[.. حلو التعب .. !! ..]

[~أصداف~]

.
.
.



ما قلت لك ..
حلو التعب
حلو الأرق
حلو الأنين ..
والأحلى منّه بسمتك
لا من وقفت بسكتك ..
ألمحك ..
وأبشّر ناظري
وأقول لعيني خآطري ..
ما تجيك .. فرصة
مرتين ..!!

.
.
.

أجهل أنا بلقاك وين ..؟!
وأسأل .. حكايات الحنين ..
وأذبل .. وعيني بساعتي ..
مرّت نصف ..
صارت تمام ..
جت ساعتين ..
زآد الملام ..
وأكذّب عيون السهر
ما أخلّف الموعد معي
بس عالمه
كلّه زحآم ..!!

.
.
.

عيون .. والشارع سكون ..
خريف .. والنسمه حفيف ..
سرآب .. وعشقي هالعذاب ..
يمكن ..
سنينٍ من وله ..
ويمكن ..
شعورٍ أجهله ..
لا تسأل أوراقي عليّ ..
أسألني أنا ..
كان أنت
جاهل عالمي ..!!

.
.
.

تعـــال ..
وسيّر لي .. عليّ ..
خلّك معي ..
ولا يشغلك
قلبي الخلي ..
لا تترك أوقاتي تطوف ..
والخوف ..
عاشق بي وصوف ..
نآظر بعيني وتلمحه ..
تقرآه ..
ومن نظره تشوف ..!!

.
.
.

كل الثوآني متعبه
في غيبتك ..
كل الثوآني ملهمه
في حضرتك ..
من علّمك ...!!
تسري على صوتي مدى ..
من علّمك ...!!
تضحك .. مع فرحي سدى ..
تعـــال ..
وهآك الأنتظار ..
ما عدت أنا أحتاج له ..
من بعد فرحة طلّتك ..

.
.
.

ما قلت لك ..
حلو التعب يا صاحبي ..
والأحلى منّه .. هالعتب ..!!





~أصداف~
.
.
.