السلام عليكم ورحمة الله وبركاته
يالذيب عوياتـك بعيـن اعتبـاري
اشاركـك همـك وابادلـك بــالاأه
واقول لاتبكي علـى شـي جـاري
مد النظر قـدام والماضـي انسـاه
احفظ دروسـه وعتبرهـا تـواري
والذيب مثلك يحفظ الـدرس لاجـاه
ونـكـان ودك تستـمـع للهذاري
الناس هـاذي مابهـا الا المقاقـاه
يفرقوبيـن الصـغـار الـحـواري
ويتربصوبين أخضرالعـود ولحـاه
ولو القمر يتبع هوى كـل سـاري
أكيـد مايبقـا سـبـب للمعـانـاه
ولـو انهـا يالذيـب بالاختـيـاري
ناقف بوجه أمـرأ علينـا مفاجـاه
ويالذيب لو للناس وسـم ومـواري
الكل يعرف لجـل وسمـه وسيمـاه
ولاينتقص قدرأ على الزود ضـاري
الكل يمشا لـه علـى قـد ممشـاه
شرواك يفرض احترامـه جبـاري
وهذاك من جنس العمل جنس مجزاه
امـور نخشاهـا بحالـة طــواري
ولا ترى اللي يسأل النـاس ماتـاه
واليـوم لاتستغـرب الانـحـداري
للحرالاشقر لرخص القـدر وارخـاه
تلقا التخلف فـي عيـال الحـراري
ولافيه شي الا ولـه حثـل باتـلاه
والعام يوم يجـاب للذيـب طـاري
ياطول ليل الشـاه والشـاه تخشـاه
ويوم استتب الامن صـارة تمـاري
وبالعكس صار الذيب يخشا من الشاه
الشـاه تنظرلـه بعيـن احتقـاري
وتطالبه في هيبـة القـدر والجـاه
والحريخشا مـن عيـال الحبـاري
من هيبة اللي ينعـم الامـن بحمـاه
ولايخون فيك الا الصديق التجـاري
اللي عويدات الضرم سـاس مبنـاه
مع هبة الغريبي بوقـت العصـاري
من قوت الهايج مـع الطـرش وداه
والناس لايقولـو علـي انتحـاري
يوم اتفاهم مـع وسيعيـن الافـواه
اللي تقـال مشلحـه فـي شبـاري
مـن كثـر مايلبـق لسانـه لعلبـاه
قليـل الزبـده كثـيـر الـهـذاري
ياكثر منزوع الدسـم مـن شفايـاه
واللي عـن المقـدار ماهوبـداري
أكيد ماهـو عارفـأ ويـش معنـاه
الشاعر: حميد الجهني
منقول ,,,,,,,
المواضيع المتشابهه
العرض الشجري