أطباق رووعه((3))

[سـَمآ ♪]

مساء الورد جميعاً..

المنيو :
_ تاكو بحشوة الدجاج بالصويا صوص
_بيتزا كذابه _صينية الجمبري بالكريمةوالمشروم الطازج ..
_شاروما بيتي وخبز الصاج والكاساديا
_توست بالبصل والجبن ..
_سلطة الخضار بالزبادي والطحينة ..
_ تشيز كيك الكاسات
_كوكيز بالهيرشي " بيترسكوتش"

[سـَمآ ♪]

بسم الله نبدأ ...

التــاكو ..


المقادير ..
صويا صوص / بصل وفلفل بارد مقطعين صغار
خس / كرنب / جزر / جبن شيدر أصغر حجم ..
ملح / فلفل / بهارات / خردل / صلصة

خبز التاكو أكيد ..



نشوح البصل والفلفل على النار بعدها نضيف الدجاج وبعدها نبدأ نحط البهارات

الملح يكون بالنهاية عشان نضج الدجاج وبعدها الخردل والصويا والصلصة ..

قبل مانقفل النار بثواني نحط الخضار .. وبكذا إنتهينا من الحشوة ..

نحشيها بخبز التاكو ورشيتها بالجبن التشيدر المبشور ..

ودخلتها الفرن مجرد إنو الجبن بذوب .. وقدمتها مع البطاطس المقلي

والثوم والكاتشب ..



صحة وعافية ..

[سـَمآ ♪]

البيتزا الكذابة ..




المقادير ..

العجبين بالبداية بزبدية لحالها ..

2 ك دقيق ..
2 م ك حليب بودرة ..
نص بيالة شاهي زيت ..
م ص Bb
شوي ملح / وسكر / وفلفل اسود ..

الماء تقريباً كاس ونص لكاسين ..

الحشوة ..

3 م ك زيتون شرايح
3 م ك فلفل بارد مقطع صغير
3 م ك جزر مبشور
3 بيضات
وشوي بقدونس
3 م ك مايونيز
3 م ك جبن سايل " اي نوع "
علبة صغيرة جبن شيدر ..


نحط بالكب كيك شوي من العجين بعدين شوي فوقة من الحشوة

ونحمرها من فوق وتحت بالفرن ووخلصنا ..



ونقدمها صحة وعافية مع كوب شاهي منعنع

[سـَمآ ♪]

الشاورما ..




المقادير ..

3ك دقيق ..
2م ك زبدة
1 م ك خميرة
م ص Bb
4 م ك حليب بودرة ..
ملح رشة ورشة سكر
كاسين ماء

تتخمر أكثر شي 25 دقيقة الى نص ساعة ..



بنات جربت اسوي الخبر بالألة طلع يابس ويتكسر جبت لخبز الشاورما والكاساديا

مقلاة خاصة مررره إرتحت عقب

ملاحظة مهمة : الخبر على طووول نشيلة من المقلا او الصاج نحطة بحافظة ونكتمه

لماااا تطلع روحة



الدجاج انا آخر شي احط عليه المخلل مقطع اسهل واحسن وأريح وكل شي

طبعاً ادهن الخبز بخلطة الثوم وأحط بطاطس مقلي وخلطة الدجاج وشوية خس ..

الحشوات الثانية جبن حلوم مع قشقوان ..

الثالثة جبن حلوم وتشيدر مع نقانق ..



وصحة وعافية يارب

[سـَمآ ♪]

التوست بالبصل والجبن ..



تسوين حشوة عبارة عن بصل وشوية ثوم تشوحينها على النار مع قطعة زبدة
أو سمن .. وتحطين عليها مكعب ماجي وفلفل بارد وبهارات ويفضل من ضمنها
بهارات الكاري وشوية أوريغانو أو بهارات إيطالية ..

تدهنين التوست بجبن مخلوط مع المايوينيز وتحطين من البصل والفلفل وبعدها شريحة
جبن وبعدين طبقة توست وترجعين تدهنيها بالجبن مره ثانيه وتدخلينها الفرن ..



