حديث نفس لمن يجروء

[لهب شمر]

السلام عليكم

كيفكم يالطيبين ان شاء الله الكل بخير وصحه وعافيه

بدش بالموضوع على طول

انا خريجه.. حاصله على بكالوريوس( ادب وتربيه لغه انجليزيه) من كليتنا كليه الخفجي .. وصارلي خمس سنين قاعده في البيت

..المشكله المداااارس عندهم نقص حااااااااااااااااااااد ومافي مدرسات انجلش

يعني تخيلوا معلمة انجليزي وحده لمدرسه كامله ماسكه فووووووووق ال8 فصول سلامااااااااااااااات ..

واتفاجأه ببنات اقل مني معدل .. معدلهم مقبوووووووول وتوهم متخرجين ومتوظفات ( طبعا مدرسات ) ولا وازيدكم من الشعر بيت .. في بعضهم معيدات في الكليه ( كليتنا الحبيبه ) تقدير مقبول ومعيده

الكل عارف وانا عارفه انهم وااااااااااااسطه ... بس سؤالي
شلون الواحد يتعرف على واسطه .. ابي واسطه ياناس .. ابي اتوظف .. ابي اشيل شوي عن ابوووووووووووي

مليت .... دفعتي اللي تخرجوا معاي تقريبا نصها توظف والله يوفقهم بواسطه ولا غيرها .. ماني حسوده .. بس والله ابي اتوظف .. اللي يتوظفون بواسطه شنو ضرهم اذا قالولي فلان تراه واسطه << ترى والله ما اعلم احد والمبلغ اللي يبي << ما تلمح ابد

لاتقووووووولون ليش تكتبن كذا .. الكل صار يعرف وصار موضوع الواسطه عادي عند الناس .. يعني مو شي غريب

بلييييييييز اللي يرد يراعي مشاعري واللي يبي يساعد ياهلابه ومئه هلا .. واللي مايبي يرد << عاااااااااااادي لانه حديث نفس .. متعوده قبل لا انام اكلم نفسي
واللي يبي يدعي يدعيلي بالوظيفه

[align=center]

ومشكورين لاني اخذت من وقتكم ودي واحترامي لكم

[/align]

[أبو رائد]

وعليكم السلام ورحمة الله وبركاته

غريب فعلا إن تخصصك انجليزي ولا جاك تعيين

فعلا المدارس بحاجة لهذا التخصص


لكن :

هل قدمتي على الديوان ؟

وهل قدمتي على نظام التعاقد في الدمام ؟


اللي اعرفه تخصصات كثيرة مطلوبة مجرد ما تقدمين يجيك على الاقل تعاقد بدل معلمة ..


والله يوفقك إن شاء الله

[لحن الحزن]

هلا فيك اختي الكريمة


والواسطة عندي وواسطة ماهي زي اي واسطة وعمره مارد طلب من طلبه


بعد كل صلاة وطبعا بعد ما يكون قلبك سليم خالي من عيوب الحسد والحقد وامراض النميمه والغيبه وغيرها

بعد كل صلاة تدعين ربك بما تحبين

وان شاء الله لن يخيب طلبك ولن تحتاج الى مذله هالبشر ولا تبويس اللحه زي مايقولون

اعرف ناس لهم 9 و8 سنوات عاطلين ولكن مع كثرت الدعاء رزقهم الله في وظائف لم يكونوا يحلموا بها راتب كويس ووظيفة مريحه يعني لو باس الف يد ويد علشان يتوسط له فيها ماحصل

فتوكلي على ربك ولا تطلبي الرزق من العباد واطلبيه من رب العباد

ولك التحية

[دانة الكون]

وعليكم السلام ورحمة الله وبركاته
الحمدلله تمام
الله يرزقك يارب بالوظيفه الي تسرك.
لو عندي واسطه كان توظفت من زمان ودليتك ،، بس مثل ما قال اخي لحن كانت واسطتي الله والحمدلله توظفت وانتظر الترسيم باذن الله.

