السلام عليكم ورحمة الله وبركاته
هذه قصيدة للشاعر: ماجد ضيف الله الرشدان
أترككم مع القصيدة...
جـــــــــــــــــــــابر الفــــــــــــــــــــزعه
ما بقى والله شبر من المدينه ... ما بكى فرقاك يالحر الاصيل
القلوب المؤمنه تبكي حزينه ... والوطن في غيبتك حزنه طويل
يالله انك تلهم القلب وتعينه ... بالصبر يالواحد الفرد الجليل
يا إله الكون تلهمنا السكينه ... جيت يا المعبود في جاهك دخيل
يا رحيم ارحم وجاز مكفنينه ... جابر العثرات لا خاب الذليل
هو حبيب الشعب هو روحه وعينه ... انقلب بعده صباح الشعب ليل
بالعطا والخير ما شحت يدينه ... من كفوفه نهر يجري سلسبيل
في الابوه ظف الايتام بحنينه ... ما ينام وشخص من شعبه عليل
وللأرامل كم وكم تعطي يمينه ... حاتمي بالكرم ماله مثيل
غير هذا جود جوده خابرينه ... يرتكي للحمل شيال الثقيل
كم أغاث دول تشكي من الغبينه ... للكوارث جابر الفزعه كفيل
بطايرات الجو وحمول السيفنه ... من مكارم شيخنا قامت تشيل
وبالمواقف .. وقفته صلفه ثمينه ... لو تميل الارض جابر ما يميل
صايم مصلي وحافظ حق دينه ... يرحمه رب على العالم وكيل
هالني منظر وداعًه شايلينه ... مستحيل أنسى وداعه مستحيل
يوم شفت الشعب حوله كانفينه ... ذا دليل الحب .. لا وأكبر دليل
في صدور الشعب حسراتٍ دفينه ... سيّلت وديانً من دمع يسيل
يالله إنك ترحمه مع والدينه ... بجنة الفردوس بجوار الخليل
وما أظن هناك شبر من المدينه ... ما شكى فرقاك يالحر الأصيل
سلامتكم...
اللهم إغفر له... وإرحمه... وإدخله في جنان الخلد...
اللهم آآآآمين...
ودمتم سالمين
المواضيع المتشابهه
العرض العادي
