[align=center][frame="2 80"][align=center].
ضمن فعاليات جمعية الثقافة و الفنون في المنطقة الشرقية
أقيمت أمسية شعرية للشاعرين الكبيرين ( فيصل الطوالة و خالد محمد العتيبي )
و أدار الأمسية الشاعر / عبدالرحمن الشهراني
و كانت أمسية رائعة بـ شُعرائها و جمهورها الواعي ..!
......
....
..
.
بدأ الشاعر خالد العتيبي في قصيدة مرثية لأحد الشيوخ .. و كانت القصيدة جميلة
و من شدّة جمال هذه الأبيات للأسف لم أحفظ منها شيءّ .. لأن كل بيت أجمل من الآخر
لكن أوعدكم بأن آتي بها إن شاء الله ..!
.
ثم بدأ الشاعر فيصل الطوالة بـ قصيدة جديدة للأمير سلطان بن عبدالعزيز يتحمّد بهِ على سلامته
و بعدها .. قال هذه الأبيات ..!
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماعلى الشعب السعودي يا وزير الداخليه =من هَل الارهاب والتكفير والفتنه واهَلها
ما حدث دعوة ضلاله باطله بالجاهليه= وأكثر العالم يا نور الدار تقطع في جهَلها
يا تهاليل الحجاز وبسملة نجد العذيه=يا ربيع قلوب كل الشعب يا موطن أمَلها[/poem]
إلى آخر الأبيات ..!
ثم أتى طلب من الجمهور لـ قصيدة خالد العتيبي في والديه .. تلك الجميلة التي ألقاها في مقدمة شاعر المليون /
[poem=font="Simplified Arabic,4,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياللي ورا ركنك تلوذ المساكين=و أسجد لمرضاتك و أذلل جبيني
عبدك على عهدك و مدك بلا حين=و أنا على بابك و تعلم كنيني
ازريت لا أعدل كفوف الموازين=و أزريت أسد الربع من عشر ديني
لبيه ثم لبيه لبيه و أهلين= يا أعز وجهين و ثمرها سنيني[/poem]
إلى آخر القصيدة ...!
بعدها أتى بـ قصيدة رااااائعة .. قالها بعد إتصال هاتفي من أحد زملائة ..
أسردها لكم كلها ..!
[poem=font="Simplified Arabic,4,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا ياصبا نجد العذيه ماتمثيت الفريق =يا بارد النسناس هيف لي على طاروقها
لولا القوافي كان من همي على وافيق =امع الهموم اللي تداحم فالضلوع حروقها
تكبر همومي واكبر اكثر والبحر جمه عميق =والله يدرجها على حسن النوى أسوقها
يا صاحبي لا لا تضايق والفرج من بعد ضيق =والله كريم ايحول عن كنز العلوم وذوقها
خابرك لك صدر كما البيدا ولك صبر وثيق = يوم الليالي تنقض الهين وتفتل عوقها
علمك كواني من على الضلع القصير اللي مويق =اعلى مراقيب العهود اللي تعرف وثوقها
ويا جعل كبد ماتجض امع اللوازم للصديق =اسطى الجنابي كل ماسلت تحش عروقها
يا بوهلال لاذل ابو بكره مقدر واطيق = يا ضاربٍ صدره كفو فصل الرجال فروقها
لك سطوه الصارم ولك وقفه تذكرني طويق= وادخل على الله ماعرف من المزن غير بروقها
ارفع حجاجك واضرب الجمعين والدنيا حريق= حنا لها لا يبس ريق اهل الردى بحلوقها
حنا معضدة الخوي حنا مدلهة الرفيق =ومرخصة سعر المنايا لا تعالوا سوقها
سنّد على كتوفي وتدري انك مسنّد بالعريق= لك وقفةٍ لا موت واحيا ما نسيت حقوقها
لك حق عندي مثل حق الجار وحقوق الشقيقمادام لي عينٍ يداري جفنها عن موقها
وان ما وصلتك لا تنشد لا صدوق ولا صديق=اسبل دموعك واعرف ان الارض ماني فوقها[/poem]
...
