اهلا يا اسواق المزرعة

[الواصل2000]

بلامس تم افتتاح اسواق المزرعة و الخفجي مول و هذا شي لة فرحة

على مواطني الخفجي و المقيمين فية و اصبح متنفس للجميع و هي

خطوة جبارة .

و لكن لي ملاحظات على بعض اسعار سوق المزرعة

1- اغلب بعض الاسعار زيادة ريال او اكثر عن السوق المحلي

2- صرف العملات الدينار الكويتي يا خذوة بسعر 10 ريال لماذا ؟؟؟

نبي كلمة او شعار تحطيم الاسعار يكون لة صدا فعال بين المتنافسين


صح شركة كبيرة و لها سمعتها بس المسؤل عنها لابد ان يراجع حساباتة

و نحن في و قت زيادة ربع ريال لها تاثير على العائلة و ذوي الدخل المحدود

[& خفجاوي &]

هههههههههههههههههههههه

بالأمس كان الموضوع وداعا لجمعيه الشركه واهلا بأسواق المزرعه

قلنا لكم يا جماعه لحد يستعجل هذا اخونا الواصل يقول غاليه

والدينار ينصرف على 10 ريال طيب والثلاثه الريال الباقيه وين بتروح ؟؟

عموما خلو المجمع واسواق المزرعه للتماشي

[mύβαřαķ αlsαhli]

وآخيرآ مبروووووووك

[شموخ ^عزي]

يافرحة ماتمت ‏‏‏^‏‏_‏^‏*

[ضرمان العجمي]

الحمدلله وحده والصلاة والسلام على من لانبي بعده وبعد

أخي الفاضل الكريم

(الواصل 2000)

يعطيك العافية على هذا الخبر وبارك الله فيك ونفع بك

ولعل يكون فتح هذه الأسواق والمجمعات فأل خير على المحافظة وأهلها وإن شاء الله تكون أسعارهم معقوله ومقبولة وهذه فرصة للتنافس بين أصحاب المحلات وهذا التنافس سيكون بصالح المستهلك00

أسأل الله التوفيق للجميع00

00 محبكم00

[الوافي]

السلام عليكم ورحمة الله وبركاته

اصبرو علي ايام وسوف اظهر الكم حقيقة اسواق المزرعه
ملاحظه صاحبهاء البناني

[الهمس جهرا]

وش علينا اذا صاحبها لبناني او هندي او غيره...نبي بضاعه حلوه وبس..وبعدين ليش اي شي جديد نقاومه ونرفضه !!!!؟؟

اعتقد فيه قصور بالفهم الصحيح وتشاؤم ماله داعي


يا اخوان اذا نجح المجمع واسواق المزرعه راح نشوف اسواق ومجمعات اخرى تفتح واذا حاربناها راح ترجع الخفجي مره ثانيه للتخلف ...انتبهوا لا تتسرعون ماصدقنا نتطور

[اتحادي]

هههههههههههههه 10 زرف عيني عينك

[بــ الخفجي ـنت]

يا سلام .. وانتوا دوم تفرحوون قبل لا يفتح الشي

وتعارضوون اول ما يفتح ..؟

ع العمووم اسواق المزرعه هي هي بكل مكان

واسعارها وحده ومعرووفه

ومو شي جديد ان اسعارها اغلى من السووق عادي

بس الحلو فيها والمميز العروض

وفيها اشيااء ما اتوقع موجوده بباقي السوبرماركتات الموجوده بالخفجي

وبالنسبه للصرف

ما اعتقد انه جايب عمال من الخفجي ؟؟

والاغلب انه جايب من الدماام لان هناك في كذا فرع وعارفين الشغله

وطبيعي بيقيسون سعر صرف الدينار الكويتي ع سعر صرف الدينار البحريتي

تحياتي

بـ الخفجي ـنت

[هواوي22]

لا لا لا > صــرِاحه المجمـع شـي خيـالي ع الخفجي ومن الفرحه الناس قاعده تكتب انتقادت غير صحيحه ع المجمع واسواق المزرعه هي هي اسعارها وحده سواء كانت في الدمام او اي مدينه ثانيه...