بسم الله الرحمن الرحيم..
حبايبي...تتوقعون وشو الورقه اللي جننت البنات؟؟
تبون تعرفون...اقروا القصه كلها...
يقولك فيه عجوز على فراش الموت وما عندها إلا ولد واحد .... وهي على فراش
الموت
قالت له وصية:
خذ ياولدي الورقة هذي ... وأي بنت تشوفها ( بأي مكان ) إفتح لها الورقة ( وخلها
تقراها )
وياويلك (( إذا قريت اللي فيها )) أنت ما تشوفها
ماتفتح الورقة .... إلا إذا وافتك المنية ... وقربت تموت
قالها إبشري ....... وماتت الأم <== الله يرحمها
حزن الولد حزن شديد .... وضاق صدره
بعد مده ..... قال لازم أنفذ وصية أمي
طلع للشارع .... وبالصدفة وهو مار من عند ( كوفي شوب )
قال يالله ... اضرب لي فنجال قهوة أعدل الراس فيه
دخل (الكوفي شوب) طلب قهوة جت لمه الجرسون ( بنت ) ... وقدمت له القهوة
وهو يشرب القهوة ... قال ليه ما أوريها الورقة ... فكرة والله
قام أبو الشباب فتح لها الورقة..
البنت على طوووووول ... قامت تصارخ عليه
ياللي فيك ومافيك ...يالحقير ..ياقليل الأدب .... يا عديم الذمة يا عديم الضمير ...
يا منحط ... ياسافل ....الخ
الرجال .... طايرتن بوهته ... مايدري وش السالفة
جاه صاحب (المحل).... وطرده
المسيكين ضاق صدره ... وحزت في خاطره
قال أكيد البنت هذي مجنونة ... أكيد فيها شي
طلع من القهوه ... ومشى في الشارع ... وبالصدفة لقى ملاهي ... قال أبي أدخل
فيها
دخل الملاهي ... وراح يلعب فيها
راح إلى لعبة تصادم السيارات <=== يحبها من يوم كان صغير
مالقى ولا سيارة فاضية .... شافته بنت ... قالت له .. تعال إركب معاي
الرجال إنبسط ... فرح ... ركب معاها ... وقام يلعب
وسواليف .وفلّه... وسعه صدر
وبالأخير .... عزمته على آيسكريم .... إنهبل ... ماصدق خبر
راحوا يشترون آيسكريم ... وقعد يسولف معاها
قال أبي أوريها الورقة ... أكيد تختلف عن البنت اللي في (الكوفي شوب) ... فتح لها
الورقة
البنت على طوووووول
ياللي فيك ومافيك ... يالخسيس ... يالحقير
ياقليل الأدب .... يا عديم الذمة يا عديم الضمير ... يا منحط ... ياسافل
سطّرته.. ولعنت خيّره... وهج منها..
برضه الرجال ..... مايدري وش السالفه..
ونفسه يقرأ اللي في الورقة ... لكن أمة ... محذرته
راح للبيت ... مر على مطعم ... قال ليه ما أتعشى
طلب عشاء كبسة رز .... أدّهر فيها بالبيت ... وشبع
بالليل عوره بطنه ... قام يتوجع ... الظاهر فيه ( زايدة )
طار للمستشفى ... سووا له عملية زايدة
يوم صحى من النوم ... شاف الممرضة قدامة ... قال أكيد هذي تختلف عن الباقيات
هي بترحمني ... أنا مريض ... وراح تعطف علي
وقام ولد الناس ... ووراها الورقة
البنت على طوووووول
ياللي فيك ومافيك ... يالخسيس ... يالحقير
ياقليل الأدب .... يا عديم الذمة يا عديم الضمير ... يا منحط ... ياسافل
واجدعته من عند الدريشة ..
إنهبل الرجال ... جن جنونه ... قال مالي قعده بالبلد هذي ...
أكيد كلهن مجانين..
مالي إلا السفر ..... خارج الديرة هذي ..
قص تذكرة على اول رحلة خارج البلد .... ركب الطيارة
وقعد في الكرسي ... جت المضيفة تخدمــه <== بنت ... أنتم عارفين وش بيسوي لها
جابت له العصير ... وقال بإذن الله راح أوريها الورقة
أكيد هذولي البنات .. راقيات... ومحترمات<<ليه بنات ديرتك مو ماليييين عينك؟؟!!
فتح الورقة لها .......... والبنت على طوووووول
ياللي فيك ومافيك ... يالخسيس ... يالحقير
ياقليل الأدب .... يا عديم الذمة يا عديم الضمير ... يا منحط ... ياسافل
والله لأنادي لك السوبرفايزر ... أشتكيه عليك
جاء السوبرفايزر ... وسمع القصة من المضيفة
قال ..... أبداً .... أبداً .... مالك قعود بالطيارة هذي ... أبداً
ما فيه إلا حل واحد ........ ما فيه غيره .... نرميك من عند باب الطيارة
<== والله ياناس رحمتـــه
إنهبل الرجال وإنفقعت مرارته .... وبرضه ما يدري وش السالفه..... قال لهم
معزّمين من عند الباب
قالوا أبد ... من عند الباب ... قال شكواي إلى الله
اللهم إني أنفذ وصية أمي ...... طيب ... أنا عندي طلب ممكن ...... قالوا تفضل
قال لهم ... وأنا واقف عند الباب .... قبل ما تدفوني على الأرض .... ودي أقراً
الورقة
لأني سالفة أمي كذا وكذا ... وقالهم إن أمة موصيته إنه مايقرأ الورقة ... إلا
إذا جاء يموت
وهو أكيد راح يموت لأنه بيطيح من الطيارة
الزبدة ... وهو واقف على الباب ومفتوح حاسهم الهواء ... عجزوا يسوقون الطيارة
وعلى وشك إنهم يدفوووونه عشان يطيح .... فتح الورقة ..... عشان يقراها..
أخينا بالله أول ما إنفتح الباب ... فتح الوررقة
وش صار له؟؟؟؟!!!!
!!طـــــــــــارت الورقـــــــــــــة !!
ودفوووووه من عند الباب وطاااااح
ومات المسكين وهو ما يدري وش في الورقة
وأنا
بعد مدري وش فيهاااااااااااااا ....!!!!!
المواضيع المتشابهه
العرض العادي
