الشعب يهتف يابو متعب سلامات

[عبدالرحمن الميزاني]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
شفنا خبر عبر الفضاء والوكالات = في شاشة التلفاز عاجل قريناه
مفاده ابو الشعب رجل المهمات = يشكي من الغضروف والرب يحماه
والشعب يهتف يابو متعب سلامات = يالله من كل الصواديف تاقاه
يالله ياعالم بالاحياء والاموات = يالي ماغيرك ساعة الضيق ننصاه
تفك شيال الحمول الثقيلات = ولعل عجلات المنايا تعداه
الحاكم الي يفعل المستحيلات = الي كثير الناس يلوذ بحماه
طهور يارمز الكرم والوجاهات = يامن لربه بالخفا يرفع يداه
يسهر ويطلب خالقه كل حزات = ومن الألم دايم على الرب مشكاه
ينسى مرض نفسه ومافيه بالذات = ويهتم في غيره ومافيه ينساه
واجره على رب الفلك والسموات = الواحد الي تسجد الناس لرضاه
ولاهي غريبه كل ماجاه وعكات = حتى المرض يسمع بطيبه ويبغاه
كلٍ يبي قربه زبون الصعيبات = وكلٍ على طول يتمنى مخاواه
الي على شعبه سوات المخيلات = مثل السحاب الي بنوه نثر ماه
ياسيدي يوم ان الاوضاع صعبات = الكل منكم تفعل الطيب يمناه
انتم هل العوجا ولابه مراوات = بيتٍ شهير وكلنا ماجهلناه
وراياتكم ترفع على كل رايات = ياهل الشكاله والفعول المسماه
الله يديمك يازبون المهمات = ولعلها تكفير ياطيب الجاه
وبامر الله يعودن الاخبار عجلات = ونشوف ابو متعب ببشته ومركاه

[/poem]