طلعيها وقطعيها وكوليها بالعااافية يارب

[سـَمآ ♪]

الربيان بالكريمة والمشروم ..



تقطعين بصل وثوم وتسوحينهم على النار وبعدين تكونين مقطعة مشروم فرش
وتشويحينه معهم بعدها بدقايق تحطين الربيان تشوحينه معهم دقايق بس وتحطين
عليه بهارات " يفضل جوزة الطيب " مع هالطبق تعطيه نكهة رهيبة ..
تحطينه بصينية بايركس وترشينه بجبن القشقوان وتدخلينه الفرن يتحمر من فوق



وصحة وعااافية

[سـَمآ ♪]

سلطة الخضار بالزبادي والطحينة ..



نحط كل الخضار عندنا بالبيت أنا حطيت برضو بقول اللي هي عبارة عن
حمص وفاصوليا حمرا وطبقة خس وجزر مبشور وبروكلي وبعدين وزعت الزبادي اللي مخلوط
بالطحينة والليمون والثوم وزيت الزيتون ..

ورجعت حطيت باقي الخضار اللي هي الباذنجان والبطاطس المقلي وبرضو الزهرة.."قرنبيط"
وحطيت بقدونس طبقة أخيرة بعدها خلطة الزبادي ورشيتها بالسماق والنعناع الجاف



صحة وهنـــا

[سـَمآ ♪]

_ التشيز كيك
تشيز كيك الطبقات .. سهل وسريع وطعمة مرررة حلو



المقادير ..

علبة جبن فيلا دلفيا حجم 300 جرام
كاس قشطة خفق ..
علبة جلي أناناس وعلبة جيلي ليمون مذوبة بكاس ماء مغلي ..
علبة بسكويت مطحون وملعقتين سكر بني " الفاتح مو الدارك " وإصبع زبدة مذوب

نخلط المقادير مع بعض ونحط عليهم شوي عصرة ليمون عشان تعطينا حموضة
ويبين طعم الجبن معنا ..



أنا هالمرة سويتها بكاسات .. ضمنهم الصينية اللي تنفك
على جنب
نحط طبقة اولى من البسكويت المخلوط بالزبدة والسكر البني .. بعدين نحط من الخلطة
ونرجع نحط بسكويت .. وبعده الخلطة ونتركة بالفريزر ساعتين الى 3 أفضل شي
بالنهاية نسوية بحشوة الباي فيلنق أفضل الفراولة او التوت الأزرق ..
ونقدمها ..

[سـَمآ ♪]

_ الكوكيز بحبيبات البيترسكوتش والشوفان



المقادير
2ونص ك دقيق أبيض
2 بيض
نص ملعقة Bb ونص ملعقة بيركربونات الصوا
نص ك شوفان
كاس زبدة بدرجة حرارة الغرفة
رشة ملح وملعقة فانيليا سائلة
نص ك سكر بني دارك
نص ك سكر عادي
3 ملاعق كبيرة شوكولاته بودرة..

خلطت الزبدة والسكر والبيض والفانيليا لما صارت مثل الكريمة
أضفت عليها المواد الناشفة اللي هي الدقيق والشوكولاتة والشوفان
بعد مانخلتهم .. شكلتهم وحطيتهم بالصينية

حطيت على الوجة حبيبات الهيرشي ودخلتها الفرن ..



وقدمتها ..

صحة وعافية مقدماً ..


بكذا إنتهى الموضوع أتمنى يعجب الجميع ..

[شوق الغلا]

الغاليه شذو ..


فى كل اسبوع ننتظر اطباقك الروعه ..


التي تمتااز بروعتها وجمالها وحسن اختيارك ..


وبالتاالى تتميزين بموضوعك ..


ونحن نتميز بوجود اطباق لذيذه ورائعه ..


وسهلة التنفيذ ..


شاكره لك هذا الحضور وهذا التميز بالقسم ..


دمتي بود يالغاليه ..