رسالة مؤلمة

[سعودي حنون]

رسالة مؤلمة وصلتني انشرها كما هي

أوجه رسالة للوالد القائد خادم الحرمين الشرفين (حفظه الله وأطال في عمره)
من واجبات الأبووووه أن الأب يستمع لصرخات أبنه ويضمه على صدره وإذابة كل الآمه
والملك زي أبوي لاأحد يتدخل بين أب وطفله
أبشرك يا خادم الحرمين الأسعار مضبوطة
والمواد الغذائية متوفرة
ما نقصنا بس إلا الخبز يرفعون سعره لاتراهم رفعوة أمس
وخذ عندك بعض الأسعار قشطة المراعي صارت 4 ريال حبة المظبي 22 ريال الكفرات أرتفعت 30 % الأدوية 25 %
تخيل يا خادم الحرمين جبن كرافت والمراعي السايل أرتفع طيب وش نسوي لبزارينا المشكلة يقدرون الكرافت السايل مع الصامولي يعني وش نفطر الطحين زاد والبيض زاد حتى الشابورة الببسي صار 20.5 والأيجارات أرتفعت وقسايم المرور زادت الحمدلله على النعمه أمن وآمان الله لا يغير علينا حتى رز أبو كاس أرتفع لا وأزيدك من الشعر بيت رزمة الكراث والبصل صارت بريالين شفت شلون حنا بنعمه
بس تكفى كلمة راس..؟؟؟
ما ودك.. تنزل رواتبنا شوي..؟؟؟ عشان.. نبني للأردن 70 ألف وحده سكنيه ثانيه!!!ونعطي لبنان مليار ونص دولار!!! ونرسل لمصر المعونه السنويه!!!ولايهون أهل المغرب اللي بعض المناطق الكهرباء ببلاش !!عشان الصيد يطلع لة طعم !!! أجل غزلان ببلاش !! وحنا ضبان وجرابيع وواجد علينا ناحسونا فيها...لا وصار فترة صيد يامال الفقر !!!ونرسل أعانة لساوث كالوراينا ونبني لهم مرة ثانية مثل أرامكو السعودية في نيوأورلينز!! اللي مازادت موظفينها شئ بس ترسل عيال الأجانب يدرسون ويتعالجون في أحسن الجامعات والمستشفيات وتتبرع لأمريكا بأكثر من مليارين غير بناء 2500 وحدة سكنية للمساكين وحنا آة من الحنا تراة غلا بعد يخلف اللة علينا ننتظر الله لايقول زلزال يمكن الجماعة يعطفون ويعطون فلل زي رعاة البقر وياقلب لاتحزن !!!
تعرف ماشاء الله حنا..؟؟؟ من كثر الفلل التمليك..؟؟؟ الناس صارو يأجرون ببلاش ممكن طلب طال عمرك.. أبي سلف 12000 ريال لأخر العطلة نبغى الفقع مبطين عن الفقع !!! يافقعي فقعاة؟؟؟ عندي دين أسدد فيه لي سنه ولا خلص.. كل شهر 500 ريال الله يرحم حالنا والله..أبشرك طال عمرك قبل كم يوم حطم سعر برميل البترول الرقم القياسي وصار يباع بـ 99 دولار ورصيدي أيضا حطم الرقم القياسي في نفس اليوم وصار فيه 17 ريال الحمد لله شفت كيف أنا بخير وشعبك بخير
الله يرحم زايد والعمر زايل اللي قال عز شعبك يعزك وربعنا ذل شعبك يمشي وراك بس ربك فوق ويمهل ولايهمل ياحسابات سويسرا وصفقات الطايرات الخربانة والمشاريع الوهمية
أحب أطمنك صرنا نسوي رجيم غصب عنا تعرف اللحم ما عاد نعرفه عقب ماذبحنا الكرم ألحين الواحد معاد عندة عشان يعزم حتى الدجاج ما عاد نأكله صرنا رشيقين تسمع بالكرش ما عاد نشوفها تسمع بالبطن اللي لاصق في الظهر يوووووه في كل مكان نشوفه نم قرير العين الشعب بخير لاتتعب نفسيا وتدور في النت توأم تفصلهم توائمنا ليش ينفصلووون صلة الرحم زينه خلهم يتشابكون طول العمر يمكن لو فصلناهم يتهاوشون ويفترقون خلهم متشابكين في جسد واحد الله لا يغير علينا

