تبقى دموعك غاليـــــه لــوكان سبتها بصل

[لبى جنوني]

[align=center][table1="width:80%;background-color:purple;border:10px groove deeppink;"][cell="filter:;"][align=center]

يمه غدرني الشيب قبل أفرح بشيٍ مشتهيه
............... أثري نحرت البحر وانا كنت اخاف من البلل
يمه ترى حتى العسل نـــاسٍ تعرفه ماتبيـه
............... والا ترى الله مطريٍ في سورة النحـل العسل
يمه ترى لوكل رجلٍ جــــــا مثل جدّه وابيــه
............... ان كان صاروا كل خلـــق الله نبيين ورسل
كم كنت القح نخل جدّي رحمةالمولى عليه
............... وان قلت برد يقول "عمر البرد مالقّح نخل"
وكم قلت فاسي ثلّمه جذع الأثل وازريت فيه
............... والبيد سيل من الجفاف وشلون ابحطب لك أثل
والبير يــــــــاجدي حِثل والحِثل ماحدٍ يرتويه
............... وشلون ابرمي الدلو في بيرٍ وصافيــها حِثل
ويقول"مزن الغيب يذبحه الظما من يحتريه
............... لابد مــــانشرب همـــــــاجٍ لين نلقى له بدل
ولّم حطبك وماك واللي كتب له رزقٍ يجيه
............... ودنياك داريها قبل مايسبـق السيف العذل "
طفولتي كانت رجـوله مـــــابها افراحٍ وتيه
............... في داخلي حتى البراءه عاشت رجـــولة طفل
طفولتي همّ,, وشقى يمّه ولا قد قلت ليـــه
............... حتى مراجيـــــح الطفوله كانت شداد وجمل‍‍‍‍
أكبر ويبقى الهـمّ فيني مثل ضيفٍ بالوجيه
............... أهـــــجّ من رمضـــا الضياع لمربعانية ملل
يمّه ومن حظّـه مثل حظـــّي ردي لا تعذليه
............... لو ساقته فوضى الزمن لديــار عاقلها خبل
حاولت من عاري الزمان اخذ سمل ثوب ارتديه
............... واثري مثل من حاول بياخذ من الحـافي نعل
أحلى شبابي وانتهى في غربتي قبل ابتديه
............... ما لولشت له بنت بدو اتمشط اطراف الزعـل
رجعت مثل اللي طلب ثار ولده من عند اخيه
............... شديت بـــالقعدان حملي يـــــوم ضيعت الزمل
يمه وكلٍ قال مــــــــا لأمه مثيـــــل ولاشبيه
............... واللي خلق كلّ النســـا مالك شبيه ولا مثـــل
يمه دخيل تراب ماطا رجلك الدمع احبسيه
............... هالكون كله مايساوي دمع عينـــــك لانهمل
يمه فـرح والا حـزن دمع الغـلا لاتسفحيه
............... تبقى دموعك غاليـــــه لــوكان سبتها بصل
ولاّ انا حظي كــذا مــافـرح بشيٍ مشتهيه
............... يمه مادام اني غرقت وشلون اخاف من البلل

مما راق لي !

[/align][/cell][/table1][/align]

[مجموعة أنسان]

ابيـآت اليييمه ,, ومعـآنيهـآ حزينه
كل بيت له نغمه خـآصه من الحزن

والله يبعدنـآ عن الأحزان ...
ويعطيك العـآفيه يارب ...

[الدووووخي]

صح لساااانك ولسااان الشااعر ..

[أبو فيصل]

كلمات روووووووعه


صح لسان شاعرها


وتسلم يمينك على الانتقاء الرااااااقي

[لبى جنوني]

سلمتم ع التواجد الرائع

[شمس الرائدية]

.
ما راق لكِ راق لنا
سلمتي ع الآنتقاء المميز
لكِ

[لبى جنوني]

شكراً بعدد أوراق الشجر على تواجدك وروعة ردودك
ربي يسعدك ويوفقك أينما تكون

[بشاش]

سلمت على الموضوع..!!

دمت بحفظ الرحمن
::::::::::::::::::::::::::::::::::::::::

[صانع الإبداع]

..
>>
انتقاء رائع ومميز
ربي يعطيك العافية على اختيارك يا لبى جنوني
تحياتي
^_^
..

[عاشق القمم]

* انتقاء رائع ..
ألف شكر لك ..