السلام عليكم ورحمة الله وبركاته
لحظه بوادعك قبل انك توادعني
ماني من اللي تروح ويمشي خلافك
لي عزة ياوليد الناس تمنعني
لو قلت مابيك تمزح خاطري عافك
قد قلتها لك قبل ماكنت تسمعني
واليوم فعلك هو اللي حطم اهدافك
يابن الاوادم نصيحه واخذها طعني
ماكل شخصٍ يذل النفس لاشافك
صحيح..زينك في بعض احيان شجعني
لكن زود الكرم زودت بأسرافك
ماهو بأنا اللي تنزلني وترفعني
لو درت في نيتك كسرت مجدافك
تبي الصراحه تصدد لاتطالعني
اخاف من دمعتك والا انت ما اخافك
ماغير واحد ولامخلوق ولعني
الحب يجرف ولاتختار جرافك
لو قلت لاحدن تحب وقالك يعني
خله وبعد مادام الوقت ماطافاك
اصارع النفس والدنيا تصارعني
والفرق واضح من مغرافي ومغرافك
ياخي ترى القلب عيا لايطاوعني
يابن الاوادم توكل خاطري عافك
المواضيع المتشابهه
العرض الشجري