أبشرك طال عمرك شعبك تطور أستبدل البكاء بطعم الملح؟؟؟ ببكاء بطعم الدم؟؟؟آآآآآآآآآآآآآآه يا حلو مذاقه ودك تجربه؟؟؟ أنا أقولك وشلون؟؟؟ نظف منزلك من حليب الأطفال!!!والبامبرز عشان تطلع الريحة صح وتعرف معنى الحياة نظف جيبك من الفلوس؟؟؟ نم ومخباك فاضي؟؟؟ خل زوجتك تصحيك من النوم قبل الفجر وتقولك أن طفلك ما عنده حليب دق الشماغ ولف على جيرانك دور سلف.. علشان تشتري حليب لطفلك الجميع بيطردك لأنهم طفارى كلهم أنس أنك ملك وأرجع للبيت بتدخل على أنغام بكاء طفلك عندها ستحتقر نفسك وأنت عاجز عن أشباع طفل عندها ستلعن اليوم اللي أنولدت فيه عندها ستلعن اليوم اللي أنولد طفلك وصرت مسؤول عنه؟؟؟ عندها ستضمه وستبكي من القهر ستنزل دموعك وتحس بطعم الدم في حلقك وتستغفر ربك لأن الجوع كافر والطفرة طق أصبع وهبال على خبال والنتايج قريبة !! سوف يكثر الفساد والطمع والسرقة في عز النهار والقتل والقوي ياكل الضعيف تذكر طال عمرك يوم حنا صغار وش كانو يقولون لنا كانو يقولون الرجال ما يبكي عيب تطلع دموعه صرنا نصيح عادي البكاء صار ملازم لنا والسبب كومة لحم (أطفال ونساء) في رقبة الواحد يبكي لأنه عاجز عن توفير الحياة الكريمة لهم
ودي أقولك شي قبل ما أروح وأصيح تدري وش معنى الرجل يبكي قدام زوجته وأطفاله معناها تساقط كل قيم الرجولة والوطنية اللي تعلمناها في طفولتنا معناها إحساس المرأة بالأنكسار وعدم الأمان معناها خنوووووع ما بعده خنووووع للظروف القاسية اللي وضعنا فيها معناها أمور كثيرة ما راح تفهمها..
أرسلها لكل من تعرف عسى أن يصل صوت المعاناه الى مليكنا
فيعرف مدى سعادتنا وفخرنا بوطنيتنا
وسلامتكم ودعواتكم لي
كلمة بسيطة تنقال في الشخص اللي احبه
(((للأســـف اني حبيتك))))

[الهاربة]

واللة يا سعودي حنون ... انزلت دموعي وانا اقرأ رسالتك ..
بس اقولك اصبر ياخوي .. ما ضاقت الا فرجت ؟؟؟
شكرا شكرا على هذا الموضوع اللي يهم الشعب السعودي ؟؟؟

[الحقيقة]

[align=center]أخي سعودي حنون

يكفي أن يكون الحرف رمزا


كلنا ما عندنا شك في طيبة أبو متعب والحب المتبادل بينه وبين شعبه
ونيته الصادقة في العمل على التخفيف من أعباء الحياة على المواطن

ولكن ( ويا كثر ما نبي نقول لكن )

لا نزيد عن قول اللهم (( أصلح له بطانته ))

يقول غاندي:

(( يجب أن لا تفقدوا الأمل في الإنسانية. أن الإنسانية محيط، وإذا ما كانت بضع قطرات من المحيط قذرة فلا يصبح المحيط بأكمله قذرا))


____________________________

قال على بن أبي طالب رضي الله عنه لولده الحسن رضي الله عنهما يا بني :

(( استعذ با لله من الفقر، فإنه منقصة للدين وداعية للمقت ومدهشة للعقل ))

(( يا بني : مارست كل شيء فغلبته ، ومارست الفقر فغلبني لأني إن أذعته فضحني وإن كتمته قتلني ، فكاد الفقر أن يكون كفرا ))


قال حكيم :

(( القبر خير من الفقر ))

اللهم أصلح الأحوال
وأعيذنا من الأهوال

اللهم أطرح لنا الرحمة في قلوب من وليتهم أمرنا
اللهم أجعلنا رحماء فيما بيننا
أمين آمين
[/align]

[azoozsweet]

اخوي سعودي حنون اشكرك على الطرح المميز بصراحه كل شي غلا وطار فوق فوق فوق وسببه التجار وعذرهم الوحيد المواني والجمارك وفوق هذا كل حنا ناس مذبوحين من كل ناحيه من الناحيه الغدائيه وكل شي بصراحه حنا مظلومين فيه خادم الحرمين ماقصر لكن فيه ناس تحته ماتنفذ وتم التنفيذ طال عمرك وغيرنا ياكل من خيرتنا وحنا زي المغفلين ماندري عن شي ندري لكن وش نقول الا حسبنا الله ونعم الوكيل الحاشيه تاكل ليل ونهار على حساب المواطن والمواطن ملعون ابو جده اذا فيه اكل ياكل مع الخلق واذا مافيه ياكل حجر ولا في ستين الف داهيه الى متى الاستضعاف والذل في بلدنا الى متى الى متى ونحن تحت تصرف العماله الاجنبيه وتحت غطاء التجار الى متى ياخادم الحرمين اتمنى ان تصلك اصوات المواطنين دفعه وحده لكي تكون مسموعه وواضحه اشكرك اخوي سعودي حنون على الطرح الجيد فيه كلام حبيت اضيفه بس اكرام النفس هواها وانا اخوك

[نايف عايد]

رسالة في قمة الروعة تنزف الحسره والقهر..

لكن الله كريم اخوي..

