الى كل منتقد لمستشفى الخفجي العام (( لا يغير الله ما قوم حتى يغيرو اما بانفسهم ))

[خالد الديحاني]

[align=center]
بسم الله الرحمن الرحيم


السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

أخواني الاعزاء من أكبر العيوب ان ينتظر اي مجتمع التطور والرقي دون ان ينظر هذا المجتمع الى الوعي في وحدة بناء هذا المجتمع وهي الفرد يعني دائم ننتقد ونوجه اللوم (( واساليب مبدعه بهذا الشي )) ليه الواحد ما ياخذها من قاصرها ويزيد الوعي في نفسه وفي ربعه المقربين وللعلم انا احد منسوبي المستشفى وشفت مناظر ومواقف والله تسئ لاهل الخفجي ومدى وعيهم وثقافتهم وانا لا اقول الجميع ولكن فئة معينه ودائما (( الشر يعم )) يعني يا جماعه يرضيكم يجي مجموعة شباب ما يقارب الساعة 3 ليلا وهالموقف انا واقف عليه ويقول لموظف الاستقبال اخوي والله بقيس طولي انا والشباب (( يعني وش هالاستهتار )) اترك لكم التعليق لكم أضف الى ذلك اللى يدعون المرض لعياذ بالله في سبيل انه يضيع الوقت او لمفهومه بان المستشفى هو منتزه ويسوي زحمة و ياخذ ورقه ويضيع وقت الدكتور ويخسر المستشفى العلاج اللى غيره احق منه فيه وبالاخير يقطه تكرمون بالزباله وياليت برميل الزباله بعيد عشان نقول يراعي شعور الموظفين لا والله بنفس براميل المستشفى المخصصه للنفايات تكرمون أضف الى ذلك الشباب (( القلوبهم خضر )) على ما قالو كل واحد كنه كاشخ كنه بيوم العيد وحاط عطر يمكن يشم على المرضى ويسببلهم مشاكل وهو ما يدري ويجلس بالانتظار ويدخل على الدكتور ويمشي بالاسياب وهو يطالع بموبايله يا جماعه كيف تنتظرون اهتمام حقيقي بالمريض تعتقدون الدكتور او الموظفين سحره يميزون بين المريض الحقيقي واللى يمثل طبعا راح يبين بس بعد التحاليل والتشخيص ولكن الدكتور المسكين وش بيقوله ما فيه دكتور ولا تنتظر انه يقولك مافيك شي وان بس جاي كذا بيعطيك بندول او مسكن معين ويقولك ما تشوف شر يا أخوان هالاستنزاف الحقيقي للخدمات من نسبه كبيرة للاسف وهالشي ياكدونه الاطباء والطاقم هو المحك الرئيسي اللى ما يعطي المريض الاهتمام المطلوب هذا من وجهة نظري الشخصية وانتم يمكن تشوفون جزء كبير من الحقيقه لما تجي المستشفى بس حنا نشوف شي ما تشوفونه ويسبب خيبة امل للعاملين بصراحه وفي جماعه الل يستر عليهم خمس ايام بالاسبوع تلاقيهم بالمستشفى ما يمديه يكمل علاجه ومسوي مستودع ادوية بيتهم وبعض الجماعه اذا مرض ولد واحد جاب كل اولاده بصراحه الخفجي بحاجه لتوعية صحية ومعنى قسم الطؤاري اللى يخدم الجرحى واللى صاير عليهم حوادث الله يكفينا الشر او حروق وليس للي يحس بصداع خفيف وكذلك توعية لان العلاج يختلف عن التطعيمات ومعلومات كثيرة لابد ان يتمتع بها اهل المحافظه الصغير والكبير للنصل الى الاهتمام الكبير الذي يستحقه المريض اللذي يحتاجها فعليا وان المواطن يكون عنده حس وطني كبير بالاحساس بعدم استنزاف اموال الدوله بجميع خدماتها الا عند حاجتها ليلقى الاهتمام المطلوب بجميع الخدمات عند الحاجة له .

تقبلوا رائي المتواضع واتمنى لكم التوفيق دائما واتقبل جميع الاراء بصدر رحب .

تقبلوا تحياتي ،،،،،،،
[/align][align=justify][/align]