استفسار عن تركيب خط النت دي اس ال عند النقل ضرروي الله يعافيكم

[لاتنسى ذكر الله]

السلام عليكم ورحمه الله وبركاته

عندي استفسار لاهنتم انا لمن قدمت على خط الدي اس ال بالخفجي


جلسو يماطلون فيني الاتصالات 8 شهور على ماركبوه

وهالشي سبب لي استياء كبير والان ان شاءالله راح اغير السكن

وانتقل الى سكن جديد وراح انقل خط الهاتف معي


سؤالي هل الاتصالات تركب الدي اس ال مع خط الهاتف عند النقل

ولا بيجلسون يماطلون فيني زي التركيب 8 شهور والله


ياليت الاقي جواب لاني احتاج النت ضروري

[شمس الرائدية]

وعليكم السلام ورحمة الله وبركاته ..
وش تبي بحوسة الآتصالات وغثاهم ورفعة الضغط
عندك البروند باند حلوه والله وتمشي
بس إن شاء الله يفيدونك

[الفيصــل]

^
لاتسوين إعلانات لـ شركات ثانية
الرجال سؤاله محدد
بـ إمكانك اخوي تروح لفرع شركة الإتصلات يوم السبت
وفرعهم مقابل مبنى البلدية على شارع الملك فيصل
وتسألهم هناك وجه لـوجه وأكيد بيردون على اسألتك
شفت الشغله بسيطة جداً

[لاتنسى ذكر الله]

ما اقدر اروح
ياليت اذا عندكم خبر

[السوسه]

تركيب الخط والدي اس ال يعتمد على سعة الكبينة المرتبطة بمنزلك , احيانا تستطيع نقل الخط بدون الدي اس ال وهذا غالبا ما يحدث انت وحظك ، وللاستفسار عن ذلك اتصل على 907 تحياتي

[أنس بن مالك]

الله يعينك على حوسة الاتصالات
لكن وأنا أخوك أنا أعطيك العلم اللي يجمد على الشارب
أول حاجة خذ رقم أحد جيرانك اللي بتسكن عندهم , واتصل على 907 أو اذهب للفرع وقل لهم هل استطيع نقل تلفوني إلى نفس كبينة جاري هذا اللي انت معطيهم رقمه وهم يعلمونك إذا فيه إمكانية أو لا ؟

[بارونة الخفجي]

مرمطووووووناااا احنا قالولنا انتظرووو سنه او 7شهور الحين راحو شهرين وباقي 5 وننتظر
المهم انا اقولك خلك بروند باند موبايلي 500ريال اشتراك لمدة 3شهور واحلى من انه يكون مع خط الثابت واساسا مريح مره لايقطع ولا يفصل وسريع فاانصحك به
اما اذا بتتنتظر الخط يوصلك فصدقني راح ينسوونك النت اصلا

[كرمان]

اخي العزيز اسمع نصيحتي ورح لموبايلي سريع ولا ينقطع

واترك المماطله والمرمطه خصوصا من موظفين ال دي اس ال

والله مالي اي مصلحه ولكني عشت الوضع الي انت فيه الان اخيرا الغيت الاتصالات وحولت على موبايلي واتمنى لك التوفيق

[لاتنسى ذكر الله]

انا اسفه بس ما اقدر اروح موبايلي

ولا ادري كيف طريقة البرود باند

[ام بسام]

اجل انت وش تعرف لااتصالات ولا موبايللى ولا تقدر تروح