اخوي بختصار هل تعلم من وراء ذلك الغلاء في الأسعار؟

الأسره المالكه طول الله عمرها أخذنا الزياده منها ورتفعت زيادات السلع من هناك كفنا مذله وخوف ..نعم هم تجار هذه البلد هم الأسره المالكه وهم المتحكمين في جميع السلع وحتى إذا أردت أن تفتح تجاره شاركوك فيها وإذا رفضت خسرت..
إلى متى ونحن هكذا مذله في مذله وحسره وقهر..؟

هل تعلمون ياحكام الأسره المالكه إننا ننزف قهرا وحسره ونكثر الدعاوي في صلواتنا..

هل تنتظرون ياحكام الأسره إنفجار ضمائر الناس وتعم الفوضى في هذه البلد..

هل تعلمون إن وراء ذلك الأرتفاع كثرة القتل والزنا والفوضى وسيستغل أعداء هذا البلد الآمن بعض الشعب ..
كفانا ذل كفانا ذل كفانا ذل..

نحن تعلمنا أن نقول الحقيقه في دراستنا ما نقلنا لكم إلا الحقيقه ..

وأنا أعلم إنكم سوف تعاقبوني على هذه الكتابات لأن فيها حقيقه ولا تريدون منا أن نقول الحقيقه إذا كانت ليس في صالحكم..

نعم عطفتوا على ضمائر ومشاعر أكثر البلدان المجاوره والصديقه بينما شعبكم ينزف القهر وألم الجرح والأهانه..

زرعتم في قلوبنا الخوف والرعب إلى درجة إن البعض يخاف أن يتحدث في ذكركم خوفا إن الجدران لها أذاااااااااااان..وعندما يذكر أسمكم يقولوا الجبناء طول الله أعمارهم نحن في أمن وأمان وهم يظهرون غير الحقيقه..

هل تعلمون لاسمح الله لو أن يحصل مكروه لهذا البلد ه سيفعل الشعب بكم كما ترك الشعب صدام..


الزياده الخمس بالمئه ماذا تفعل لبعض الشعب وهذه الزياده ليست لجميع الشعب وإنما لفرقه وجماعه معينه تابعه لدوله..وحتى هذه الزياده مستخسرين فيها الشعب

أنتم زدتم خمسه بالميه لشعب ..وقطر زادت خمسه بالمئه فقط للعاملين الأجانب..!

لكن نتمنى أن تكثر الوظائف وتقل أسعار المواد الغذائيه وغيرها وأن تقتربوا من شعبكم لأنهم هم جندكم والمدافعين عنكم وعن البلد..

تقبل تحياتي:اسيرعيونك

[لأجل اشتياقي]

حسبي الله ونعم الوكيل
غلاء ملحوظ بشكل واضح وجلي
وتتطاير الاسعار الى الاعلى وبقفازات واسعه

دقيق من 25 ال 40 ريال
الرز وصل 268 ويمكن زاد
المعلبات

والله ماندري وش نقول وش نخلي
الله يازمان اول يوم كان الالف الريال تقضي الاغراض من معلبات وغيره من اكياس الررز والدقيق والسكر

اما الان مافيه امل

وكمان الخضروات اول كان تقضي 100 وعليها والحين صاااااار كلام ثاني


مااقول الا انها صدق معاناه شعب بأكمله
وياليت ربك يفرجها علينا وع كل مسلم

امين يارب العالمين

اختكمـ

[تركش كوفي]

سعودي حنون


[align=justify]أنت لم تأتي بجديد لأن الجواب جاهز وهي الشماعة التي نرمي عليها دائما اللوم وهي ( البطانة ) بالنسبة لأرتفاع الأسعار من مواد غذائية وغيرها وولي الأمر كما يتصور بسطاء العقول بأنه لايعلم شئ يا جماعة الكل يعلم ( وما فيش حاجة مستخبية ) على قولت أخوانا المصريين وسوف تكون السنين القادمة سنين عجاف لأن الوضع مزري من ناحية الوضع الصحي (0) والوضع التعليمي (0) والوضع المعيشي (0) [/align]نحن الأن في سنة 2008م وعندما تجلس أمام التلفاز وتشاهد ( 600 ) مليون قناة والعالم أمامك يتطور وبسرعة هائلة والله أنني أخجل بيني وبين نفسي



على العموم لا حياة لمن تنادي

[azoozsweet]

تدورن الحين الزياده اللي جات في الراتب بدل غلاء معيشه انا اسميها بدل مذله لانها فعلا مذله ومسخره بالنسبه للي جات لهم الزياده رفع الاسعار من بعدها كل شي تغير هي خطه مدروسه وجاهزه عطوهم شي في حلقهم وارفعو عليهم وفكونا من شرهم والمقوله المشهوره اعزكم الله جوع كلبك الله يكرمكم يتبعك ؟

الله ينصرنا ولا يسامح اللي كان السبب ورى كل هذا الغلا وقله الراحه وقله الوظايف وقله البركه ولا يبارك فيه لادنيا ولا اخره

[قصة ألم]

رزقنا من عند الي ماتنام عينه مو من عند ابو متعب ولا غيره

والله لا يجعلنا في حاجتهم وانا اخوك

الله الي يرزق

[za2007]

كل شي ارتفع سعره 100% الا المواطن سعره 5 %