ثم أتى دور الشاعر .. فيصل الطوالة ..!
و بدأ بهذه الجولة في قصيدة ( رعيان الزمن )
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هـذا الزمـن كلـه مصايـب ياشمـروخ=ولا للمصايـب باالزمـن غيـر .. اهلهـا
واللـي يفكـر ياالسنافـي بـه ايــدوخ=تضـيـع هقـواتـه وهــو ماوصلـهـا
أمر من حنظـل .. وأحلـى مـن الخـوخ=متخـالـطٍ مــر اللـيـال وعسـلـهـا
يابو فهد (( وجه الحيا )) صار .. مشروخ=مافيـه ذمّــه ماتـصـدع جبلـهـا..!! [/poem]
إلى أن قال ..!
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماخلّفـوا (( لبّاسـة الشـال والجـوخ ))=الا (( البنات )) اللـي تبـارق احللها..!!
ومدام (( رعيان الزمن )) صارت .. اشيوخ=خل الشيـوخ اليـوم ترعـى هملهـا..!! [/poem]
بعدها قال " قصيدتي المفضّلة " ( مطلع الشمس ) .. و أخترتها لكم من هذه الأمسية كاملة
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شمسٍ تعرّت (( وستر الله )) كاسيها=جتني (( تجر الظلام )) بنور مطلعها
خفت آتواضع \ ويكسرني تعاليها=قلت آتعالا : (( كسر قلبي )) تواضعها..!!
أصد لاطالعتني \ ماأراعيها..!!=وإليخصرتني وصدت \ قمت أطالعها..!!
ياكثر ماأزعلتها \ من شان أراضيها..!!=وياكثر ماعاندتني \ لأجل أطاوعها..!!
كانت لي أبعد (( من الدمعه )) لعاصيها..!!=وصارت لي أقرب (( من العبره )) لمدمعها..!!
من وين ..؟ من وين ..؟ من وين أبتدي فيها..؟؟=(( من عفة أقدامها .. أو .. طهر مفرعها ))..!!
تو ماأنولد (( باالبنات )) اللي تماريها=لافي حلاها .. ولا حتى .. طبايعها..!
تضيع (( كل البني )) لاجت حواليها=مضيع شمسٍ (( ضرير الشوف )) ضيعها..!!
ماذقت في (( مُر عمري )) مثل حاليها=ولاشفت (( مدلع صباحٍ )) مثل مدلعها..!!
فيها من الغطرسه (( شِيخة مربيها ))=وفيها من العاطفه (( تحنان مرضعها ))
إن أقبلت قلت : ياربي تخليها=من كل عينٍ إليامرت تطالعها
كن الشوارع (( تباشر )) في خطاويها..!!=وكن الخطاوي (( تبارك )) من شوارعها..!!
نضراتها \ نضرة اللي عند راعيها=شيهانةٍ للحباري شيل برقعها
وخطواتها \ خطوة اللي في مفاليها=ريميةٍ (( وإنكسار الغصن )) يفزعها
ماأقول فيها : من الحيه \ تطويها..!!=ولاأقول فيها : من المهره \ تهزعها..!!
أقول فيها : (( من حظوظي )) تثنيها..!=وأقول فيها : (( من أحلامي )) تسكعها..!
(( الغاليه )) مالها الا (( قلب مغليها ))=(( وهداجة الحسن )) تستاهل امدلعها..!
لو (( مطلع الشمس )) ماهو من حراويها..!!=لاأقول : (( نور القمر )) هاالبنت مطلعها..!![/poem]
أنتهى الأمسية بعد عدّت قصائد رائعة
و لكن ذاك ما أخترته لكم ..!
يسار / الشاعر / ضاوي بن محمد العصيمي رئيس المنتدى الشعبي بالمنطقة الشرقية
التغطية و التصوير خاصّة لـ منتديات الرائدية و لم يتم كتابة الرابط على الصور لنقلها
نرجوا عند نقلها ذكر المصدر
تحياتي للجميع
[/align][/frame][/align]
المواضيع المتشابهه
تغطية لأمسية ( فيصل الطوالة و خالد العتيبي ) في الدمام
العرض العادي
