[align=center]سنين مـرت .. كنهـا قطعـة ايـام
راحـت مـن سنينـي ولا ودّعتنـي
اللي بقالـي منّهـا .. روس الاقـلام
ذكـرىً تذكرنـي بمـن خالفتـنـي
جيت الديار اللي مـن العـام للعـام
ازورهـا .. وأطلالهـا موحشتنـي
صدفه .. وكم جرحٍ بعد غفوته قـام
عرفتهـا يـوم انهـا عارضتـنـي
وقفـت مابيـن الحقايـق والاوهـام
مرت علـي الذكريـات .. وخذتنـي
لحظات في عيني مثل طيف الاحـلام
اللي ل( هـذاك ) الزمـن رجعتنـي
ل( ايـام ) .. ماكنّـا نفكـر لقـدّام
يوم اني ارجيها .. وهـي راجيتنـي
راحت بحفظ اللي كفل رزق الايتـام
الله يسامحهـا .. وراء ماحترتنـي ؟
راحت ونكّسـت البيـارق والاعـلام
وقنعـت يـوم ان السلـوم اجبرتنـي
اليـوم مرتنـي تخطّـى بـالاقـدام
عدت علي .. وكنهـا مـا اعرفتنـي
ماكنها اللي خلـت ضلوعـي حطـام
ولاكني اللـي قبـل اسافـر بكتنـي
مدري اعرفتني ! بعد خمسة عشر عام
والا انها بعـد كبرنـا .. نستنـي ؟ [/align]
المواضيع المتشابهه
العرض العادي
