السلام عليكم ورحمة الله وبركاته
قصيده تعبر عن نفسها
.
.
.
.
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black"]
دوك .. الحقيقه وأفهميني .. فارقيّ يـا آدميّـه=خلّي .. بوجهك حيا وأرجوك حـلّي عن سمايا
إنتهى .. عصر الغرام بقيس وليلـى العامريّـه=وأبتدى وقت الخيانه .. وأنتي وأمثالـك ضحايـا
الليالـي علمتـنـي .. والسـلـوم الحنبلـيّـه=مثلك .. ضعيفة عقل وعقل مثلـي بـه مزايـا
ناقصـة ديـن وفهامـه ميّتـه والنـاس حيّـه=ضايعـه بـأول حياتـك .. وانتهيتـي بالبدايـا
التكبـر مـن صفاتـك والطبـاع النرجسّـيـه=والسذاجه والغـرور وهمـك الأكبـر مرايـا
تعشقيـن اللـي يهينـك أو يـوريـك الأذيّــه=ومن وفالك تكرهينه .. باغضه صـدق النوايـا
ماتعرفيـن المحبـه خايـنـه منـتـي وفـيّـه=وأن وفيتـي كاذبـه !! وربـي أعلـم بالخفايـا
أعترفلك ! من عرفتـك ! ماعشقتـك ! ياغبيّـه=كيف أحبك وأعشقك وأنتي كـذا ؟ كلـك خطايـا
أعرفيني .. قبل أعرفك شايف هالاشكـال ميّـه=لكن أني ماتأثر في حسـن بعـض .. الصبايـا
أعذريني عـن غرامـك .. وأتركينـي يابنّيـه=وأسمحيلـي ماتشـرف أنـك تكونـي هـوايـا
ما أخون أن كان خنتي شامـخ ونفسـي زهيّـه=أستري نفسـك وروحـي وأكتفـي هـذا كفايـا
أذبحيني . وأحرقي قلب ٍ رفـض طعنـة خويّـه=وأدفنينـي بالحيـا أرحـم .. ولايظهـر رديــا
شاعر ٍ وأجهل مصيري .. وأعرف الدنيا ردّيـه=دوك نصفي . دوك كلي . لمّـي آهاتـي معايـا
وش تبين ؟؟ إخذي وردي باقي جروحي عليّه=وأتركيني للرحيـل أجمـع شتاتـي مـع عنايـا
دوك جرحي .. دوك حزني .. دوك همّي والخطيّه=دوك الذنـوب ودوك جابر دوك أبطـال الروايـا
دوك دمي والطعون .. ودوك كبّـدي فـي يديّـه=دوك موتـي والحيـاة اللـي تفنـن فـي بكايـا
دوك قلبي يابس ودوك الضلوع المنحنيه=دوك صمتي فيه صوتي دوك شوفي مع عمايا
دوك دربي من سريتـه .. والليالـي سرمّديـه=دوك نـــــــــار ٍ تشتعل وسـط جوفـي بالحنايـا
دوك شعري .. يعترفلـك بالحـروف الأبجدّيـه=من مشيت العمر أدري مـن نهايـا فـي نهايـا
حاتميّـه .. هالليالـي .. فـي عذابـي حاتميّـه=ألف خنجر .. وسط صدري وألف رمح ٍ في قفايا
لاتغرّك ضحكتـي فـي ذمتـي .. هـم وأسّيـه=أضحك قبال البشر والنـار تآكـل فـي حشايـا
سوّد الله وجه حظـي !! بالشقـا مافيـه زيّـه=وسوّد الله وجهك أنتي يوم زدتـي فـي شقايـا[/poem]
لـ الرائع : جابر بن هايف العتيبي
المواضيع المتشابهه
العرض الشجري