قصيدة الشاعر بدر الحويفي الموجهه للشاعر فهد بن هجاج
[poem=font="Simplified Arabic,5,white,bold,normal" bkcolor="sienna" bkimage="backgrounds/28.gif" border="ridge,4,darkred" type=1 line=0 align=center use=sp num="0,black"]
يالله ياللي تعلم السر والغيب= انت الذي من خلقتي معتنيبي
تحفظ كرامتنا عن الشك والريب=ياللي على خلقك حسب ورقيبي
نبي نكلف بالرساله منا ديب= واللي مكلف بالرساله نديبي
برسالتي ينصى نزيه الأساليب=قصدي فهد هجاج شاعر واديبي
ابيه يبصر بالتماثيل ويجيب=وعليه رد القاف ماهو صعيبي
يابو محمد صرت عند المعازيب=يومٍ حشيم ويوم مثل الغريبي
واهدى عليا راي بعض الأصاحيب=لكن رايه ماعتبرته مصيبي
واليوم رايك يا حصان الأطاليب=ابقتديبه يالحصان العريبي
ماني مسود لحيتي لو غدت شيب=ولاني مغير باسود الصبغ شيبي
وشلون اغير منظري بالأكاذيب=وأغش مسلم غافلٍ مادريبي
لاعادلا عاشق ولاني بخطيب=حظي من الخفرات حاشه نصيبي
انا غرامي رفقة الطير والجيب=وقص الأثاري مع جناب الشعيبي
ومد النظر في عاليات المراقيب=وشوف الحباري وقع وإلاهريببي
مع الرجال مكملين المواجيب=مارافق إلا كل رجلٍ نجيبي
كل ابلجٍ وجهه نقاوي من العيب= واللي ماهو ماثوق ماهو صحيبي[/poem]
رد الشاعر/فهد بن هجاج الحربي
[poem=font="Simplified Arabic,5,white,bold,normal" bkcolor="transparent" bkimage="backgrounds/28.gif" border="none,4,gray" type=2 line=0 align=center use=ex num="0,black"]
يالله ياللي تسمع الصوت وتجيب=يالواحد اللي للدعاء مستجيبي
ياجاعلٍ للناس رحمه وتعذيب=وتطلع بحكمتك النجوم وتغيبي
جتنا رسالة بدروالفين ترحيب= افرح وصدري بالرساله رحيبي
حيث انها من شاعرٍ له تجاريب=بالطيب والظن بدر ما يخيبي
عنده لغالي جوهر الشعر تنقيب=شاعر حقيقي مالجنسه غليبي
اشره على قريحة الشعر لا تغيب=من شان ابو سلمان ودي وجيبي
حتى يجي للبيت معنى وترتيب=ويفوز في وصف العلاج الطبيبي
درست وضع اللي يعاتبك تعتيب=رايه من المعقول ما هو قريبي
يبي سوادٍمثل سود الغربيب=شباب كاذب في زمان المشيبي
كم واحدٍ حطه والأسنان تركيب=من خوف لا يجرح شعور النسيبي
مايدري ان الشيب رمزالتجاريب=ورمزالوفاء لمنزحين الحريبي
وترى الصقور معكفات المخاليب=تبعدك عن شوفة خطاة
تفخت مجالس شاذبين العراقيب=بالمرتع اللي للسنتهم خصيبي
وذكرت طاري للهوى والتعاجيب=وضع المحبه في زمنا عجيبي
من غير العادات يحتاج تأديب=صار الهوى يالالالا يا حبيبي[/poem]
المواضيع المتشابهه
العرض الشجري