تكفون ياهل الخفجي

[متوسد القشعه]

السلام عليكم ورحمه الله
انا توي ساكن الخفجي ولا اعرف الخفجي زين
ياشباب ابي اسوي مشب حجر اذا تعرفون عماله جيده اكون شاكر وممنون
واذا فيه احد مجرب مشب الدوادمي اذا هو احسن من الحجر يفيدنا
جزاكم الله خير
اشكر لكم قبولي في منتداكم

[كورن فلكس]

ان شاء الله يفيدونك الاخوان مايقصرون

[متوسد القشعه]

شكرا لك اخي كورن فلكس ونتظر المزيد

[عآنيت بسكآت]

هلا والله اخوووي متوسد - والله بنسبا للعمال بذات حقين الحجر ماا جربتهم بس بنسبا لي مرممين بيتنا وهو من الحين تحت الترميم وشغلهم ماشاء الله عليهم شغل عدل واذا حابت تشووفهم شغلهم عشان ترتاح من عيوووني - راسلني على الخاص وابشرر

[طلال كم]

شـكــ وبارك الله فيك ـــرا لك ... لك مني أجمل تحية .

[لحن الحزن]

والله يالغالي بما انك جديد على الخفجي احب احذرك وانصحك من امور كثيره

اولاً لا تصدق كل صاحب مهنه بالخفجي يعني هناك عمال بوفيات اليوم بكرا تلاقية عامل دهان او كهربائي وهذا حدث


مثلا عامل نقل اسمنت وطابوق بعد فتره تجده يعمل في مطعم والوجبات السريعه

عامل سباكه تجده يعمل في بقاله


ايضا هناك الصناعية مثلا عامل رش الدهان تلاقية لحام وكهربائي سيارات


طبعا احذرك كل الحذر من تغيير زيت السياره عند اي محل غير معروف اختار المحل المعروف والسبب ان اغلبهم مايعرف يبدل فلتر الزيت ويركبه خطأ وانت تعرف لا قدر الله مخاطر هذه الامور


احب اوضح لك فقط انك لا تثق بالخفجي بكل صاحب منهنه فأغلبهم واكثرهم الله بالخير مايعرف من امور هذه الحياة الا ( لا مستحيل في معرفت الاشياء وانه يشتغل اي شئ )

من احد النوادر لي

مع عامل بناء او مقاول تحدثت معه وقلت له اريد بناء مجمع نووي فوق سطح البيت قال ( ايوا مافي مشكله )

قلت له معلوم انتا كيف ابني هذا مجمع نووي قالي ايوا معلوم قلت له هذا سيم سيم ايران قال ايوا مافي مشكله انا معلوم متى يبي شغل

وفوق هذا وذاك سئلني قال كم تبي مساحة المجمع النووي 6 في 4 او 7 في 5

قلت له وش الافضل قال 6 في 4 كويس


والله عندنا علماء نووين في الخفجي واحنا ماندري

المهم والزبده اللي ابيك تحطها في بالك وين ماتروح في الخفجي

ان كل صاحب مهنه مشكوك في امره لا تثق في اي شخص صاحب مهنه في الخفجي وخليك متابع اول في اول ومراقب له لتجنب المخاطر لا قدر الله

والله يوفقك

[متوسد القشعه]

شكري للجميع
اما المجمع النووي شي ثاني ماقدرت امسك نفسي من الضحك اعقب يالبنقالي حتي النووي مايعوق معه اهم شي ياخذ دراهم

[أبو رائد]

بجوار بنك الرياض

الشريع للخيام

عندهم عمال

ولو تقابل الأستاذ بدر مدلول
يدلك عليهم ..


والله يوفقك

[متوسد القشعه]

الله يجزاك خير
هذا الكلام المفيد

[لحن الحزن]

وفي ايضا محل بعد الاقواس على ايدك اليسار هذا تقريبا مشهور بالخفجي لاني سئلت اليوم عنه ومدحوه لي بعض الشباب والله اعلم