حلويات رمضان

[شذى العبير]

السلام عليكم ورحمة الله وبركاته

الكريم كراميل.. رهيييييييييييب بدون مبالغة مثل مال الفنادق..

*المقادير:
5 ك ماء
4 ك حليب بودرة
6 بيضات
3/1 ك سكر
2 م ص فانيلا

سكر محروق للقاع

*الطريقة:
تخلطون المقادير في الخلاط بعدين تصبونها على السكر المحروق في الصينية
تحطون الصينية في حمام ماء يفضل ساخن
تدخل فرن حار 180 درجة حتى تنضج
بعد النضج خلوها في حرارة الغرفة 10 د بعدين دخلوها الثلاجة حتى تجمد وتتماسك أقل شي ساعتين
بعدين أقلبوها وقدعوها وقدموها ..ممكن تسوونها في طاسة صغيرة ((على حسب رغبتكم))
**************
حلى النسكافيه

<FONT face="Courier New" color=#8b0000 size=5>*المقادير :
2كيك سويسرول ابيض الحجم الصغير

تقطع دوائر وترص في الصينية بهذا الشكل..




*ثم نخلط في الخلاط :
2علبة قشطة
6حبات جبن كيري
2 ظرف دريم ويب
علبة بسكوت اولكر مطحون
نخلطها الى ان تتجانس ثم نحضر
نصف كأس حليب سائل + 1م ص نسكافيه + ظرف كريم كراميل يسخن على النار الى ان يذوب الكريم كراميل ثم يوضع على المقادير التى في الخلاط ثم تخلط جيدا
بعد ذلك نسكب نصف المقدار على الكيك ثم نضع الصنية في الفريزر 1/2 ساعة
ثم نخرجه ونرص طبقة ثانية من الكيك ثم باقي الخليط ثم يوضع في الثلاجة الى ان يجمد

*للتزيين:
لوز مجروش..

هنية الصينية قبل ما ادخلها الثلاجة وازينها..


هنية بعد التزيين..


وهذا شكلها من الطرف..


طبعا تخلونها في الثلاجة لين ما تبرد زيييييييييييين ثم تقدم

<SPAN id=reputationmenu_2703055>أم علي
*المقادير:
باكيت بف باستري(اللي فيه 15 شريحة واستعملت قليلة الدسم)
علبة قشطة
4/3 ك سكر
4/1 اصبع زبدة
1 م ص فانيلا
مكسرات(اللي تحبونها)
4 ك حليب سائل..

*الطريقة:
- تحمرون شرائح البف باستري في الفرن..وبعدين تكسرونها (نص الكمية) في الصحن اللي بتحطون فيه أم علي(لازم صحن فرن مثل بايركس)

- تخلطون الحليب+السكر+الفانيلا+القشطة+الزبدة على النار حتى يسخن الخليط..

- تصبون نص خليط الحليب على نص كمية البف باستري..

- تضيفون بقية كمية البف باستري..بعدين تضيفون خليط الحليب المتبقي..

- زينو الطبق بأي نوع مكسرات تحبونها(استعملت الصنوبر+الفستق+الكاجو+جوز الهند) ودهنت الطبقية العلوية بشوية قشطة عشان تعطيها نكهة حلوة ولون حلو عند التحمير في الفرن ..

- دخلو الطبق الفرن حتى تحمر الطبقة العلوية..وتعرفون ام علي احلى شي تاكلونها وهي حارة..

# ملاحظة: التزمو بكمية البف باستري والحليب
**************************************
التيراميسو

<FONT face="Courier New" color=#8b0000 size=5>مقادير الشراب:
نصف كوب اسبرسو(او نسكافيه) + ثلث كوب سكر + ربع كوب ماء(انا احط نص كوب) تسخن حتى يذوب السكر والاسبرسو وتترك حتى تبرد ..

*مقادير الكريمة:
4 صفار البيض
2/1 نصف كوب سكر
2 علبة جبنة فيلادلفيا(حجم الواحدة 200غ)+علبة قيمر كي دي دي
كوب ويبينج كريم

بسكويت ليدي فنجر..وهذي صورتة..

*الطريقة:
اولا نضع البيض والسكر بودرة في حمام مائي حتى يصبح صفار البيض متختر ويذوب السكر
يرفع بعدها من النار ونواصل التحريك حتى يبرد
اول الخطوات بعد ان جهزنا خليط البيض مع السكر
نقوم بخفق الجبن مع القيمر و مع كريمة الخفق بالخفاقة الكهربائية على سرعة متوسطة الى ان يصبح كريمي وممتزج
بعدها نضيف خليط البيض بالتدريج مع الخفق المستمر ونخلط بالملعقة الى ان يصبح الخليط ممتزجا وناعما

احين تغطسون البسكويت في الشراب........ولككككككن بسرعة غطسوة لأنة هذا البسكويت اسفنجي وحتى إذا شفتوة جامد ماعلية بعد ما تحطونة في الثلاجة بيستوي ليييييين ومثل الكيك..
بعدين صبو شوي من الكريم وبالتبادل بين البسكويت والكريم وفي النهاية رشو رشة خفيفه من الكاكاو البودرة ودخلوها الثلاجة حتى تبرد..وتتماسك..




