إهداء لذويقة الشعر النبطي

[مطنوخ شمر]

اهدااااااااااااااااااااااااااااااااااااااااااااااا ااااااء

رائعة من روائع الشاعر / عبدالله بن شايق آل عاطف القحطاني





الأجود واجـد والمراجـل لهـا كسـاب لكن واعد العشـرة ليـا صـرت جمالـي



يطير الشـرار وكـل نـارٍ لهـا شبـاب ومن ولع النيران يصبـر علـى الصالـي



تجارب حياتي معجزة وادروب أصعـاب ولقيت الرجال انـواع والـوان وشكالـي



صديق الشدايد ما خذا منك علـم وجـاب وسيع الصدر يضحك ولا هـو بزعالـي



صديـق الشدايـد لا ينافـق ولا يغتـاب يدلـه غريـب الـدار ويزيـن الجـالـي



وصديق الرخى عقاب ومصادقـه عقـاب شجاع الحكـي والمـدح بالقيـل والقالـي



وصديق الرخى ما غير صورة ولبس ثياب يا ليتـه يبرقـع مالـه شمـاغ وعقالـي



وعنـدي نصيحـه جـد ماقلتهـا لعـاب أقول الصحيـح ونايـم القلـب يصحالـي



ترا خوة أهل الطيـب يالطيبيـن أطبـاب يطيـب السقيـم وخـوة الاش سـلالـي



تغانم شبابك يا بيض الوجه دامـك شـاب ترى البدر لو يطلع قمـر عـود أهلالـي



فلا تهجر المسجد وخلـك ورى المحـراب ترى روضة المسجد لهـا منـزلٍ عالـي



ولا تترك اللي يزهمـك خايـفٍ مرتـاب ترى الذل ما نجـى الثعـل بـا لتحيالـي



ولا لندى غير الفدى لـو تـروح أرقـاب ومن ضاع شوره يا خذ الشـور ويمالـي



ومن با شـرك بالعـذر لاتلحقـه بعتـاب ولا تشوف نفسك شيـخ والنـاس عمالـي



ولا تهين نفسك لو تجي بين ضرس وناب وهيبتك لا تنقـص ولـو ربـع مثقالـي



وبنت الردي لا يعجبـك زينهـا الجـذاب تراهـا كمـا المخيـال خيـل وتخيالـي



ولو شفت حمر خدودهـا وثمـان أعـذاب لا بدك تمنى ليـت مـا جالـك أعيالـي



ولدها لا ياشاف النقـى والملاقـى هـاب ذليـلٍ بخيـلٍ فيـه خفخـاف وجفـالـي



أخذ بنت قرمٍ طيـبٍ ساسهـا مـا عـاب تنومسك بنـت الشبـل ويجيلـك أشبالـي



أعيال الذياب تصير مثل الذيـاب أذيـاب وعيال الثعالـب مثلهـا زهـر الاذيالـي



وفرخ الصقر مثله وفرخ الغراب غـراب وبـوم الخـراب ايقابـل العـش ويلالـي



الي صار راسك فوق يا طيب الا نسـاب فـلا ينحنـي لقـدام رجليـن ونعـالـي



لكن الله اللي يكتـب الـرزق يـا خطـاب هو اللي يفـك البـاب ويقـص الا قفالـي



ولا يهمـل الا واحـدٍِ عايـفٍ الاشبـاب ولا ضيع أحقوق البشر غيـر الا همالـي



وترى للقصايد كيف والكيف لـه شـراب وانا ما مشرب الا كيف راسـي بفنجالـي



ولا طاوع الجاهـل ولا جامـل النصـاب أقـدم يميـن الحـق واحــط معـذالـي



ولا نيب و الله طيبن له مـع مـن طـاب ومن طاب لي برخص له الحال والمالـي



أكذب وانا خابـر واجامـل وانـا كـذاب سنين مضت هـي صـدق والا يورالـي



تلخبط جهاز المخ وانهـارت الاعصـاب وفورت دمـي وارتفـع ضغطـه العالـي



لكن في رجى اللي من رجى رحمته ماخاب هـو الواحـد العالـي وهـو ربناالوالـي



وهو الخالق الرازق وهو المعطي الوهـاب لـه الملـك كلـه والكمايـل والاكمالـي



رئوفٍ رئيفٍ رحمتـه تنقـذ المنصـاب يغيث الديـار الممحلـه عقـب المحالـي



شديد العقاب ويعتق المذنـب اللـي تـاب عسـى مـا يوخذنـا بسيـات الاعمالـي



كما قالـه الله فصبـروا يأولـي الالبـاب ترى الصبر زين وكلمـة الحـق تنقالـي



واصلي واسلم عد مـا تنبـت الاعشـاب وما لاح بـراقٍ سـرى يشعـل أشعالـي



على المصطفى اللي وحد الدين والاحـزاب شفيـع أمتـه يـوم الهوايـل والاهوالـي

[داعــ العين ــج]

هــلا وغــلا


حــآتـم الداغــر



صح لسان الشـآعر / عبدالله القحـطـآني



قصــيدة رائــعه ..


الله يعـطيك العـآفيه ..

[شاقني]

[align=center]

اقتباس وترى للقصايد كيف والكيف لـه شـراب وانا ما اشرب الا كيف راسـي بفنجالـي

صح لسان ابن شايق

والله يعطيك العافية اخوي مطنوخ شمر
على الاهداء الرائع ,,

دمت مبدعاً[/align]

[عبدالعزيز العنزي]

صح لسانك ولسان قايلها

تسلم على النقل الرائع

[مطنوخ شمر]

لاهنتو عالمرور الطيب ,, شرفتو صفحاتي

[أبو رائد]

صح لسان الشاعر

وسلمت يا مطنوخ شمر

على هذا الاختيار الرائع

[مطنوخ شمر]

الله يسلمك يارب ومشكور عالمرور الطيب

[فتاة الجروح]

تسلم اخوي مطنوخ شمر
على النقل الرائع
يعطيك العافية

[جوااهر]

صح لسان الشاعر


ولاهنت عالنقل الرائع

[مطنوخ شمر]

صحت أبدانكم ومشكورين عالمرور