يا هيه من ياخذ من البوم الاشوار
لابد ياتي يوم يلعن شويره
تاتي حصايد ما فعل وسط الاخبار
وتسخط عليه جموع ناس غفيره
ومن لاخذا في سالف الوقت تعبار
جاته الصغيره من رداته كبيره
البوم ما ينزل منازيل الاحرار
وكل نهار الصيد يختار طيره
احدن سبوق ويدمي الصيد لا طار
واحد بتنقاله يعلك مطيره
بالعقل كل جزله بالاعيان تختار
وحذرا مهبول الخلق تاتي خشيره
لا راحم صغارن ولا حاشم كبار
وراعي الردا لو مد ماراح ديره
واحذر الا منها تولت الاقدار
فشكواك خصصها لرب البريره
وخلك علي ما قدر الرب صبار
الصبر مفتاح القلوب الكسيره
واليا نشبلك من قريبين او جار
الخنع قربه ما يجيب البصيره
دور ونسك بدار لا بارت الدار
واترك كلام السو واختار خيره
المواضيع المتشابهه
العرض الشجري