[align=center]...
السلام عليكم ورحمة الله وبركاته
أحبتي الكرام , أنه ليطيب لي دعوة الكريم أخي وصديقي وعدوي سامي الشمري إلى هذا المكان المضيء بأقلامكم وآلامكم .
ومشاركتي لكم .. هي شرف أقلّده نفسي .. والعذر مقدماً على أي محاولة لاترتقي إلى ذائقتكم .
مع تمنياتي أن تقبلوني أخاً صغيراً بينكم .
آهـ :
[align=right]واخذ يكتب جروحه وانكساره في طرف ( بوفيه ) *
................. يذوب من القهر وسط الزحام فـ كاسة الشاهي
يبلله الحنين , ودرب ماضي ماتعب يمشيه
................. عتب مدري تعب كانت ملامح .. عذره الواهي
سرى به حلم يتشرّب سرابه , يكتبه يمحيـه
................. على مهله يموت من اختناق آصابعه , ياهي ..
غريبه حالته وان قلت الاغرب منه لا مافيه ..
................. صدقني شِـعره اللي ماتعثر .. غير بـ شفاهي
على رمضا ظنونه قال : يلـّه سمّ ياباغيــه
................. قصيد ٍ ... ماتمل الناس تقرى شيـنـه الزاهي !
بدى يكتب : بلادي يابلادي , واعرقت كفـّيه
................. سِِكْت .. فكـّر يعيد .. وطال صمته , بالسما ساهي
تساقط من أعالي خيبتـه لين اسفلـه , ويديـه ..
................. يحاصرها سكوتـه والحزن بـه حييييل متباهي
كأن الطاوله والشارع اللي يعتريـه التيــه
................. هم اكثر من شعر بـه يوم ضاع فـ زحمة اشباهي
بكاهم لين صاحو في لسانه : من انا ؟؟ طب ليه ؟!
................. واخذ يدوي صداهم في مكان الكل به .. لاهي
ومن فوقـه تطير الذكريات من العطش تسقيه
................. تناديلـه .. ولا في داخله من صاح به : ناهي !
على هالحال ظل , وبـ ارتباكه ترتكب رجليـه
................. دروب اغبـا ذنوبـه , والخـَطا في جعبته باهي
........
..........
هنا ...
... قام بـ ثقل , لملم جراحه والتعب ماليه
................. سأل بعضه على بعضه وراح فـ عذره الواهي
نسى نفسـه وراه وماتدارك .. في ظهر كرسيـه
................. نسى يدفـع بعد .. حق البوفيـه وكـاسة الشاهي[/align][/align]
المواضيع المتشابهه
[/align]
العرض العادي
