قصيدة - بمناسبة سلامة خادم الحرمين الشريفين ( حفل الخفجي ) ..!

[سند مطر]

قصيدة بمناسبة سلامة خادم الحرمين الشريفين
تم القائها باحتفالية الخفجي ...!



[poem=font=",5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
صهل خيل القصيد لفارسه طالب بفك عنان = يبي يطلق عنان الشعر والاسماع ينبيها
يبي سيف المعاني لا حضر يجبر بها الاذهان = تغرد من حروفه بالزمن لا حل طاريها
وانا بسوق المدايح طامعن من مورده شفقان = ادور جزلة المعنى على الابداع شاريها
لعين اللي جبر ( حبر الكلام ابدعها اوزان ) = تقدم له حروف الشعر في اجمل معانيها
بعودة من جعل شمسه غدا فيها السطوع يبان = سطع نوره على ارجاء الوطن بكمل ضواحيها
سلامة طيب اليمنى ( ابو متعب ) رفيع الشان = ملكنا يوم كل الناس مكثرتن دعاويها
هلابك في رجوعك للوطن بعداد مل امزان = على ارضن تبي سيل المطر والمزن يحييها
هلابك يامشرع للعدل في هالوطن ميزان = على منهج كتاب الله طايبتن مساريها
هلابك عد ماصار الفرح عايم بكل اوطان = تباشير الفرح كانت بقاصيها ودانيها
حباك الله يبو متعب محبة ساير البلدان = تغني لك / اهاليها / اراضيها / مبانيها
تقدم لك غلاها دايمن في صادق وعرفان = تعابير الغلا بينت فيها كيف تغليها
تبسم يامليك الطيب دامك مالكن خلان = بشعبن يوفي الطيب لانك دوم توفيها
كفخ طير السلام بهيبتك شامخ بكل احيان = يحوم ليا لفى في ديرتن يحسن مساعيها
قطفتي يابلادي من نبات العز لك ريحان = سكنتي في ديار الخلق طيبك باينن فيها
جعلتي يابلادي فالزمن في سيرتك برهان = بان المملكه طيب المبادي دوم تبديها
على صهوة جواد اللي كسب في ساحة الميدان = كسب طيب السجايا بالزمن من كان يبغيها
ترا شعبك يبو متعب باعماق البحر غرقان = يعوم بطيبتك وانت الذي ياكود جانيها
لان الطيب في ذاتك غدا لهل الوطن عنوان = بأنك مالك الطيبه وقايدها وحاميها
لان الطيب في ذاتك غديت بحسبتي غلطان = ياكيف احسب مداك بمدتك بالطيب واحصيها
ترى الديره مثل سير السفينه لفقدت غبطان = تضيع بدربها ماعاد تاصل في موانيها
عدا من هو يثبت سيرته وقت اللزز لا حان = ابو متعب مسيرها مثبت له مراسيها\
سلام الله على دارن بها تحكم على القران = بشرع الله دار المملكه هذي مباديها
حمى الله ديرتن فيها المزايا بسيرة الايمان = وقاه الله من العله يلو كثرت معاديها
بلادي دام عزك يابلادي سائر الاوطان = بلادي ياأمانن فيه عمت به نواحيها
بلادي صاح شوق المغترب يومن ملك احزان = جليت الحزن عنه بعد صيحه ضاع داعيها
بلادي ساقيه من هو شكى بير الفرح ضميان = بثوب العز والفرحه بسيره دوم تكسيها
بلادي لو دموع العين تستوقف سبب اجفان = ترى شوقن على حب الديار ومولدن فيها
بلادي عاهل الدوله بنا لهل الوطن بنيان = لجل جيلن يشعشع بهجته بسباب مضويها
بلادي نور ابو متعب سطوعه ساير البلدان = ترى الديرة وجب تفخر ليامن طاب واليها
[/poem]