هنية ما خليتها تبرد وايد عشان جية تشوفونها بعدها شوي سايحة..


تابع الطريقة الثانية..

الطريقة الثانية نفس الأولى بس بدل(الفيلادلفيا+القيمر)نستعمل جبة الماسكربون وطبعا بهذي الجبنة أحلى بوااااايد من الأولى وألذذذذذذذذ
وهذي صورة الجبن..


وهذا البسكوت نفس الأول بس الشركة تختلف..


شوب غيرت الشكل في هذي المرة استعملت صينية القاعدة المتحركة..أول شي حطيت طبقة خفيفة من الكريمةبعدين صفيت البسكويت على شكل عمودي على أطراف الصينية مثل الصورة..


بعدين تصفون طبقة من البسكويت المشرب..


بعدين كريمة..

تكرر عملية صف البسكويت والكريمة..
بعدين ترشون كاكاو بودرة..
ودخلوها الثلاجة لييييييييييين ما تبرد زييييييييييييييييييين..بعدين قطعوها وقدموها..








ليالي لبنان
*المقادير:
2/1 3 ك حليب سائل
2/1 ك سميد
2/1 ك جوز الهند
شوي ماء ورد+ماء زهر

شيرة..(قطر)..
قشطة....فستق مطحون..

*الطريقة:
-اخلطي الحليب والسميد .. حطيهم على النار مع التقليب حتى يثقل الخليط..
-ضيفي جوز الهند وماء الورد والزهر..
-صبي الخليط في صينية..اتركية شوي (5- 10 دقايق عشان يتماسك شوي) بعدين ادهني الوجه بالقشطة ورشي شوي فستق مطحون..
- ادخليها الثلاجة حتى تبرد..
- عند التقديم تقطع مربعات وتصب على كل قطعة (الشيرة)

*******************************

حلى الشتلات..

*المقادير:
*الطبقة الأولى: كيك سويس رول مقطع حلقات
*الطبقة الثانية: صوص الشوكولاته السائلة
*الطبقة الثالثة:
2 كيس دريم ويب
10 قطع جبن كيري
علبة كريمة KDD(أو أي كريمة سائلة)
1 كيس كريم كراميل
*الطبقة الرابعة:
بسكويت اوريو مطحون

*الطريقة:
تقطع السويسرول ونحطه بقاع الكوب
نحط شوية صوص كاكاو على الكيك
بعدين نخلط مكونات الطبقة الثالثة بالخلاط إلى أن يتماسك ، ونحطه على الكيك..
نطحن بسكويت الاوريو(بدون الكريمة) بالمطحنة ، ونرصة بالملعقة فوق الخلطة..
وتزين بعرق من أوراق النعناع الطازج ، وهذا شكل الصينية بعد ما خلصتها..





دخلو الحلى الثلاجة.. وقدموة بارد..

ملاحظات::
الكوب اللي استعملتة كوب القهوة البلاستيكي..
إذا بتقدمونة للضيوف أحسن شي البسكويت والنعناع تحطونة قبل التقديم مباشرة...لأن النعناع في الثلاجة يذبل والبسكويت يستوي لين ومايكون هش..
*****************************
وفي النهايه أتمنى تعجبكم ولأهمية الموضوع تراه منقول .....

[أبو الوليد]

شذى العبير




يعطيك العافية




لو كان فيه صور كان هم أحسن بعد



بارك الله فيك



وإن شاء الله الأخوات يستفدن من الموضوع






~~ وفقك الباري ~~



.. .. ومضـــــــــــــــــــــة .. ..

• دافع الخطرة ,فإن لم تفعل صارت فكرة.
فدافع الفكرة, فإن لم تفعل صارت شهوة. فحاربها,
فإن لم تفعل صارت عزيمة وهمّة, فإن لم تدافعها صارت فعلا,
فإن لم تتداركه بضدّه صارت عادة فيصعب عليك الانتقال عنها.

[فتى الرائدية]

[شذى العبير]

شكرا للردود

شسوي كان احط صور بس صاحبة الموضوع ماحطت صور .

[الجوووري]

هلا وغلا

شذى العبير ..


رآئعة عزيزتي ..

شكراً على الحلويات الجميلة

وبلغنا الله واياكـم رمضان ..

وكل عام وانتي بخير

[حنين]

سلمت على هالحلويات


والله يعطيك العافيه

[×|| حلمـ الطفوله ||×]

يمي يمي

يعطيكـ العافيه يارب

[أبو رائد]

سلمتِ يا شذى العبير

والله يعطيك العافية ..

[أم عبد الله]

الله يعطيك العافيه

[شذى العبير]

الله يعافيكم جميعا .........................