حلى روووووووووعه

[حنين]

هذي الله يسلمكم حلى اعجبني و طبعا جربته قبل انزله و حبيت انكم تجربونه

وان شاء الله يعجبكم


مقادير الكيكة(الطبقة الأولى):
علبة قشطه
كأس سكر
نصف كأس زيت
ثلاث بيضات وفانيليا
ملعقة باكنج بودر
ملعقة كاكاو
كأس دقيق(أو إذا حبيتي تأخذين خليط الكيك الجاهز بدل ما تسوين كيكه إذا كانت نسبة نجاح الكيكة غير مضمونه لكن هذي المقادير مضمونه بإذن الله )


مقادير الطبقة الثانية:
8حبات جبن كيري
علبة نستله كبيرة

مقادير الطبقة الثالثة:
2 علبة بسكويت السمسم
علبة كريم كراميل
كأس ماء

الطريقة:
بالنسبة للكيكه اذا كانت جاهزة تأخذين نصف المقدار وتحطينه في صينية متوسطة الارتفاع أما بالنسبة للكيكة اللي حاطة مقاديرها فطريقتها كالتالي:
تحطين البيض والسكر والزيت و القشطة في الخلاط الكهربائي وبعدين تحطين الدقيق المنخول في زبديه مع الباكنج بودر وتصبين عليه الخليط وبعدين تصبين نصف الخليط في صينية متوسطة الارتفاع و تحطين في الخليط الباقي من الكيكه ملعقة كاكاو وتصبينها على الصينيه السابقة على شكل طولي ثم تاخذين الملعقة وتموجين فيها الكيكه وتحطينها في الفرن لحد ماتستوي مع مراعاة أن الفرن ما يكون حار مرة علشان ما تحترق الكيكة.
بعد ما تستوي الكيكة تحطين مقادير الطبقة الثانية وهي " جبن الكيري + النستله" في الخلاط و تصبينها على الكيكة بعد ما تستوي وتخلينها في الفرن شوي لحد ما يجمد الخليط تقريبا عشر دقائق وتطفين الفرن و تخلينها في حرارة الفرن شوي .
وبعدها تحطين مقادير الطبقة الثالثة وهي اولا ترصين بسكوت السمسم وراعي أن يكون فيه مساحات بسيطه بين البسكوت وبعدين تحطين الكريمة وكاس الماء و الكاكاو" واذا بغيتي لون اصفر استغني عن الكاكاو" على النار لحد ما تغلي وصبيها على البسكوت وحطيها في الثلاجه لحد ما تبرد وقطعيها بعلبة الباكنج بودر على شكل البسكوت.






وعليكم بالعافيه