أبغي قآآعه أفراح فالخفجي

[بنت زايد]

سلام عليكم

شحالكم أخواني ؟؟

بصراحه ابغي مسآعدتكم ..

ابغي قآعة أفراح فالخفجي بس تكون مره فخمه

وما مهم معي السعر حتى لو كانت بـ 90 ألف


أنا وصلتني رساله ع ايميلي عن قصر الطايف وبصراحه خبآآل

وأنا ابغي شرات فخامة قصر الطايف وابغي تكون القاعه كبيره

لأن بيكون المعازيم وايد من الإمارات وعمان والكويت
ومن بعض مناطق السعوديه >

[أبو رائد]

وعليكم السلام ورحمة الله وبركاته

واهلا وسهلا بك

بالنسبة لقاعات الافراح

هناك قاعتين يوجد لها صور بالمنتدى



الأولى قاعة شهرزاد

http://www.alraidiah.com/vb/showthread.php?t=93099

الثانية قاعة الرومنسية

http://www.alraidiah.com/vb/showthread.php?t=99861

[الناقد]

أبو رائد ما قصر معك


والله يجعل أيامكم أفراح

[الصـارم]

وفي أختي قاعة الخفجي على البحر
إذا تبين أفخم قاعة بالخفجي
ماعندك إلا ثنتين

قاعة الخفجي
وقاعة الرومنسية

وبنسبةللصور مافي قاعة بالمستوى هذا بالخفجي

بنفس المستوى فيه بالدمام

[طيوفه]

ماشاء الله روعه
وتصميم خيااال
ياليت تكون عندنا قاعه مثل كذا بالخفجي

[(بصمة أمل)]

وعليكم السلام ورحمة الله وبركاته

اولا الف مبروك والله يتمم ع خير

بعدين الله يسعدكم وافضل قاعه بالخفجي قاعة الخفجي للاحتفلات ع البحر

عادي تدفعين 90 الف الله يبارك بمالك ويزيدك من فضله وخيره

تدفعين المبلغ هذع ع ليلة كم ساعه حرام مايجوز ناس مولاقيه تاكل
ناس مو لاقيه مهر ؟؟ وانتي بتدفعين 90 الف ع كم ساعة

ابني لك مسجد فيها .. اكفلي يتيم .. اعملي عمل يدخلك جنه عرضها السموات والارض وماعيك من كلام الناس

اعملي عمل ينجيك من عذاب القبر مدام ربي منعم عليك ماشاء الله تبارك الله الله لايحرمك منها ويزيدك من حيث لاتحتسبين

تقبلي نصيحتي حبيت اذكرك قال تعالى : {وَذَكِّرْ فَإِنَّ الذِّكْرَى تَنفَعُ الْمُؤْمِنِينَ }

الدنيا فانية ومافي شئ يسوى المظاهر ماتقدم ولاتأخر

قال تعالى ( ولاتسرفوا ان الله لا يحب المسرفين )

روى الحاكم عَنْ أَبِي جُحَيْفَةَ رَضِيَ اللَّهُ عَنْهُ قال :

قال رسول الله صلى الله عليه وسلم :

( إِنَّ أَكْثَرَ النَّاسِ شِبَعًا فِي الدُّنْيَا أَكْثَرُهُمْ جُوعًا يَوْمَ الْقِيَامَةِ ) .

قال الله تعالى :
( وَكُلُوا وَاشْرَبُوا وَلا تُسْرِفُوا إِنَّهُ لا يُحِبُّ الْمُسْرِفِينَ ) الأعراف/31 .


والله يتمم لكم فرحتكم

[مطفش ابليس]

اذا فلوسك واجد وزعها المساكين
ولا ابني فيها مسجد
ولا سدد عن سجين عاجز يسدد دينه ويطلع يعيش مع اسرته
الحمدالله والشكر

[طواش]

رديت هنا

وكتبت انها دعاية مبطنة

فلماذا حذفت مشاركتي دون اشعار

هذا متعود من المشرفين

السؤال هل من حذف مشاركتي مشرف ام مراقب ام صاحب الموقع

نبي نفهم من يدير هذا المنتدى

بانتظار الرد

[~ افوق الوصف ~]

الاخت عندها مناسبة وتبي تفرح عسى الله يتمم لها فرحها يارب
اختي مثل الصور الي نزلتي مافية عندنا بالخفجي لاكن فية الي
يفرشلك الطاولات ويزين الصالة على ذوقك والاسعار تختلف موفقة
يارب وعسى ايامنا وايامكم دوم افراح

[رائـد الـفـهـد]

افخم قاعه حاليا الرومانسيه لكن ليش تعرضون صور قاعتي هنا هع هع << يعنيني