفاسه
نعم واليوم بالخفجي تشوف ولاحدٍ لك قال=علامات التقدم والرقي بدياره وناسه
مدينه للهدوء قمه وعال العال ..عال العال=عسى الله يحفظ عطيشانها والنعم في ساسه
رجالٍ طوروها بالحضاره واصبحت تمثال=مرصع بالذهب واللول من ساسه ليا راسه
مشاعر شاعرٍ شعره جزيل ولا يجيب هزال=يداعب حرفنة قافه ليا من طل نسناسه
ولا يسعى ورى شهره ولا يسعى لكسب المال=ولا يظلم ضميره لامدح لو يعلن فلاسه
وسلام الله على الخفجي وذكرى ماضيٍ لا زال=يلج بوسط خفاقٍ عليل وتصرخ اقواسه

[/poem]


عايد الرشيدي