[لهب شمر]

اقتباس المشاركة الأصلية كتبت بواسطة أبو رائد وعليكم السلام ورحمة الله وبركاته غريب فعلا إن تخصصك انجليزي ولا جاك تعيين فعلا المدارس بحاجة لهذا التخصص لكن : هل قدمتي على الديوان ؟ وهل قدمتي على نظام التعاقد في الدمام ؟ اللي اعرفه تخصصات كثيرة مطلوبة مجرد ما تقدمين يجيك على الاقل تعاقد بدل معلمة .. والله يوفقك إن شاء الله

اهلين اخوي .اولا شكرا شكرا لانك عرضت الموضوع ..
بصراحه الديوان قدمت فيه .. واذا على الديوان محد متوظف
من سنتين توظفت تعاااااااقد بواااااااااااااااسطه ( بس واسطتي على قدي عام واحد والراتب 1500 خير ونعمه والله لو 1000 موافقه ) بعدين خلص العقد وردت حليمه لعادتها القديمه وجلست في البيت

نظام التعاقد بالدمام ما اعرفه .. لهم مكتب خاص يعني والا كيف ..بليز تفاصيل اكثر يابو رائد وفي ميزان حسناتك يارب

[لهب شمر]

اقتباس المشاركة الأصلية كتبت بواسطة لحن الحزن هلا فيك اختي الكريمة والواسطة عندي وواسطة ماهي زي اي واسطة وعمره مارد طلب من طلبه بعد كل صلاة وطبعا بعد ما يكون قلبك سليم خالي من عيوب الحسد والحقد وامراض النميمه والغيبه وغيرها بعد كل صلاة تدعين ربك بما تحبين وان شاء الله لن يخيب طلبك ولن تحتاج الى مذله هالبشر ولا تبويس اللحه زي مايقولون اعرف ناس لهم 9 و8 سنوات عاطلين ولكن مع كثرت الدعاء رزقهم الله في وظائف لم يكونوا يحلموا بها راتب كويس ووظيفة مريحه يعني لو باس الف يد ويد علشان يتوسط له فيها ماحصل فتوكلي على ربك ولا تطلبي الرزق من العباد واطلبيه من رب العباد ولك التحية

ونعم بالله .. متوكله على ربي والحمد لله وابشرك ظني بربي كبير ..

ومع بذل الاسباب اكييييييد ..ولاتلومني تقولي تطلبين وماتطلبين .. يا اخي قهر مقبول وموظفات وانا جيد مرتفع ولسى << ينقال اعلى منهم معدل ...
الله كريم ان شاء الله .. ومشكور على التذكير ..جزاك ربي الجنه

ســــــــؤال اخير .. عندك واسطه << مالها علاج

[لهب شمر]

اقتباس المشاركة الأصلية كتبت بواسطة دانه الكون وعليكم السلام ورحمة الله وبركاته الحمدلله تمام الله يرزقك يارب بالوظيفه الي تسرك. لو عندي واسطه كان توظفت من زمان ودليتك ،، بس مثل ما قال اخي لحن كانت واسطتي الله والحمدلله توظفت وانتظر الترسيم باذن الله.

اللهم امين .. موفقه ياقلبي ومبروك الوظيفة .. مشكوره عل الرد

[دانة الكون]

الله يبارك فيك والعفو.
والله عندي رد بس اخاف احطمك اكثر
بس بقوله.

ورد في امر ملكي:
الإيقاف الفوري لجميع أساليب التعاقد مع المعلمين والمعلمات بشتى أشكالها وصورها بما في ذلك التعاقد على وظائف البديلات في وزاره التربيه والتعليم والجهات المماثله لحين إعاده دراسه هذا الموضوع بصفه عاجله وقبل بدء العام الدراسي القادم.

[لهب شمر]

اقتباس المشاركة الأصلية كتبت بواسطة دانه الكون الله يبارك فيك والعفو. والله عندي رد بس اخاف احطمك اكثر بس بقوله. ورد في امر ملكي: الإيقاف الفوري لجميع أساليب التعاقد مع المعلمين والمعلمات بشتى أشكالها وصورها بما في ذلك التعاقد على وظائف البديلات في وزاره التربيه والتعليم والجهات المماثله لحين إعاده دراسه هذا الموضوع بصفه عاجله وقبل بدء العام الدراسي القادم.

لا ابــــــــــد ماحطمتيني .



ابــــــــــــــــــــــي وااااااااااااااااااااااااااااااسطــــــه

[الياسمين]

مدامك فتحتي موضوع الواسطه خلينا نتكلم بصراحه

لهب شمر عندي صديقتين
من .......... كلهم ثانويه عامه من نفس القبيله وانا وصديقتي بكالوريوس
وحده من صديقاتي بشهادةالثانوي توظفت عقد اعمال اداريه بمدرسه حكوميه وان شاء الله بيشملها الترسيم
عاد قلنا اكيد واسطه بس وراه ماوظف خويتنا الثانيه قالوا مو نفس الفخذ